ក្រោយពីបានប្រកាសពីគម្រោងក្នុងហក់ចូលប្រឡូកនៅក្នុងឧស្សាហកម្មផលិតរថយន្តអគ្គិសនីកាលពីខែមិនាក្នុងឆ្នាំ 2021 នេះ ពេលនេះក្នុងអំឡុងនៃកិច្ចប្រជុំវិនិយោគិន នាយកប្រតិបត្តិការរបស់ Xiaomi បានបញ្ជាក់ថា ការផលិតរថយន្តអគ្គិសនីរបស់ខ្លួនបាននឹងកំពុងដំណើរការ។ ជាការពិតណាស់លោក Lei Jun មានការជឿជាក់ថា ការផលិតរថយន្តទ្រង់ទ្រាយធំដំបូងរបស់ក្រុមហ៊ុនលោកនឹងចាប់ផ្តើមនៅឆមាសទីមួយក្នុងឆ្នាំ 2024។
ក្រុមហ៊ុន Xiaomi បានបញ្ចប់ការចុះឈ្មោះអាជ្ញាប័ណ្ឌផលិតរថយន្ត EV របស់ខ្លួនផ្លូវការណ៍ហើយកាលពីអំឡុងខែសីហា ដោយក្រុមហ៊ុនផលិតស្មាតហ្វូនរបស់ចិនដែលមានចំណាត់ថ្នាក់លេខ 2 ក្នុងពិភពលោកក្នុងពេលបច្ចុប្បន្នមួយនេះគ្រោងនឹងវិនិយោគទឹកប្រាក់ចំនួន 10 ពាន់លានដុល្លារអារិកសម្រាប់រយះពេល 10 ឆ្នាំខាងមុខនេះ។ ហើយថ្មីៗនេះ Xiaomi ក៏បានទិញយកក្រុមហ៊ុន DeepMotion ដែលជាក្រុមហ៊ុន ធ្វើការលើបច្ចេកវិទ្យាបើកបរដោយខ្លួនឯង (Self-driving) និងបានប្រកាសជួលបុគ្គលិកសម្រាប់ធ្វើការក្នុងអាជីវកម្មថ្មីរបស់ខ្លួនរួចរាល់ហើយដែរ។
ទោះយ៉ាងណាក៏ដោយគេមិនទាន់ដឹងច្បាស់ថាតើក្រុមហ៊ុន Xiaomi មានគម្រោងផលិតរថយន្តដោយខ្លួនឯងផ្ទាល់ ឬក៏នឹងផ្តល់ឲ្យប្រភពផលិតកម្មទៅក្រុមហ៊ុនភាគីទីបីដែលជាក្រុមហ៊ុនផលិតរថយន្តស្រាប់នោះដើម្បីផលិតរថយន្តឲ្យខ្លួននោះទេ។ ដូច្នេះ មានតែរងចាំមើលអាជីវកម្មថ្មីរបស់ Xiaomi តើអាចមានប្រជាប្រិយភាព និងមានសន្ទុះទីផ្សារល្អដូចអាជីវកម្មស្មាតហ្វូនដែរ ឬយ៉ាងណា ព្រោះថា Apple ក៏គ្រោងបញ្ចេញរថយន្តអគ្គីសនីដំបូងរបស់ខ្លួននៅប៉ុន្មានឆ្នាំខាងមុខទៀតនេះដូចគ្នា៕
