ក្រុមហ៊ុន Yamaha បានប្រកាសចេញកូនម៉ូតូអគ្គិសនីស៊េរីថ្មីម៉ូដែលពិសេសស្ថិតក្នុងស្រឡាយ E-Vino Electric Scooter នៅក្នុងទីផ្សារប្រទេសជប៉ុន។ កូនម៉ូតូអគ្គិសនីស៊េរីថ្មីម៉ូដែលពិសេសនេះត្រូវបានក្រុមហ៊ុនធ្វើការ Upgrade លើចំនុចមួយចំនួនកាន់តែមានភាពល្អប្រសើរជាងម៉ូដែលធម្មតា រួមជាមួយការបន្ថែមជម្រើសពណ៌ស្អាតៗមួយចំនួន។ Electric Scooter ស៊េរីថ្មីនេះត្រូវបាន Yamaha ដាក់រហសនាមឲ្យថា Yamaha E-Vino e-scooter 2023 Edition។
កូនម៉ូតូអគ្គិសនីដ៏តូចច្រឡឹងស៊េរីថ្មីនេះត្រូវបាន Yamaha ធ្វើការ Upgrade ទៅលើសមត្ថភាពថ្មដែលអាចកាន់ធ្វើដំណើរបានរយះចំងាយផ្លូវឆ្លាយជាងជំនាន់មុន។ ថ្មរបស់ Yamaha E-Vino e-scooter 2023 Edition សាកពេញម្តងអាចបើកបរបានក្នុងរយះ 32 គីឡូម៉ែត្រ ដែលល្អបំផុតសម្រាប់ការបើកបរនៅក្នុងទីក្រុងប្រជុំជន។ កូនម៉ូតូអគ្គិសនីម៉ូដែលពិសេសរបស់ Yamaha នេះមានទំងន់ស្រាលល្មមត្រឹម 68 គីឡូក្រាម។ វាមានភ្ជាប់មកជាមួយថ្មីទំហំ 12.2 Ah ដែលការសាកថ្មមួយពេញម្តងចំនាយពេលប្រមាណជា 3 ម៉ោង ហើយសម្រាប់កង់របស់វាគឺមានទំហំ 10 អ៊ីញ។ E-Vino e-scooter 2023 Edition បំពាក់ម៉ូទ័រកំលាំង 1.2kW AC synchronous ជាមួយកំលាំងរង្វិល 7.8Nm ដែលធ្វើឲ្យ E-Vino e-Scooter ស៊េរីថ្មីនេះ មានសន្ទុះល្បឿនលឿនជាងជំនាន់មុនរបស់វា។
សម្រាប់ពណ៌វិញ Yamaha E-Vino e-scooter 2023 Edition មានជម្រើសពណ៌ខ្មៅលាយស និងស-ខ្មៅលាយពងក្រសា ឬផ្ទៃមេឃ។ កូនម៉ូតូអគ្គិសនីស៊េរីថ្មីម៉ូដែលពិសេសឆ្នាំ 2023 Edition ត្រូវបានក្រុមហ៊ុនធ្វើការប្រកាសចេញជាមួយតម្លៃខ្ទង់ 314,600 យ៉េន ឬប្រហែល $2,244 និងមានចេញលក់ផ្លូវការណ៍នៅថ្ងៃទី 30 ខែកញ្ញា។ E-Vino e-scooter 2023 Edition នឹងមានការដាក់តាំងបង្ហាញនៅ Showroom របស់ Yamaha នៅក្នុងប្រទេសជប៉ុន៕