រោងចក្រ Tesla Shanghai Gigafactory បាននាំចេញរថយន្តជាង 8,000 គ្រឿងក្នុងមួយខែចូលទៅកាន់ទីផ្សារអឺរ៉ុប

នៅថ្ងៃនេះក្រសួងឧស្សាហកម្ម និងព័ត៌មានវិទ្យារបស់ប្រទេសចិន “Chinese Ministry of Industry and Information បានប្រកាសផ្លូវការណ៍នៅលើគណនី WeChat ថា គិតត្រឹមថ្ងៃទី 19 ខែឧសភា រោងចក្រផលិតរថយន្តអគ្គិសនី Tesla Shanghai Gigafactory បាននាំចេញសម្រាប់ខ្សែសង្វាក់ផលិតកម្មរថយន្តបានប្រមាណ 26,000 គ្រឿង។ គណនីដដែលបានបញ្ជាក់ថាសម្រាប់សង្វាក់ផ្គត់ផ្គង់ក្នុងឧហ្សាហកម្មរថយន្តគឺមានភាពល្អប្រសើរឡើង។

 

ជាងនេះទៅទៀត គឺមានក្រុមហ៊ុនផលិតគ្រឿងបន្លាស់រថយន្តជាង 1,200 ក្រុមហ៊ុនបានចាប់ផ្តើមបើកដំណើរការសង្វាក់ផលិតកម្មរបស់ខ្លួនឡើងវិញ។ ទីក្រុងសៀងហៃ គឺជាមជ្ឈមណ្ឌលដ៏សំខាន់នៃឧស្សាហកម្មរថយន្តរបស់ប្រទេសចិន ហើយការផលិតរថយន្តមានប្រហែល 11% នៃទិន្នផលជាតិ។ Tesla Shanghai Gigafactory និងក្រុមហ៊ុនរថយន្តផ្សេងទៀតកំពុងបន្តការងារ និងផលិតកម្មជាបណ្តើរៗឡើងវិញ។ ដែលនេះនឹងលើកកម្ពស់បន្ថែមទៀតនូវតុល្យភាពនៃការផ្គត់ផ្គង់ និងតម្រូវការនៅក្នុងទីផ្សាររថយន្តអគ្គិសនីថ្មី។

 

រោងចក្រនៅទីក្រុងសៀងហៃរបស់ក្រុមហ៊ុន Tesla ត្រូវបានបិទដំណើរការកាលពីថ្ងៃទី 28 ខែមីនា ដោយសារវិធានការបិទខ្ទប់ដែលបានធ្វើឡើងនៅទូទាំងទីក្រុងសៀងហៃ ហើយការបិទខ្ទប់បានបន្តអស់រយៈពេលជិត 3 សប្តាហ៍ និងបានបន្តបើប្រតិបត្តិការឡើងវិញនៅថ្ងៃទី 19 ខែមេសា។ ដោយនៅពេលចាប់ផ្តើមប្រតិបត្តិការឡើងវិញ ក្រុមហ៊ុនមានបុគ្គលិកប្រហែល 8,000 នាក់បានត្រឡប់មកធ្វើការ។ នៅក្នុងខែដំបូងនៃការចាប់ផ្តើមប្រតិបត្តិការសង្វាក់ផលិតកម្មឡើងវិញ (ចាប់ពីថ្ងៃទី 19 មេសា ដល់ 19 ឧសភា)រោងចក្រ Tesla ក្នុងទីក្រុងសៀងហៃមានគម្រោងផលិតរថយន្តឲ្យបាន 26,000 គ្រឿងសម្រាប់ Model 3 និង Model Y។ 

 

ទោះជាយ៉ាងណាតួរលេខនេះហាក់នៅឆ្ងាយពីតួរលេខនៅមុនពេលបិទខ្ទប់ ព្រោះរោងចក្រនេះ គឺមានសង្វាក់ផលិតកម្មខ្លាំងបំផុតក្នុងមួយខែៗដោយអាចផលិតបានចាប់ពី 65,000 ទៅ 71,000 គ្រឿងឯណោះ។ ប្រសិនបើគណនាក្នុងរង្វង់រយៈពេល  6 ខែ (ខែកញ្ញា ឆ្នាំ 2021 ដល់ខែមីនា ឆ្នាំ 2022) ទិន្នផលផលិតជាមធ្យមប្រចាំខែរបស់រោងចក្រ Tesla នៅទីក្រុងសៀងហៃ គឺមានចំនួនជិតដល់ 53,000 គ្រឿង។

