ថ្មីៗនេះ ក្រុមហ៊ុនផ្គត់ផ្គង់ទឹក Wasserverband Strausberg-Erkner (WSE) នៅប្រទេសអាល្លឺម៉ង់ ចេញនូវសេចក្តីប្រកាសមួយថា បន្ទាប់ពីជួបជាមួយនឹងគម្រោងរបស់ក្រុមហ៊ុន Tesla ស្រាប់តែទុនបម្រុងទឹកក្នុងស្រុក ក៏បានចាប់ផ្តើមស្រក ដោយសារតែការទាញយកទឹកមិនគ្រប់គ្រាន់នោះ បានការធ្វើផែនការអភិវឌ្ឍផ្នែកពាណិជ្ជកម្ម និងឧស្សាហកម្មបន្ថែមទៀត នៅក្នុងប្រទេសនេះ គឺមានការលំបាក និងឈានទៅរកការផ្អាករាល់ដំណើរការទាំងអស់ប្រសិនបើគ្មានការទាញយកទឹកបន្ថែមនោះ។
សូមជំរាបថា រោងចក្រ Gigafactory របស់ក្រុមហ៊ុន Tesla នៅក្នុងទីក្រុងប៊ែកឡាំងនេះ គឺបានត្រៀមខ្លួនក្នុងការផលិតទៅលើរថយន្តអេឡិចត្រូនិច Model Y។ ហើយនៅពេលនេះ រោងចក្រទាំងមូល កំពុងតែមានការព្រួយបារម្ភដោយសារតែដំណើរការនៅក្នុងរោងចក្ររបស់ខ្លួននៅក្នុងទីក្រុងប៊ែកឡាំងនេះ គឺមានតម្រូវការទឹកច្រើនដើម្បីប្រើប្រាស់។ ទាក់ទងជាមួយនិងកង្វល់មួយនេះ ក្រសួងប្រើប្រាស់ឧបករណ៍សាធារណៈរបស់ប្រទេសអាល្លឺម៉ង់ បាននិយាយថា ប្រភពធនធានទឹកក្នុងតំបន់អាចប្រើប្រាស់បានសម្រាប់ទំហំប្រតិបត្តិការ ដែលមានស្រាប់សម្រាប់រោងចក្រ Gigafactory របស់ក្រុមហ៊ុន Tesla នៅក្នុងទីក្រុងប៊ែកឡាំង។ ប៉ុន្តែ ក្រសួងនេះ ក៏ធ្លាប់បាននិយាយអំពីហានិភ័យនៃការខ្វះទឹកផងដែរ។ ហើយនៅពេលនេះ រោងចក្ររបស់ក្រុមហ៊ុន Tesla អាចនឹងធ្វើការផ្គត់ផ្គង់តាមរយៈទឹកដែលមានស្រាប់ប៉ុណ្ណោះ។
លោក Joerg Steinbach បាននិយាយនៅក្នុងបទសម្ភាសន៍មួយថា “ការផ្គត់ផ្គង់ទឹកនៅក្នុងពេលបច្ចុប្បន្ននេះ គឺគ្រប់គ្រាន់សម្រាប់ជំហានដំបូងនៃរោងចក្រនេះ។ ប៉ុន្តែប្រសិនបើនៅពេលដែលក្រុមហ៊ុន Tesla ចង់ពង្រីករោងចក្រនោះ យើងពិតជាត្រូវការទឹកជាច្រើនបន្ថែមទៀត ដើម្បីការប្រើប្រាស់អោយបានគ្រប់គ្រាន់៕”