នៅក្នុងពេលនេះ ការប្រើប្រាស់ទៅលើរថយន្តអគ្គិសនីមានការពេញនិយមពីមួយថ្ងៃទៅមួយថ្ងៃ។ ជាមួយនិងការផ្លាស់ប្តូរនៅនិន្នាការនេះ យើងអាចធ្វើការវិភាគទៅលើទីផ្សាររថយន្តអគ្គិសនីបាន។ បើតាមការសង្កេតទៅលើទីផ្សារសព្វថ្ងៃនេះ បានបង្ហាញយ៉ាងច្បាស់ថា មានក្រុមហ៊ុនធំៗចំនួន 2 ដែលមានដូចជា Tesla និងក្រុមហ៊ុន Volkswagen គឺជាក្រុមហ៊ុនដែលមានការនាំចេញបានច្រើន និងមានការគ្រប់គ្រងទៅលើទីផ្សាររថយន្តអគ្គិសនីខ្លាំងមែនទែនបន្ទាប់ពីការផ្លាស់ប្តូរ នេះ។
បើទោះបីជាក្រុមហ៊ុនជាច្រើនបានព្យាយាមក្នុងការប្រកួតប្រជែងនៅក្នុងនិន្នាការបច្ចុប្បន្ននេះមែន ក៏មានក្រុមហ៊ុនជាច្រើនទៀតបានននឹងកំពុងតែរៀបចំធ្វើការទៅលើគម្រោង B ផងដែរ។ សម្រាប់ទំហំនៃគម្រោង B នេះ ក្រុមហ៊ុន Honda ក៏បានចាប់ផ្តើមផលិតនូវប្រព័ន្ធ hydrogen fuel cell system ថ្មីនៅក្នុងកិច្ចសហការជាមួយនឹងក្រុមហ៊ុន GM (General Motors) ផងដែរ។ ក្រុមហ៊ុន Honda និង General Motors បានចាប់ដៃគ្នា ផ្តួចផ្តើមក្នុងកិច្ចខិតខំប្រឹងប្រែង ដើម្បីរួមគ្នាក្នុងការផលិតទៅលើប្រព័ន្ធ hydrogen fuel cell system នេ។ នៅក្នុងកិច្ចសហការនេះ គឺជាផ្នែកមួយនៃយុទ្ធសាស្រ្តជាច្រើនរបស់ក្រុមហ៊ុនទាំងពីរនេះសម្រាប់រយៈពេលដល់ទៅ 2 ទសវត្សន៍។
ក្រុមហ៊ុន Honda មានគោលដៅក្នុងការលក់រថយន្តរបស់ខ្លួនដល់ទៅ 2000 គ្រឿង ជាមួយនឹងប្រព័ន្ធ system ថ្មីនេះ នៅក្នុងរយៈពេលពាក់កណ្តាលទសវត្សន៍នេះ ហើយមានក្តីសង្ឃឹមក្នុងការបង្កើនទៅលើរថយន្តដល់ទៅ 60000 គ្រឿងនៅត្រឹមឆ្នាំ 2030 នេះ។ នាយកប្រតិបត្តិរបស់ក្រុមហ៊ុន Honda លោក Shinji Aoyama ប្រាប់ទៅកាន់អ្នកសារព័ត៌មានជាច្រើននៅក្នុងព្រឹត្តិការណ៍របស់ក្រុមហ៊ុននេះនៅក្នុងទីក្រុង Tokyo ថា “ជាមួយនឹងប្រព័ន្ធ system ជំនាន់ក្រោយនេះ ក្រុមហ៊ុននេះ មានគោលដៅក្នុងការបង្កើនទៅលើភាពធន់ជាងមុន 2 ដងជាមួយនឹងប្រព័ន្ធ fuel cell system នេះ។”