បន្ទាប់ពីរោងចក្រ Tesla Shanghai Gigafactory បានដំណើរការឡើងវិញ រោងចក្រនេះក៏បានបន្តការនាំចេញរថយន្តផងដែរ។ ក្នុងអំឡុងពេលនេះ Tesla មានកប៉ាល់ដឹកទំនិញសរុបចំនួនពីរដែលធ្វើដំណើរទៅកាន់អឺរ៉ុប។ ហើយបើយោងតាមរបាយការណ៍ ក្នុងកប៉ាល់នីមួយៗមានផ្ទុករថយន្តជាង 4,000 គ្រឿង។ ក្នុងតួរលេខនេះ គឺមានចំនួន 4,767 ត្រូវបានដឹកជញ្ជូនទៅប្រទេសស្លូវេនី និង 4,027  គ្រឿងត្រូវបានបញ្ជូនទៅកាន់ប្រទេសបែលហ្ស៊ិក។ នេះមានន័យថាក្នុងរយៈពេលមួយខែនៃការបើករោងចក្រឡើងវិញ Tesla Shanghai Gigifactory បាននាំចេញរថយន្តជាង  8,000 គ្រឿងទៅកាន់ទីផ្សារទ្វីបអឺរ៉ុប៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Asus ROG Phone 6 បានបង្ហាញសាច់ដុំនៅលើ Geekbench Test ជាមួយនិងបន្ទះឈីប Snapdragon 8+ Gen 1

Asus ROG Phone 6 បានបង្ហាញសាច់ដុំនៅលើ Geekbench Test ជាមួយនិងបន្ទះឈីប Snapdragon 8+ Gen 1

ដោយ ប៉េងលីន
កាន់តែកក្រើក! កាន់តែរញ្ជួយទូទាំងប្រទេសហើយ! សម្រាប់កម្មវិធី “មហារង្វាន់ស្រោចធរណី” ឈ្នះម៉ូតូ Suzuki Nex Crossover ស៊េរីថ្មីឆ្នាំ 2022 សបា្តហ៍ទី 2 នេះ!

កាន់តែកក្រើក! កាន់តែរញ្ជួយទូទាំងប្រទេសហើយ! សម្រាប់កម្មវិធី “មហារង្វាន់ស្រោចធរណី” ឈ្នះម៉ូតូ Suzuki Nex Crossover ស៊េរីថ្មីឆ្នាំ 2022 សបា្តហ៍ទី 2 នេះ!

ដោយ ប៉េងលីន
ស្មាតហ្វូន Honor បានចាប់ផ្តើមវាយលុកទីផ្សារហើយតាមរយៈនៃការរៀបចំកម្មវិធីពិសេសតាមហាងលកទូរស័ព្ទជាច្រើនទូទាំងប្រទេស

ស្មាតហ្វូន Honor បានចាប់ផ្តើមវាយលុកទីផ្សារហើយតាមរយៈនៃការរៀបចំកម្មវិធីពិសេសតាមហាងលកទូរស័ព្ទជាច្រើនទូទាំងប្រទេស

ដោយ ប៉េងលីន
ដំណឹងថ្មីបញ្ជាក់ថា Apple នឹងប្រើថាមពលថ្មនៅលើ iPhone 14 Series ធំជាងជំនាន់មុនៗ

ដំណឹងថ្មីបញ្ជាក់ថា Apple នឹងប្រើថាមពលថ្មនៅលើ iPhone 14 Series ធំជាងជំនាន់មុនៗ

ដោយ ប៉េងលីន
Sony Xperia 10 IV ត្រូវបានដាក់អោយមានការបញ្ជាទិញជាមួយនិងការបន្ថែមជូនកាសស្តាប់ TWS Earbuds ដោយឥតគិតថ្លៃ

Sony Xperia 10 IV ត្រូវបានដាក់អោយមានការបញ្ជាទិញជាមួយនិងការបន្ថែមជូនកាសស្តាប់ TWS Earbuds ដោយឥតគិតថ្លៃ

ដោយ ប៉េងលីន
ASUS ឈ្នះបាននូវពានរង្វាន់ Red Dot Design Awards 2022 ជាច្រើនដែលមិនធ្លាប់មានពីមុនមក

ASUS ឈ្នះបាននូវពានរង្វាន់ Red Dot Design Awards 2022 ជាច្រើនដែលមិនធ្លាប់មានពីមុនមក

ដោយ ប៉េងលីន