បន្ទាប់ពីការបង្ហាញនូវទូរទស្សន៍ជាច្រើន និងកម្មវិធី Software ជាច្រើនស៊េរី រួចមកនៅក្នុងព្រឹត្តិការណ៍ CES 2023 នេះ ក្រុមហ៊ុន Samsung ក៏បានប្រកាសបង្ហាញនូវបច្ចេកវិទ្យាថ្មីចំនួន 2 នោះគឺ Ready Care និង Ready Tune ដែលជាការសហការជាមួយនឹងក្រុមហ៊ុន Harmon។ សម្រាប់ Ready Care គឺបំពាក់នូវបច្ចេកវិទ្យា ដ៏ចាប់អារម្មណ៍ជាច្រើនរបស់ក្រុមហ៊ុន Samsung។ Ready Care ប្រើប្រាស់នូវព័ត៌មានជាច្រើន ហើយវាធ្វើការផ្លាស់ប្តូរទៅលើ Setting នៅក្នុងរថយន្ត បានដើម្បីរក្សានូវសុវត្ថិភាពនៅក្នុងពេលបើកបរផងដែរ។ សម្រាប់ Ready Tune គឺជាបច្ចេកវិទ្យាដ៏សាមញ្ញដែលមានបច្ចេកវិទ្យាឆ្លាតវៃជាច្រើនដែលអាចធ្វើការកែប្រែទៅលើ Sound Output ដែលផ្តល់នូវបទពិសោធន៍ដ៏ល្អបំផុតទៅលើប្រព័ន្ធសំឡេង។
សម្រាប់ Ready Care វិភាគទៅលើសុខភាពផ្លូវកាយ និងសុខភាពផ្លូវចិត្តរបស់អ្នកបើកបរផងដែរ។ វាក៏អាចធ្វើការកែប្រេទៅលើ settings នៃរថយន្តផ្អែកទៅលើការប្រមូលទិន្នន័យដើម្បីបង្កើននូវសុវត្ថិភាពនៃការបើកបរ និងផាសុកភាពល្អបំផុត។ ការប្រើប្រាស់នូវកាមេរ៉ា និងសេនស័រដែលមានការតម្លើងនៅក្នុងរថយន្តនេះគឺព័ត៌មានពាក់ព័ន្ធទៅនឹងសុខផាពចេញពី Galaxy Watch ហើយបច្ចេកវិទ្យានេះគឺចេញពីក្រុមហ៊ុន Harman និង Samsung អាចនឹងធ្វើការវិភាគទៅលើ Cognitive Distraction, Visual Distraction និងភាពនឿយហត់សម្រាប់អ្នកបើកបរ។
ផ្អែកទៅលើកត្តាទាំង 3 នេះ សម្រាប់បច្ចេកវិទ្យា Ready Care នេះ អាចធ្វើការកែប្រែទៅលើ Settings នៅក្នុងរថយន្តដើម្បីបង្កើនទៅលើសុវត្ថិភាពក្នុងការបើកបរ។ ដើម្បីអោយអ្នកបើកបរនៅតែដឹងខ្លួននោះ ប្រព័ន្ធនេះ អាចធ្វើការកែប្រែទៅលើកម្រិតនៃ Audio និងកម្រិត Settings នៃប្រព័ន្ធលំហូរខ្យល់ផងដែរ។ ប្រព័ន្ធនេះ ក៏ដំណើរការនូវមុខងារ Stress-Free Routing ផងដែរប្រសិនបើអ្នកបើកបរមានភាពធុញធប់។ វាក៏មាន Relaxing Mode សម្រាប់ធ្វើការគ្រប់គ្រងទៅលើឧបករណ៍នៅក្នុងផ្ទះឆ្លាតវៃដូចជាអំពូល ម៉ាស៊ីនត្រជាក់ និងទូរទស្សន៍តាមរយៈ Samsung SmartThings ផងដែរ៕
