ថ្មីៗនេះ ក្រុមហ៊ុន Bandit9 ទើបតែប្រកាសចេញនូវ Nano e-Scooter ជំនាន់ថ្មីរបស់ខ្លួន ដែលមានការឌីស្សាញរូបរាងយ៉ាងទាន់សម័យ ហើយក៏មានភាពងាយស្រួលនៅក្នុងការចល័តនៅក្នុងក្រុងផងដែរ។ ផលិតផលថ្មីនេះ គឺមានការឌីស្សាញយ៉ាងទាក់ទាញនេះ គឺមានការច្នៃប្រឌិតជាមួយនិងវិទ្យាសាស្រ្តបែបទំនើបបំផុត។ ក្រុមហ៊ុន Bandit9 ដែលមានមូលដ្ឋាននៅក្នុងប្រទេសវៀតណាមនេះ បានធ្វើការរចនារូបរាងបានកាន់តែស្អាត និងមានភាពទាក់ទាញខ្លាំងមែនទែន។
ជាមួយនិងសមត្ថភាពរបស់ Bandit9 Nano e-Scooter នេះ គឺអាចធ្វើដំណើរបានដល់ទៅ 60 miles (~97km) សម្រាប់ការសាកថ្មម្តង ហើយវាក៏មានភាពទាក់ទាញសម្រាប់អ្នករស់នៅទីក្រុងផងដែរ។ Bandit9 Nano e-Scooter នេះ គឺប្រើប្រាស់នូវដែកអ៊ីណុក 904L stainless steel ហើយវាក៏មានភ្ជាប់ជាមួយនឹងថាមពលថ្ម 4.2 kWh ដែលអាចសាកថ្មពេញបាននៅក្នុងពេល 4 ម៉ោង។ វាមានល្បឿនដល់ទៅ 70km/h ។Nano e-scooters នេះ គឺមានទម្ងន់ស្រាលត្រឹមតែ 120kg ប៉ុណ្ណោះ។
នៅពេលនេះ ក្រុមហ៊ុន Bandit ចាប់ផ្តើមធ្វើការ pre-orders ទៅលើម៉ូដែលទាំងពីរនេះផងដែរ។ សម្រាប់ម៉ូឌែល Nano គឺមានតម្លៃ $4,499 ខណៈពេលដែល Nano+ មានតម្លៃ $4,990 ប៉ុន្តែនៅមិនទាន់មានការបញ្ជាក់អំពីការដឹកជញ្ជូនទៅលើ Nano e-Scooter នេះទេ៕