Elon Musk បានបញ្ជាក់ថា Tesla នឹងមិនមានការដំឡើងរោងចក្រផលិតរយថន្ត Tesla នៅក្នុងប្រទេសឥណ្ឌានោះទេ

ក្រុមហ៊ុនផលិតរថយន្តដើរដោយថាមពលអគ្គិសនីសុទ្ធម៉ាក Tesla បាននឹងកំពុងបន្តការរីកចម្រើនរបស់ខ្លួនជាលំដាប់ ជាមួយនឹងភាពរីកចម្រើនក្នុងឧស្សាហកម្មរថយន្ត ក្រុមហ៊ុនផលិតរថយន្តអគ្គិសនីរបស់អាមេរិករបស់មហាសេដ្ឋីផុតលេខក្នុងពិភពលោកមួយនេះ ក៏កំពុងតែពង្រីកវត្តមានរបស់ខ្លួនទៅកាន់ទីផ្សារផ្សេងទៀតនៅខាងក្រៅសហរដ្ឋអាមេរិកផងដែរ។ ដោយក្នុងនោះ Tesla បានបង្កើតរោងចក្រនៅក្នុងប្រទេសចិនរួចហើយ ហើយបាននឹងកំពុងដំណើរការយ៉ាងសកម្មដើម្បីធ្វើឱ្យរថយន្តរបស់ខ្លួនកាន់តែមានភាពពេញនិយមខ្លាំងឡើងៗក្នុងប្រទេសមហាអំនាចគុម្មុនិសក្នុងតំបន់អាស៊ីនេះផងដែររ។

 

ជាងនេះទៅទៀត រោងចក្រ Tesla ក្នុងប្រទេសចិនបានដើរតួនាទីយ៉ាងសំខាន់ក្នុងការពង្រីកទីផ្សារជាសកលរបស់ក្រុមហ៊ុន Tesla ថែមទៀតផង។ ដោយឡែកកាលពីពេលថ្មីៗនេះ ឃើញថាមានការពិភាក្សាជាច្រើនដែលបង្ហាញពីការមកដល់របស់ក្រុមហ៊ុន Tesla នៅក្នុងប្រទេសឥណ្ឌា។ ទោះយ៉ាងណាលោក Elon Musk ដែលជាមេធំ និងជាស្ថាបនិកក្រុមហ៊ុនរថយន្តអគ្គិសនីជួរមុខគេមួយនេះ បានចេញមុខបដិសេធចំពោះព័ត៌មានទាំងនោះ។

 

ដោយនាយកប្រតិបត្តិរូបនេះបានបញ្ជាក់ថា Tesla នឹងសាងសង់រោងចក្រតែនៅក្នុងប្រទេសឥណ្ឌា បន្ទាប់ពីក្រុមហ៊ុនត្រូវបានអនុញ្ញាតឱ្យមានការដាក់លក់ និងផ្តល់សេវាកម្មរថយន្តនៅក្នុងប្រទេសនេះតែប៉ុណ្ណោះ។ កាលពីថ្ងៃសុក្រ មានអ្នកគាំទ្រ Tesla បានស្នើសុំនៅលើ Twitter សម្រាប់ការធ្វើបច្ចុប្បន្នភាពអំពីការបង្កើតរោងចក្រផលិតកម្មរថយន្ត Tesla នៅក្នុងប្រទេសឥណ្ឌា ប៉ន្តែលោក Musk បានឆ្លើយតបភ្លាមៗថា "ក្រុមហ៊ុន Tesla អាចនឹងពិចារណាទៅលើការសាងសង់រោងចក្រផលិតនៅក្នុងប្រទេសឥណ្ឌា ប្រសិនបើ Tesla ត្រូវបានអនុញ្ញាតឱ្យចរាចរលក់ និងផ្តល់សេវាកម្មរថយន្តជាលើកដំបូងក្នុងប្រទេសនេះ"។ 

សូមបញ្ជាក់ថា អស់រយៈពេលជាងពីរឆ្នាំហើយដែលក្រុមហ៊ុន Tesla និងរដ្ឋាភិបាលឥណ្ឌាបានពិភាក្សាគ្នាដើម្បីនាំចូលរថយន្ត Tesla ទៅលក់ក្នុងទីផ្សារឥណ្ឌា។ ប៉ុន្តែ រដ្ឋាភិបាលឥណ្ឌាទទូចឱ្យក្រុមហ៊ុន Tesla សាងសង់រោងចក្រដំបូងនៅក្នុងប្រទេសខ្លួន ដើម្បីដំឡើងរថយន្តក្នុងស្រុក។ ហើយប្រសិនបើ Tesla គ្រាន់តែចង់លក់រថយន្តនៅក្នុងទីផ្សារឥណ្ឌានោះ នឹងត្រូវបង់ពន្ធនាំចូលខ្ពស់។ បច្ចុប្បន្ននេះ រដ្ឋាភិបាលឥណ្ឌាតម្រូវឱ្យបង់ពន្ធនាំចូល 100% លើរថយន្តដែលនាំចូលដោយមានតម្លៃថ្លៃធានារ៉ាប់រង និងតម្លៃទំនិញ (CIF) លើសពី 40,000 ដុល្លារ។ រាជរដ្ឋាភិបាលប្រទេសនេះក៏មានតម្រូវឲ្យបង់ពន្ធនាំចូល 60% យលើរថយន្តដែលមានតម្លៃ CIF ក្រោមចំនួននេះ។ ទន្ទឹមនឹងនេះ រដ្ឋាភិបាលឥណ្ឌាបានបដិសេធមិនផ្តល់ជូន Tesla នូវការបញ្ចុះតម្លៃពន្ធណាមួយនោះឡើយ។

