ថ្មីៗនេះ យោងតាមប្រកាសផ្លូវការក្រុមហ៊ុន Ford បានអោយដឹងថា រថយន្ត SUV ខ្នាតកណ្ដាលថ្មីមួយទៀតរបស់ខ្លួន នឹងបង្ហាញខ្លួនក្នុងទីផ្សាររថយន្តប្រទេសកម្ពុជា នាពេលឆាប់ៗនេះខាងមុខហើយ។ មួយរយៈចុងក្រោយនេះ តាមការបង្ហាញពីបុគ្គលិកផ្នែកលក់របស់ Ford គឺកំពុងតែមមាញឹកជាខ្លាំងជាមួយនឹងអតិថិជន ដោយសារតែរថយន្តនេះ គឺជារថយន្តជំនាន់ថ្មី មានរូបរាងស្អាត និងមានតម្លៃសមរម្យ។
យោងតាមបណ្តាញសង្គមផ្លូវការរបស់ Ford Cambodia បានអោយដឹងថា រថយន្ត Ford Territory គឺមានការកក់ទុកបណ្តើរៗ ហើយកំពុងតែមានការគំាទ្រពីសំណាក់អតិថិជនថែមទៀតផង ដូច្នេះយើងនឹងបានឃើញនូវរយន្តថ្មីមួយប្រភេទទៀតឆាប់ៗនេះហើយ។ យោងតាមការបង្ហាញនៅលើវីបសាយរបស់ Ford បានបញ្ជាក់ថា រថយន្ត Ford Territory ត្រូវបានក្រុមហ៊ុនបំពាក់ជាមួយនឹងម៉ាស៊ីន 1.5L EcoBoost ស៊ីឡាំង V4 ប្រើប្រអប់លេខ 6 អូតូ កម្លាំង 161 សេះ។
រថយន្ត Ford Territory នឹងភ្ជាប់នូវបច្ចេកវិទ្យាទំនើបៗចុងក្រោយ ដូចជា មានកាមេរ៉ា 360 មួយជុំឡាន, មុខងារកំណត់ល្បឿនស្វ័យប្រវត្តិ (Adaptive Cruise Control) មុខងារ adaptive Park Assist សម្រាប់ជំនួយពេលចូលចត, មុខងារសម្រាប់ជំនួយដល់ការចតរថយន្តលើផ្លូវចំណោត, កៅអីស្បែកបញ្ជាឆ្លាតវៃ អេក្រង់ទំហំ 10 អ៊ីញជាដើម។ សម្រាប់ផ្នែកខាងក្រៅវិញ រថយន្តលក្ខណៈគ្រួសារ 5 កៅអីនេះ នឹងបំពាក់ដោយដំបូលបើក Panoramic Moonroof និងយ៉ាន់ទំហំ 18 អ៊ីង។
សម្រាប់ព័ត៌មានលំអិតសូមទំនាក់ទំនងក្រុមហ៊ុន Ford ឬ ក្រុមហ៊ុន RMA CAMBODIA ដែលជាអ្នកនាំចូលផ្ដាច់មុខដោយផ្ទាល់តែម្ដង៕