Audi Activesphere រថយន្តនាពេលអនាគត អាចប្រើជាប្រភេទ Coupe ក៏បានឬ Truck ក៏បាន!

បន្ទាប់ពីការមានច្នៃប្រឌិតអស់រយៈពេលជាយូរមក នៅពេលនេះ ក្រុមហ៊ុនផលិតរថយន្ត Audi ទើបតែប្រកាសចេញនូវរថយន្តនាពេលអនាគតរបស់ខ្លួនជំនាន់ថ្មីមួយទៀត ដែលមានឈ្មោះហៅថា Activesphere។ រថយន្តជំនាន់ថ្មីនេះ គឹមានការឌីស្សាញបញ្ចូលគ្នាដោយមានការច្របាច់បញ្ចូលនូវមុខងារជាច្រើន ដែលយកចេញពីរថយន្តប្រភេទ Coupe និងរថយន្តប្រភេទ Truck ស៊េរីទំនើប។ 

រថយន្ត Audi Activesphere នេះ គឺជារថយន្តអគ្គិសនីស្វ័យប្រវត្តិ ហើយវាមានគោលដៅសម្រាប់ការបើកបរនៅលើ off-road កាន់តែងាយស្រួល។ Audi Activesphere គឹជារថយន្តអគ្គិសនី EV ទី 4 របស់ក្រុមហ៊ុននេះ។ សម្រាប់ការឌីស្សាញរបស់រថយន្តនេះ គឺផ្តោតទៅលើការប្រើប្រាស់នៅក្នុងទីក្រុង និងជាយក្រុង។ រថយន្ត Activesphere នេះ គឺជាប្រភេទរថយន្តអគ្គិសនីប្រណិតដែលអាចប្រែក្លាយទៅជារថយន្តប្រភេទ pickup truck បានជាមួយនឹងសមត្ថភាព off-road។ រថយន្តនេះ មានកង់ទំហំ 22-អ៊ីង និងផ្ទៃខាងក្នុងធំ។ រថយន្ត Activesphere នេះ អាចអាចប្រើជាប្រភេទ Coupe ក៏បានឬ Truck ក៏បាន!

រថយន្ត Audi Activesphere នេះ ក៏មានបំពាក់នូវឡូហ្គោរបស់ក្រុមហ៊ុន Audi ផងដែរ។ រថយន្តនេះដំណើរការជាមួយនូវmodular electric drive platform ដែលស្ថិតនៅក្នុងការអភិវឌ្ឍរបស់ក្រុមហ៊ុន Audi និង Porsche។ បន្ថែមពីនេះក៏នូវមានការប្រើប្រាស់នូវមុខងារ Premium Platform Electric (PPE) drive platform ដែលក្រុមហ៊ុន គ្រោងនឹងប្រើប្រាស់នាពេលអនាគតនៅលើរថយន្ត Audi EVs ជាច្រើនផងដែរ។ ជាមួយនិងការប្រើប្រាស់នូវមុខងារ PPE platform នេះ គឺមានបំពាក់នូវកម្លាំង 800V architecture សម្រាប់ការសាកថ្មលឿនផងដែរ។ បច្ចេកវិទ្យានេះ សាកថ្ម 10 នាទី ប៉ុណ្ណោះ អាចធ្វើដំណើរបាន 300Km ៕