យោងទៅលើទិន្នន័យនៃការលក់រថយន្តអគ្គិសនីនៅទីផ្សារអឺរ៉ុបសម្រាប់ឆមាសទី 1 ក្នុងឆ្នាំ 2022 បានបង្ហាញថា ក្រុមហ៊ុន Stellantis មានទីផ្សារលក់ល្អបំផុតសម្រាប់រថយន្តអគ្គិសនីរបស់ខ្លួននៅក្នុងទីផ្សារមួយនេះ។ ដោយទិន្ននន័យលក់ចុងក្រោយនេះត្រូវបានបង្ហាញចេញដោយស្ថាប័ន Automotive News Europe។ ក្នុងទិន្ន័យលក់រថយន្តអគ្គិសនីបានបង្ហាញថាក្រុមហ៊ុន Volkswagen លក់បានចំនួន 116,000 គ្រឿង ដែលតាមពីក្រោយដោយក្រុមហ៊ុន Stellantis និង Tesla សម្រាប់ឆមាសទី 1 ឆ្នាំនេះ។ រថយន្តអគ្គិសនីរបស់ Stellantis ដែលមានទីផ្សារលក់ល្អបំផុត គឺម៉ូដែល Fiat New 500 ដែលជាម៉ូដែលមានទីផ្សារលក់ល្អបំផុតប្រចាំត្រីមាសនៅក្នុងទីផ្សារអឺរ៉ុខាងលិច។
Stellantis គឺជាក្រុមហ៊ុនផលិតរថយន្តអគ្គិសនីដែលកកើតចេញពីការរួមបញ្ចូលគ្នារវាងស័ម្ពន្ធក្រុមហ៊ុន PSA Group និង Fiat Chrysler Automobiles ហើយបេសកកម្មរបស់ក្រុមហ៊ុននេះ គឺធ្វើទីផ្សារឲ្យបានល្អដើម្បីក្លាយជាម៉ាកយីហោរថយន្ត EV ដែលលក់ដាច់បំផុតនៅទីផ្សារប៉ែកអឺរ៉ុប។ បច្ចុប្បន្នក្រុមហ៊ុន Stellantis បាននឹងកំពុងរៀបយុទ្ធសាស្ត្រទីផ្សារលក់របស់ខ្លួនធ្វើយ៉ាងណាដើម្បីកាត់បន្ថយចំនួនលក់របស់ក្រុមហ៊ុន Tesla ដែលជាក្រុមហ៊ុនផលិតរថយន្តអគ្គសនីធំជាងគេបំផុតក្នុងពិភពលោក។ សម្រាប់ម៉ូដែលរថយន្តអគ្គិសនីរបស់ Tesla ដែលលក់ដាច់បំផុតនៅទីផ្សារអឺរ៉ុបនៅឆមាសទី 1 ឆ្នាំ 2022 គឺ Model Y ដោយលក់បានចំនួន 40 លានគ្រឿង។ ក្នុងត្រីមាសទី 1 ក្នុងឆ្នាំ 2022 ក្រុមហ៊ុន Stellantis លក់រថយន្ត EV របស់ខ្លួនបានចំនួន 105,000 គ្រឿង ខណៈ Tesla លក់បានចំនួន 78,000 គ្រឿង។
ស័ម្ពន្ធក្រុមហ៊ុន Stellanteis គឺត្រូវបានរាប់បញ្ចូលទាំងប្រទេសបារាំង អ៊ីតាលី និងសហរដ្ឋអាមេរិក។ ក្រុមហ៊ុននេះមានទីផ្សាររថយន្ត EV សរុបចំនួន 27 ប្រទេសនៅសហភាពអឺរ៉ុប បូករួមទាំងចក្រភពអង់គ្លេស ស្វីស ន័រវេស និងអ៊ីស្លង់។ ដោយទិន្នន័យនេះមិនបានរាប់បញ្ចូលសម្រាប់ប្រទេសព័រទុយហ្គាល់ ហ្វាំងឡង់ និងស៊ុយអែតនោះទេ។ សម្រាប់រថយន្ត Peugeot e-208 EV ក៏ទទួលបានទីផ្សារល្អសម្រាប់ក្រុមហ៊ុន Stellantis ផងដែរ។ Peugeot e-208 EV គឺជារថយន្ត hatchback EV ខ្នាតតូច និងជាម៉ូដែលលក់ដាច់បំផុតនៅប្រទេសបារាំងក្នុងត្រីមាសទី 2 ឆ្នាំ 2022។ Stellantis ទទួលបានទីផ្សារលក់ប្រសើរឡើងវិញសម្រាប់ប្រភេទរថយន្តដឹកអ្នកដំណើរអគ្គិសនីរបស់ខ្លួនដូចជាម៉ូដែល Citroen e-Berlingo និង Opel Combo-e ផងដែរ។
បើតាមរបាយការណ៍ បរិមាណនៃការលក់រថយន្ត EV របស់ Tesla មានការថយចុះនៅក្នុងទីផ្សារអឺរ៉ុប ប៉ុន្តែ ម៉ូដែលរថយន្តមួយចំនួនរបស់ក្រុមហ៊ុនអាមេរិកនេះនៅតែល្អ ដោយក្នុងនោះក្រៅតែពី Tesla Model Y ទៅ សម្រាប់ម៉ូដែល Model 3 ក៏មានទីផ្សារលក់ល្អប្រសើរផងដែរដោយលក់បានចំនួន 38 ម៉ឺនគ្រឿងដែលជាប់ក្នុងចំណាត់ថ្នាក់លេខ 2។ ចំនែកចំណាត់ថ្នាក់រថយន្ត EV ដែលលក់ដាច់បំផុតលំដាប់លេខ 3 និងលេខ 4 គឺម៉ូដែល Fiat New 500 និង Peugeot e-208 រីឯចំណាត់ថ្នាក់លេខ 5 បានទៅលើម៉ូដែល Skoda Enyaq IV។ សម្រាប់ចក្ខុវិស័យទីផ្សាររបស់ Tesla សម្រាប់ឆមាសទី 2 នេះ គឺបង្កើនបរិមាណលក់របស់ខ្លួន ដោយក្រុមហ៊ុនដាក់គោលដៅលក់ឲ្យបានយ៉ាងហោចក៏ 200,000 គ្រឿងដែរ។ រីឯ Stellantis ក៏រំពឹងថា ការលក់រថយន្ត EVs របស់ខ្លួននឹងមានទិន្នន័យកើនឡើងបន្ថែមទៀតសម្រាប់ត្រីមាសបន្ទាប់ក្នុងឆ្នាំនេះ៕
