រដ្ឋ Karnataka នៅក្នុងប្រទេសឥណ្ឌា បានក្លាយជាមជ្ឈមណ្ឌលបច្ចេកវិទ្យា IT Hub របស់ប្រទេសនេះ ហើយនេះ គឺជាកន្លែងសម្រាប់ធ្វើការផលិតរថយន្ត EV ដែលបានកំណត់នូវតំបន់ Bengaluru ដែលជាតំបន់ ដ៏មានសក្តានុពលបំផុតសម្រាប់ក្រុមហ៊ុន Tesla ក្នុងការផលិតទៅលើរថយន្តអេឡិចត្រូនិចរបស់ខ្លួន និងថាមពលថ្មរបស់ខ្លួននោះ។
តាមការបញ្ជាក់នៅក្នុងរបាយការណ៍ចេញពី ET បានអោយដឹងថា ក្រុមហ៊ុនផលិតរថយន្តអេឡិចត្រូនិច ដ៏ល្បីល្បាញនេះ បាននិយាយជាមួយនឹងរដ្ឋនេះហើយក្នុងការស្រាវជា្រវ និងការរុករកនូវបច្ចេកវិទ្យាថ្មីៗនៅក្នុងទីក្រុងនេះ។ សូមជំរាបថា Bengaluru គឺជាទឹកដីនៃក្រុមហ៊ុនផលិតរថយន្តអេឡិចត្រូនិច ដូចជាក្រុមហ៊ុន Ola Mobility, Ather Energy, Mahindra Electric និងជាច្រើនទៀត។ ការផ្លាស់ប្តូរនេះគឺមានគោលបំណងក្នុងការនាំយកនូវក្រុមហ៊ុនផលិតរថយន្តដ៏ល្បីល្បាញរបស់ពិភពលោកទៅកាន់ទីផ្សាររបស់ប្រទេសឥណ្ឌា។
លោក Gaurav Gupta បាននិយាយថា “យើងបានផ្តល់នូវការទ្រទ្រង់សម្រាប់ការស្រាវជ្រាវ និងការអភិវឌ្ឍន៍រួមជាមួយនឹងការផលិតផងដែរ។” គាត់បន្ថែមថា Bengaluru ក៏មានប្រព័ន្ធអេកូឡូស៊ីសម្រាប់រថយន្តអេឡិចត្រូនិច ហើយក្រុមហ៊ុន Tesla អាចធ្វើការផលិតបាននៅទីនេះបាន។ នៅក្នុងពេលនេះ វាមានការជជែកអំពីតំណាក់កាលជាច្រើនដែលនឹងចាប់ផ្តើម និងអូសបន្លាយពេលយូរផងដែរ៕