volvo XC40 Recharge ដែលជារថយន្តប្រភេទ SUV ដែលបានប្រកាសចេញដោយក្រុមហ៊ុន volvo នៅក្នុងប្រទេសឥណ្ឌាកាលពីពេលថ្មីនោះ នៅពេលនេះ រថយន្តនេះ បានក្លាយជារថយន្តអគ្គិសនី ដ៏ប្រណិតសម្រាប់អ្នកប្រើប្រាស់នៅក្នុងប្រទេសនេះហើយ។ រថយន្ត volvo XC40 Recharge ត្រូវបានគេឃើញថា បង្ហាញខ្លួននៅក្នុងប្រទេសឥណ្ឌា កាលពីឆ្នាំមុននេះ ហើយនៅក្នុងខែមិថុនាឆ្នាំ 2021 ក្រុមហ៊ុន Volvo ក៏ចាប់ផ្តើមទទួលនូវការកក់ទៅលើរថយន្តនេះផងដែរ។
ក្រុមហ៊ុនបានបញ្ជាក់ថា រថយន្ត Volvo ម៉ូដែល XC40 នេះគឺជាម៉ូដែលថ្មីមួយដែលមានការឌីស្សាញជាមួយស្ទីលស៊ីវីល័យជាទីបំផុត និងជាប្រភេទរថយន្តអគ្គីសនីជំនាន់ថ្មីដែលប្រើប្រាស់នូវយ៉ាន់ទំហំ 19 អ៊ីង។ រថយន្ត volvo XC40 Recharge កំពុងតែផលិតនៅក្នុងរោងចក្រ Hoskote របស់ក្រុមហ៊ុននេះ គឺស្ថិតនៅក្នុង Bengaluru។ រថយន្ត XC40 Recharge electric SUV នេះ ត្រូវបានក្រុមហ៊ុននេះបញ្ជាក់ថា គឺមានសមត្ថភាពអាចធ្វើដំណើរបានចម្ងាយដល់ទៅ 418 គីឡូមែត្រ និងមានការប្រើប្រាស់នូវបច្ចេកវិទ្យាសាកបញ្ចូលថាមពលល្បឿនលឿនកម្លាំង 150kw។ រថយន្ត volvo XC40 Recharge គឺជាម៉ូដែលប្រណិតមួយ ដែលនឹងអាចប្រកួតប្រជែងជាមួយនឹងម៉ូដែល Kia EV6, BMW i4 និង Mini Cooper SE ដែលកំពុងតែចេញលក់នៅក្នុងទីផ្សាររបស់ប្រទេសឥណ្ឌា។
រថយន្តនេះប្រើប្រាស់នូវម៉ូទ័រភ្លោះ ដែលគាំទ្រដោយអាគុយដែលមានថាមពល 78kWh និងមានអាចសាកបញ្ចូលថាមពលបានពី 10% ទៅ 80% ដោយប្រើប្រាស់រយៈពេលត្រឹមតែ 33 នាទីប៉ុណ្ណោះតាមរយៈនៃបច្ចេកវិទ្យាសាកល្បឿនលឿនកម្លាំង 150kW។ សម្រាប់ការសកបញ្ចូលពេញលេញ គឺប្រើប្រាស់ពេល 2.5 ម៉ោង។ សម្រាប់ម៉ាស៊ីនវិញ គឺមានកម្លាំង 480 សេះ និងមានកម្លាំងរមួល 660Nm មានសមត្ថភាពអាចបង្កើនសន្ទុះពី 0 ទៅកាន់ 100kmph ដោយប្រើពេលត្រឹនតែ 4.9 វិនាទីប៉ុណ្ណោះ។
រថយន្តនេះ គឺមានការបំពាក់មកជាមួយនូវអេក្រង់ដែលប្រើប្រាស់នូវប្រព័ន្ធប្រតិបត្តិការ Android ដែលមានភ្ជាប់ជាមួយនឹងកម្មវិធី Apps ជាច្រើនដែលដោនឡូតចេញពី Google Play Store បានថែមទៀតផង។ រថយន្ត Volvo XC40 Recharge នេះមាន 5 ពណ៌សម្រាប់ធ្វើការជ្រើសរើសនោះគឺ Crystal White, Fjord Blue, Onyx Black, Sage Green និង Thunder Grey ។ រថយន្តនេះ មានប្រព័ន្ធសំឡេង Harman Kardon sound system ដ៏ពិរោះរណ្តំក្នុងការប្រើប្រាស់ផងដែររ៕