Genesis ដែលជាក្រុមហ៊ុនផលិតរថយន្តថ្នាក់ប្រណិតដ៏ធំបំផុតមួយរបស់ពិភពលោក បានទម្លាយថា នៅចុងសប្តាហ៍នេះ ខ្លួននឹងប្រកាសបង្ហាញនូវរថយន្តអគ្គិសនីថ្មីមួយ ដែលមានឈ្មោថា GV70 SUV នៅក្នុងប្រទេសចិន។ ក្រុមហ៊ុននេះបានបន្ថែមថា រថយន្តនេះ នឹងបង្ហាញខ្លួននៅក្នុងព្រឹត្តិការណ៍ Guangzhou Auto Show។ ក្រុមហ៊ុន Genesis ក៏បានបង្ហាញចេញនូវរូបភាព Poster ថ្មីមួយដែលមានការបង្ហាញអំពីផ្នែកខាងមុខរបស់រថយន្តនេះផងដែរ។
រថយន្តម៉ូដែលថ្មីនេះ គឺជារងយន្ត Electrified GV70។ ក្រុមហ៊ុន Genesis នឹងបង្ហាញនូវរថយន្ត GV70 ដែលមានការឌីស្សាញស្រដៀងគ្នាទៅនឹងរថយន្ត G80 EV ផងដែរ។ រថយន្ត Electrified GV70 នេះ គឺមានលក្ខណៈសម្បត្តិជាច្រើនស្រដៀងគ្នាទៅនឹងរថយន្ត G80។ រថយន្តនេះ នឹងមានថាមពលថ្មទំហំ 87.2kWh ដែលមានម៉ូទ័រចំនួន 2 ដែលមានកម្លាំងដល់ទៅ 365 សេះ។ បន្ថែមពីនេះទៀតនោះ វាក៏មានការទ្រទ្រង់នូវប្រព័ន្ធ all wheel drive system ដែលអាចធ្វើដំណើរបានដល់ទៅ 250 ម៉ាយ៍។
តាមការបញ្ជាក់របស់ CNET បានអោយដឹងថា រថយន្ត Electrified GV70 នឹងក្លាយជារថយន្តដំបូងបំផុតរបស់ក្រុមហ៊ុន Hyundai Motor Group EV ដែលធ្វើការផលិតនៅក្នុងសហរដ្ឋអាមេរិកនៅក្នុងរោងចក្រ Montgomery, Alabama។ រថយន្តនេះអាចនឹងមានតម្លៃ 50,000 ដុល្លារអាមេរិក៕
