កាលពីប៉ុន្មានថ្ងៃមុននេះ ក្រុមហ៊ុន AVATR ដែលជាសម្ព័ន្ធក្រុមហ៊ុនថ្មី ដែលមានការចាប់ដៃគ្នាជាមួយនឹងក្រុមហ៊ុន Huawei និង CATL ហើយនឹងក្រុមហ៊ុន Changen Automobile នោះ បានប្រកាសចេញជាផ្លូវការណ៌នូវ AVATR E11 ដែលជារថយន្តឆ្លាតវៃដំបូងបំផុតរបស់ខ្លួន ដែលប្រើប្រាស់នូវថាមពលមអគ្គីសនីទាំងស្រុង។ រថយន្ត AVATR E11 គឺជាប្រភេទរថយន្ត SUV Coupe ដែលមានការឌីស្សាញរូបរាងស្អាត ប្រណិត ដែលមើលទៅគឺពិតជារថយន្តដែលមានភាពស៊ីវីល័យមែនទែន បើមើលចំពីមុខ។
រថយន្ត AVATR E11 គឺមានប្រវែងសសរុប 4.8 meters ដែលដូចគ្នាជាមួយរថយន្ត EVs ដ៏ទៃទៀតដែរ។ ហើយរថយន្តនេះ គឺមានការឌីស្សាញជាមួយននឹងពន្លឺឆ្នូតដែលមានការលាក់ទុកនៅជុំវិញទ្វាទាំងអស់ ដែលមានលក្ខណៈពិសេសមែនទែន។ រថយន្ត AVATR E11 បង្ហាញជាមួយនឹងសមត្ថភាពខ្ពស់ អាចបើកបរបាន 700 គីឡូម៉ែតនៅពេលសាកថាមពលពេញម្តង ហើយនិងអាចបង្កើតកម្លាំងពី 0 ទៅ 100kmph ដោយប្រើរយៈពេលតិចជាង 4 seconds ប៉ុណ្ណោះ។
សូមជាំរាបថា AVATR E11 គឺជាសមិទ្ធិផលថ្មី និងដំបូងរបស់ក្រុមហ៊ុនមួយនេះ ដែលជាការចាប់ដៃគ្នាជាមួយនឹងក្រុមហ៊ុន Huawei ដែលមានជំនាញខាងបច្ចេកវិទ្យាឆ្លាតវៃ និងប្រព័ន្ធប្រតិបត្តិការ និងក្រុមហ៊ុន CATL ជាអ្នកជំនាញខាងផលិតអាគុយនិងផលិតផល EVs ហើយនឹងក្រុមហ៊ុន Changen Automobile ដែលជាក្រុមហ៊ុនផលិតរថយន្តដ៏ធំបំផុតរបស់ប្រទេសចិន។
រថយន្ត AVATR E11 និងមានតម្លៃខ្ទង់ 300,000 yuan ដែលប្រហាក់ប្រហែល $47,000។ ក្រុមហ៊ុននេះ គ្រោងនឹងដំណើរការសង្វាក់ផលិតកម្មរបស់ខ្លួននៅក្នុងត្រីមាសទីពីរឆ្នាំ 2022 ហើយនិងអាចចេញលក់នៅត្រីមាសទី 3 នៅឆ្នាំ 2022 ដដែល។
