យោងតាមព័ត៌មានថ្មីនៅថ្ងៃនេះ បានសសេរថា ប្រទេសចិន បានក្លាយជាទីផ្សារធំបំផុតនៅក្នុងការនាំចេញរថយន្តអគ្គីសនីច្រើនជាងគេបំផុត កាលពីឆ្នាំមុន ជាមួយនិងតួរលេខដល់ 500,000 គ្រឿងក្នុងឆ្នាំ 2021 ដែលចំនួននេះ គឺជាច្រើនជាងគេបំផុតនៅលើទីផ្សារទូទាំងពិភពលោក។ ទិន្នន័យខាងលើនេះ ត្រូវបានគេដកស្រង់ចេញ ពីអគ្គនាយកដ្ឋានគយ និងរដ្ឋាកររបស់ប្រទេសចិន តាមរយៈសារព័ត៌មាន AsiaNikkei។
នៅក្នុងរបាយការណ៌ខាងលើនេះ គឺបានបញ្ជាក់ថា កាលពីឆ្នាំ 2021 កន្លងទៅនេះ ទីផ្សារប្រទេសចិន គឺបាននាំចេញរថយន្តអគ្គីសនីបានចំនួនរហូតដល់ទៅ 499,573 គ្រឿង ដែលចំនួនខាងលើនេះ គឺមានការហក់ឡើងខ្ពស់បើប្រៀបធៀបទៅហ្នឹងឆ្នាំ គឺតួរលេខ 2.6 ដងឯណោះ។ សម្រាប់ទីផ្សារអាល្លឺម៉ង់ក៏ត្រូវគេមើលឃើញថា បានកើនឡើងទ្វេរដងផងដែរជាមួយនិងតួរលេខ 230,000 គ្រឿង។ ងាកមកទីផ្សារសហរដ្ឋអាមេរិកវិញ គឺមានការធ្លាក់ចុះចំនួន 30% ដែលនាំចេញបានត្រឹមតែ 110,000 គ្រឿងប៉ុណ្ណោះ។
នៅពេលនេះ គ្រាន់តែប្រទេសចិនមួយ គឺបានគ្រប់គ្រងដល់ទៅ 60% ហើយនៅក្នុងសង្វាក់ផលិតកម្មទៅលើរថយន្តអគ្គីសនីនេះ ដែលបានធ្វើអោយប្រទេសនេះ ក្លាយជា “world’s factory” សម្រាប់រថយន្តអគ្គីសនីហើយ គឺដូចគ្នាទៅហ្នឹងសង្វាក់ផលិតកម្មផ្នែកបច្ចេកវិទ្យាចឹងដែរ គឺចិនបាននាំមុខគេទាំងស្រុង។
ជាមួយគ្នានេះសម្រាប់ការនាំចេញរថយន្តប្រភេទនេះនៅលើទីផ្សារតំបនអឺរ៉ុបវិញ ក៏ត្រូវបានគេមើលឃើញថា មានការកើនឡើងផងដែរ ស្របពេលដែលច្បាប់នៅទីនោះ គឺនឹងបិទបញ្ចប់មិនអោយមានការប្រើប្រាស់រថយន្តប្រើប្រាស់ប្រេងសាំងត្រឹមឆ្នាំ 2035 ខាងមុខ។ សម្រាប់ការនាំចេញរថយន្តអគ្គីសនីទៅកាន់ ទីនោះចំនួនច្រើនជាង 230,000 គ្រឿងនោះ គឺជាងពាក់កណ្តាលបាននាំចេញពី សំណាក់ប្រទេសចិនហើយ