នៅថ្ងៃនេះ Geely បានប្រកាសចេញនូវរថយន្តអគ្គីសនីរបស់ខ្លួនពីរម៉ូដែលទៀតដែលប្រើប្រាស់នូវប្រព័ន្ធប្រតិបត្តិការ Huawei Harmonyos។ រថយន្តនេះ គឺមានម៉ូដែល M6 គឺជាប្រភេទ UV ទំហំកណ្តាល និងម៉ូដែល G6 ជាប្រភេទរថយន្ត Sedan។ រថយន្តអគ្គីសនីជំនាន់ថ្មីទាំងពីរនះ គឺមានការតម្លើងមកជាស្រេចនូវប្រព័ន្ធប្រតិបត្តិការ Huawei Harmonyos ដែលជានេះ គឺជាការចាប់ដៃជាលើកដំបូងរបស់រវាងក្រុមហ៊ុន Geely និងក្រុមហ៊ុន Huawei។
ក្រុមហ៊ុននេះបានបញ្ជាក់ថា Geometry G6 គឺមានការតម្លើងមកជាមួយអាគុយដែលមានថាមពលកម្លាំង 53kWh មានសមត្ថភាពអាចបើកបរនៅលើដងផ្លូវបានចំងាយដល់ទៅ 480km នៅពេលសាកម្តង ប៉ុន្តែបើសាកពេញលេញជាមួយនិង អាគុតធំជាងនេះ នឹងអាចបើកបរបានចំងាយ 620km។ សម្រាប់ម៉ូដែល M6 SUV គឺមានតួររថយន្តប្រវែងខ្លីគឺត្រឹមតែ 4.43 ម៉ែត្រ ខណៈដែល G6 គឺមានប្រវែងដល់ទៅ 4.75 ម៉ែត្រ។ រថយន្តនេះ គឺមានអាគុយពីទំហំដូចម៉ូដែលមុអញ្ចឹង ប៉ុន្តែអាចរត់នៅលើដងផ្លូវបាន 450km និង 580km តែប៉ុណ្ណោះពេលសាកពេញម្តង។ រថយន្ត G6 និង M6 គឺមានការប្រើប្រាស់កម្លាំងសាកដូចគ្នា។ ចំពោះកម្លាំងម៉ាស៊ីនវិញ គឺប្រើប្រាស់កម្លាំង 150kW និងមានកម្រិតរមួលបាន 310Nm។ រថយន្តនេះ អាចរត់នបានល្បឿន 150km/h នឹងអាចបង្កើនល្បឿនបាន 100km/h នៅក្នុងពេល 6.9 វិនាទី។
Geometry G6 និង M6 មានតម្លៃប្រហែលគ្នា គឺម៉ូដែលស្តង់ដារ មានតម្លៃ $20,600 ខណៈដែលវែង គឺមានតម្លៃ $23,430។ រហូតមកដល់ពេលនេះ ក្រុមហ៊ុននេះបានលក់រថយន្តបានច្រើនជាង 116,800 គ្រឿងហើយនៅឆ្នាំ 2022 ហើយសម្រាប់ម៉ូដែលថ្មីទាំងពីនេះក៏មានលក់នៅលើទីផ្សារផងដែរ។
