ស្របពេលដែលមានក្រុមហ៊ុនផលិតរថយន្តអគ្គិសនីជាច្រើនបានប្រកាសពន្យាពេលបង្ហាញចេញរថយន្តអគ្គិសនីម៉ូដែលថ្មីៗរបស់ពួកគេ ប៉ុន្តែ ក្រុមហ៊ុនផលិតរថយន្ត GM (General Motor Company) បាននិយាយថាក្រុមហ៊ុនខ្លួនបានចាប់ផ្តើមផលិតរថយន្តអគ្គិសនីស៊េរីថ្មីម៉ូដែល Cadlllac Lyriq នៅរោងចក្រ Spring Hill ក្នុងរដ្ឋ Tennessee របស់ខ្លួនប្រហែលប្រាំបួនខែមុនកាលវិភាគ។
ទោះជាយ៉ាងណក្រុមហ៊ុន GM មិនបានបង្ហើបពីចំនួននៃការកក់ដែលខ្លួនបានលក់អស់សម្រាប់រថយន្តប្រភេទ Crossover ដ៏ប្រណីតរបស់ខ្លួននោះទេ ប៉ុន្តែ ក្រុមហ៊ុនអាចនឹងត្រូវការការបញ្ជាទិញបន្ថែមទៀតសម្រាប់ Cadlllac Lyriq ចាប់ពីថ្ងៃទី 19 ខែឧសភា។
រថយន្តអគ្គិសនីដ៏ប្រណិតម៉ូដែលថ្មីនេះគ្រោងនឹងនាំចេញទៅដល់ដំណាងចែកចាយបន្តនៅឆមាសទីមួយនៃឆ្នាំនេះ។ Lyric គឺជារថយន្តអគ្គិសនី (EV) ដំបូងស្ថិតក្នុងស្រឡាយរថយន្តប្រណិតម៉ូដែល Cadlllac និងជារថយន្តដឹកអ្នកដំណើរដំបូងគេដែលប្រើ Ultium Platform របស់ GM ដែលមានភាពទំនើបលើសពីរថយន្តអគ្គិសនីម៉ាក Hummer EV ។
រថយន្តអគ្គិសនី GM Gadlllac Lyriq EV ត្រូវបានគេដឹងថា មិនដូចគ្នានឹង Harmer EV ដែលបំពាក់ប្រព័ន្ធម៉ូទ័រដែលមានកំលាំង 340HP នោះទេ ប៉ុន្តែ វាត្រូវបានគេរំពឹងថា នឹងអាចបើកបរបានរយះចំងាយដល់ជាង 300 ម៉ាយល៍ និងគាំទ្រកំលាំងសាកថ្មល្បឿនលឿនខ្លាំងកំលាំង 190kW Fast Charging (អាស្រ័យទៅលើស្ថានីយ៍សាកថ្ម)។ រថយន្តប្រណិត Gadlllac Lyriq EV នឹងដំឡើងនូវប្រព័ន្ធកម្សាន្តជាមួយអេក្រង់ OLED ដែលមានទំហំ 33 អ៊ីញ និងមុខងារ Super Cruise hands-free highway driving ផងដែរ។
សម្រាប់តម្លៃរបស់ Gadlllac Lyriq EV ត្រូវបានគេដឹងថាមានតម្លៃចាប់ពី $59,999 ឡើងទៅតាមជម្រើសម៉ូដែល (Options) ដែលតម្លៃនេះ គឺនៅតែជាតម្លៃដែលថ្លៃគួរសម ប៉ុន្តែ វាជាតម្លៃប្រគូតប្រជែងខ្ពស់បើធៀបនឹងរថយន្ត Harmer EV ដែលមានតម្លៃខ្ទង់ $79,995៕
