Volvo បញ្ជាក់ថា រថយន្តអគ្គីសនី អាចនឹងមានតម្លៃធូរថ្លៃដូចទៅនឹងរថយន្តប្រើប្រាស់ប្រេងនៅត្រឹមឆ្នាំ 2025

ក្រុមហ៊ុនរថយន្ត Volvo ទើបតែប្រកាសអំពីគម្រោងផែនការរបស់ខ្លួនក្នុងការសម្រេចនូវរថយន្តអគ្គិសនី 100% នៅត្រឹមឆ្នាំ 2030 ខាងមុខនេះ។ បើតាមការបញ្ជាក់របស់ក្រុមហ៊ុននេះ គឺបានអោយដឹងថា ដើម្បីសម្រេចនូវផែនការនេះបាន ក្រុមហ៊ុន Volvo នឹងដកភាគហ៊ុនរបស់ Aurobay ដល់ទៅ 33% និងសហការបណ្តាក់ទុនរួមគ្នាជាមួយនឹងក្រុមហ៊ុន Geely Holding។ ក្រុមហ៊ុន Volvo បាននិយាយថា នៅត្រឹមឆ្នាំ 2025 នេះ 50% នៃការលក់សម្រាប់ទីផ្សារសកលគឺជារថយន្តអគ្គិសនី។ ហើយសម្រាប់ចំនួន 50% ទៀតគឺជារថយន្ត hybrid ហើយនៅឆ្នាំ 2030 ខាងមុខនេះ។ 

ក្រុមហ៊ុនរថយន្ត Volvo នឹងផ្លាស់ប្តូរទៅជាការផលិតរថយន្តអគ្គិសនីទាំងស្រុង។ នៅក្នុងពេលនេះ រថយន្តអគ្គិសនីគឺមានតម្លៃថ្លៃមែនទែន។  នៅក្នុងពេលនៃមេរោគរាតត្បាត និងកង្វះទៅលើបន្ទះឈីប នោះគឺជាហេតុផលដែលធ្វើអោយមានតម្លៃខ្ពស់។ នៅពេលនេះតម្លៃខ្ពស់ទៅលើថាមពលថ្មរបស់ lithium batteries រួមជាមួយនិងការឡើងថ្លៃទៅលើប្រេង ក៏បានធ្វើអោយមានការកើនឡើងទៅលើតម្រូវការនៃរថយន្តអគ្គិសនីផងដែរ។ តម្រូវការខ្ពស់នេះ ពិតជាពិបាកក្នុងការធ្វើអោយតម្លៃរបស់រថយន្តអគ្គិសនីមានការធ្លាក់ចុះណាស់។

ក្រុមហ៊ុននេះបានបន្តថា តម្លៃទៅលើថាមពលថ្ម  lithium គឺមានការបន្តកើនឡើងតម្លៃ។ ហើយថ្មប្រភេទ Battery-grade Lithium carbonate គឺមានការកើនឡើងតម្លៃ  2,500 yuan ($352) នៅក្នុងមួយតោន។ លោក Jim Rowan ដែលជានាយកប្រតិបត្តិរបស់ក្រុមហ៊ុន Volvo បានបញ្ជាក់ថា នៅឆ្នាំ 2025 ខាងមុខនេះ រថយន្តអគ្គីសនី នឹងមានតម្លៃធូថ្លៃជាងរថយន្តដែលប្រើប្រាស់ប្រេងឥន្ធនៈ ហើយលោកថែមទាំងមានជំនឿថា បច្ចេកវិទ្យាថ្មីៗ នឹងអាចជួយកាត់បន្ថយតម្លៃថ្មបាន។