នាយកប្រតិបត្តិរបស់ក្រុមហ៊ុន Tesla លោក Elon Musk និយាយកាលពីប៉ុន្មានថ្ងៃមុននេះថា ក្រុមហ៊ុន Tesla ប្រហែលជាមិនចាំបាច់នោះទេក្នុងការតម្លើងរោងចក្រនៅក្នុងសហរដ្ឋអាមេរិកនៅក្នុងពេលអនាគត។ យ៉ាងណាមិញ ក្រុមហ៊ុននេះកំពុងតែពិចារណាក្នុងការបង្កើតនូវរោងចក្រថ្មីនៅក្នុងប្រទេសកាណាដា និងម៉ិចស៊ីកូ។ រោងចក្រនេះនឹងក្លាយជារោងចក្រថ្មីមួយនៅអាមេរិកខាងជើង។
កាលពីសប្តាហ៍មុននេះ លោក Musk ក៏បានរៀបចំនូវកិច្ចប្រជុំធំមួយផងដែរ ដោយនៅក្នុងអង្គប្រជុំនេះ លោក Musk បានសួរដោយបុគ្គលិកជាច្រើនរបស់លោក អំពីរោងចក្រថ្មីបន្ទាប់របស់ក្រុមហ៊ុន Tesla នៅក្នុងសហរដ្ឋអាមេរិក។ លោក Musk បាន និយាយថា ក្រុមហ៊ុន Tesla មិនទាន់សម្រេចចិត្តនៅឡើយទេ។ យ៉ាងណាមិញ វាបង្ហាញយ៉ាងច្បាស់ថា ក្រុមហ៊ុននេះប្រហែលជាមិនមានរោងចក្រនៅក្នុងសហរដ្ឋអាមេរិកទេ។
លោក Musk និយាយបន្តទៀតថា “យើងកំពុងតែស្វែងរកទីតាំងសមរម្យណាមួយ ប៉ុន្តែយើងក៏ពិចារណាទៅលើទីតាំងនៅអាមេរិកខាងជើងដែលក្នុងនោះមានកាណាដា ម៉ិចស៊ីកូ និងសហរដ្ឋអាមេរិក។” ក្រុមហ៊ុន Tesla កំពុងតែស្វែងរកទីតាំង ប៉ុន្តែយើងមិនទាន់ច្បាស់នោះទេថា ជម្រើសរបស់ក្រុមហ៊ុន Tesla មានទីតាំងស្ថិតនៅទីណានោះទេ តែជម្រើសទី 1 គឺនៅក្នុងអាមេរិកខាងជើង។ នៅក្នុងខណៈពេលនេះ ការផលិតទ្រង់ទ្រាយធំរបស់ក្រុមហ៊ុននេះ គឺស្ថិតនៅក្នុងរោងចក្រ Gigafactory នៅក្នុងរដ្ឋតិចសាស់៕
