នៅថ្ងៃនេះមានដំណឹងថា Tesla បានប្រកាសសារជាថ្មីនូវវត្តមានរបស់ម៉ូដែលស្តង់ដារ Tesla Model Y SUV។ បើតាមការបញ្ជាក់របស់លោកនាយកប្រតិបត្តិរបស់ Tesla បាននិយាយថា រថយន្ត Tesla Model Y គឺនឹងក្លាយជារថយន្តដែលលក់ដាច់ជាងគេបំផុតនៅលើពិភពលោកនាពេលអនាគត។ នៅពេលនេះក្រុមហ៊ុន Tesla បាននឹងកំពុងតែព្យាយាមធ្វើការងារយ៉ាងខ្លាំងទៅលើការច្នៃប្រឌិតថ្មីទៅលើ Model Y ដើម្បីធ្វើអោយអ្នកប្រើប្រាស់កាន់តែមានការពេញរឹតតែខ្លាំងថែមទៀតសម្រាបម់ម៉ូដែលនេះ។
យោងតាមគណនី Twitter មួយដែលមានឈ្មោះថា The Kilowatts បានសសេរថា ក្រុមហ៊ុន Tesla នឹងមានការប្រកាសចេញនូវម៉ូដែលនេះ ដែលមានការបំពាក់អាគុយកម្លាំង 4680 battery packs ដែលមានប្រើប្រាស់នៅលើ 40 ម៉ូដែល និងកំពុងតែចេញលក់ក្នុងតម្លៃ $64,000 នៅលើទីផ្សារប្រទេសនេះ។ ជាមួយនិងរូបភាពនេះ គឺមានការបញ្ចេញដោយ The Kilowatts នឹងមានការបញ្ជាក់ថា 2023 Tesla Model Y មានការប្រកាសលក់ជាមួយតម្លៃ $63,990 ប៉ុណ្ណោះ។
នៅលើបញ្ជីផ្សព្វផ្សាយនេះ បានបង្ហាញថា រថយន្ត Model Y All-Wheel Drive អាចបើកបរលើដងផ្លូវបានរយៈចម្ងាយ 269 miles ជាមួយនិងល្បឿនលឿមបំផុត 135 mph។ រថយន្តនេះ អាចធ្វើការបង្កើតល្បឿនបានចាប់ពី 0-60 mph ប្រើប្រាស់ពេលត្រឹមតែ 5 វិនាទីប៉ុណ្ណោះ រថយន្តថ្មីនេះ គឺមានពណ៌ Pearl White paint job និងកង់ទំហំ 20-អ៊ីង ហើយនិងមានផ្នែកខាងក្នុងឌីស្សាញចេញពីមួយពណ៌ខ្មៅ All-black premium interior តែម្តង។ រថយន្តនេះ គឺមាន 5 កៅអី។