 

យោងតាមលោក Elon Musk ក្រុមហ៊ុន Tesla នៅតែ "ធ្វើការជាមួយរដ្ឋាភិបាលឥណ្ឌាលើបញ្ហាប្រឈមជាច្រើន"។ អ្វីដែលគួរឱ្យចាប់អារម្មណ៍នោះ គឺក្រុមហ៊ុន Audi បានបង្ហាញការព្រួយបារម្ភស្រដៀងគ្នានឹង Tesla ពីមុនមក។ គួរកត់សម្គាល់ថា ក្រុមហ៊ុន Toyota, Mercedes-Benz, BMW, និង Hyundai គឺជាក្រុមហ៊ុនផលិតរថយន្តដ៏ពេញនិយម រួមនឹងក្រុមហ៊ុនផលិតរថយន្តមួយចំនួនទៀតថ្មីៗនេះបានពង្រីកវត្តមានរបស់ពួកគេនៅក្នុងប្រទេសឥណ្ឌា។

ជាការជាក់ស្តែង ហាក់មិនមានក្តីសង្ឃឹមច្រើនសម្រាប់ដំណោះស្រាយបានឆាប់រហ័សនោះទេសម្រាប់ក្រុមហ៊ុន Tesla និងរាជរដ្ឋាភិបាលឥណ្ឌាជុំវិញបញ្ហាប្រឈមមួយចំនួន។ ស្របពេលជាមួយគ្នានេះ ក្រុមហ៊ុន Tesla ត្រូវបានគេរាយការណ៍ថាថ្មីៗនេះថា បាននឹងកំពុងធ្វើការជាមួយរាជរដ្ឋាភិបាលប្រទេសឥណ្ឌូនេស៊ី និងប្រទេសក្នុងទីផ្សារអាស៊ីផ្សេងទៀតដើម្បីនាំចូល និងដាក់លក់រថយន្តអគ្គិសនីរបស់ខ្លួនដើម្បីពង្រីកទីផ្សារឲ្យបានកាន់តែទូលំទូលាយដូចនៅទីផ្សារប៉ែកអឺរ៉ុបដែរ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Asus ROG Phone 6 បានបង្ហាញសាច់ដុំនៅលើ Geekbench Test ជាមួយនិងបន្ទះឈីប Snapdragon 8+ Gen 1

Asus ROG Phone 6 បានបង្ហាញសាច់ដុំនៅលើ Geekbench Test ជាមួយនិងបន្ទះឈីប Snapdragon 8+ Gen 1

ដោយ ប៉េងលីន
កាន់តែកក្រើក! កាន់តែរញ្ជួយទូទាំងប្រទេសហើយ! សម្រាប់កម្មវិធី “មហារង្វាន់ស្រោចធរណី” ឈ្នះម៉ូតូ Suzuki Nex Crossover ស៊េរីថ្មីឆ្នាំ 2022 សបា្តហ៍ទី 2 នេះ!

កាន់តែកក្រើក! កាន់តែរញ្ជួយទូទាំងប្រទេសហើយ! សម្រាប់កម្មវិធី “មហារង្វាន់ស្រោចធរណី” ឈ្នះម៉ូតូ Suzuki Nex Crossover ស៊េរីថ្មីឆ្នាំ 2022 សបា្តហ៍ទី 2 នេះ!

ដោយ ប៉េងលីន
ស្មាតហ្វូន Honor បានចាប់ផ្តើមវាយលុកទីផ្សារហើយតាមរយៈនៃការរៀបចំកម្មវិធីពិសេសតាមហាងលកទូរស័ព្ទជាច្រើនទូទាំងប្រទេស

ស្មាតហ្វូន Honor បានចាប់ផ្តើមវាយលុកទីផ្សារហើយតាមរយៈនៃការរៀបចំកម្មវិធីពិសេសតាមហាងលកទូរស័ព្ទជាច្រើនទូទាំងប្រទេស

ដោយ ប៉េងលីន
ដំណឹងថ្មីបញ្ជាក់ថា Apple នឹងប្រើថាមពលថ្មនៅលើ iPhone 14 Series ធំជាងជំនាន់មុនៗ

ដំណឹងថ្មីបញ្ជាក់ថា Apple នឹងប្រើថាមពលថ្មនៅលើ iPhone 14 Series ធំជាងជំនាន់មុនៗ

ដោយ ប៉េងលីន
Sony Xperia 10 IV ត្រូវបានដាក់អោយមានការបញ្ជាទិញជាមួយនិងការបន្ថែមជូនកាសស្តាប់ TWS Earbuds ដោយឥតគិតថ្លៃ

Sony Xperia 10 IV ត្រូវបានដាក់អោយមានការបញ្ជាទិញជាមួយនិងការបន្ថែមជូនកាសស្តាប់ TWS Earbuds ដោយឥតគិតថ្លៃ

ដោយ ប៉េងលីន
ASUS ឈ្នះបាននូវពានរង្វាន់ Red Dot Design Awards 2022 ជាច្រើនដែលមិនធ្លាប់មានពីមុនមក

ASUS ឈ្នះបាននូវពានរង្វាន់ Red Dot Design Awards 2022 ជាច្រើនដែលមិនធ្លាប់មានពីមុនមក

ដោយ ប៉េងលីន