Mazda នឹងចូលប្រឡូកក្នុងវិស័យឧស្សាហកម្មរថយន្តអគ្គិសនីសុទ្ធនៅឆ្នាំ 2028

ក្រុមហ៊ុនផលិតរថយន្តម៉ាក Mazda បានធ្វើបច្ចុប្បន្នភាពលើគម្រោងរបស់ខ្លួនដែលមានឈ្មោះថា Mid-Term Management Plan និងបានកែប្រែច្បាប់មួយចំនួនរបស់ខ្លួនដែលនឹងបញ្ចប់នៅឆ្នាំ 2030 ដែលជាពេលវេលានៃការផ្លាស់ប្តូរដ៏ធំបំផុតរបស់ក្រុមហ៊ុននេះសម្រាប់លើកដំបូងក្នុងការអនុវត្តន៍គម្រោងការនៃការអភិវឌ្ឍន៍រថយន្តអគ្គិសនី និងបច្ចេកវិទ្យា Surrounding Technology។

ក្រុមហ៊ុន Mazda បានទទួលស្គាល់ពីការផ្លាស់ប្តូរថ្មីៗនៅក្នុងទិដ្ឋភាពនៃការផលិតរថយន្ត ហើយក្រុមហ៊ុននេះបានសម្រេចចិត្តថា វាជាពេលវេលាស័ក្តិសមដើម្បីចូលប្រឡូកក្នុងទីផ្សាររថយន្តអគ្គិសនី។ Mazda ចង់ក្លាយជាក្រុមហ៊ុនដែលមិនបញ្ចេញផ្សែងពុលទៅក្នុងបរិស្ថានទាំងស្រុងនៅមុនដំណាច់ឆ្នាំ 2035 ហើយក្រុមហ៊ុននេះ បានបង្កើតផែនការចំនួន 3 ដំណាក់កាលដើម្បីជួយឱ្យក្រុមហ៊ុនសម្រេចបាននូវគោលដៅនេះ។ ដោយដំណាក់កាលទី 1 ក្រុមហ៊ុន Mazda នឹងខិតខំប្រឹងប្រែងផ្តោតទៅលើការអភិវឌ្ឍន៍ប្រព័ន្ធបច្ចេកវិទ្យារថយន្តថ្មីៗ, ដំណាក់កាលទី 2 នឹងចាប់ផ្តើមនៅក្នុងឆ្នាំ 2025 ដោយក្រុមហ៊ុនត្រូវចំនាយពេល 3 ឆ្នាំបន្ថែមទៀតដើម្បីធ្វើការផ្លាស់ប្តូរសង្វាក់ផលិតកម្មរថយន្តប្រើចំហេះឥន្ធនៈក្នុងទៅរថយន្តប្រើថាមពលអគ្គិសនីសុទ្ធ ហើយដំណាក់កាលទី 3 គឺនឹងចាប់ផ្តើមនៅឆ្នាំ 2028 ដែលជាពេលវេលារបស់ក្រុមហ៊ុន Mazda ចេញលក់រថយន្តអគ្គិសនីពេញលេញតែម្តង។

ក្នុងដំណាក់កាលទី 1 ក្រុមហ៊ុន Mazda មានបំណងផលិតរថយន្តអគ្គិសនីមួយចំនួន ប៉ុន្តែ ភាគច្រើន គឺជាប្រភេទរថយន្តកូនកាត់ ឬ Plug-in hybrid ឬស្រឡាយ EVs។ ហើយដំណាក់កាលទី 2 នឹងឃើញរថយន្តកូនកាត់ថ្មីជាមួយប្រព័ន្ធ Hybrid ដែលបានធ្វើបច្ចុប្បន្នភាពឡើងវិញ។ ដោយក្នុងដំណាក់កាលនោះ Mazda គ្រោងនឹងបង្ហាញរថយន្តអគ្គិសនីដំបូងរបស់ខ្លួនដែលត្រូវបានរចនាឡើងសម្រាប់ទីផ្សារប្រទេសចិន។ ក្រុមហ៊ុនបានព្យាករណ៍ថា ចាប់ពីឆ្នាំ 2030 ការលក់រថយន្តអគ្គិសនីទាំងអស់នឹងកើនឡើងដល់ 40% នៃការលក់រថយន្តសរុបរបស់ខ្លួននៅទូទាំងពិភពលោក។ បច្ចុប្បន្ន Mazda ម៉ូដែលរថយន្តកូនកាត់Hybrid តែពីរម៉ូដែលប៉ុណ្ណោះ។ សម្រាប់រថយន្តអគ្គិសនីជំនាន់ថ្មីម៉ាក Mazda MX-30 R-EV នឹងចូលរួមជាមួយផលប័ត្រក្រុមហ៊ុនចាប់ពីឆ្នាំក្រោយ (2023) ហើយក៏មានម៉ូដែលមួយចំនួនទៀតត្រូវបានគេដឹងថាកំពុងដំណើរការផលិតផងដែរ។

Mazda មានកិច្ចព្រមព្រៀងជាយុទ្ធសាស្ត្រ និងការបណ្តាក់ទុនរួមគ្នាជាច្រើនរួចមកហើយ ដែលអាចនឹងជួយឱ្យក្រុមហ៊ុននេះដាក់ផែនការរបស់ខ្លួនទៅក្នុងចលនានៃការផ្លាស់ប្តូរខ្សែសង្វាក់ផលិតកម្មរបស់ខ្លួននាពេលខាងមុខ។ Mazda និងដៃគូបាននឹងកំពុងបណ្តាក់ទុនរួមគ្នាចំនួន 10.6 ពាន់លានដុល្លារសម្រាប់ការអភិវឌ្ឍន៍ និងការស្រាវជ្រាវបច្ចេកវិទ្យាផលិតកម្មរថយន្តដែលមានប្រសិទ្ធភាពខ្ពស់សម្រាប់ការអភិវឌ្ឍន៍អាំងវឺតទ័រ និងបច្ចេកវិទ្យាពាក់ព័ន្ធ រួមនិងការអភិវឌ្ឍន៍ម៉ូទ័រអេឡិចត្រិចទំនើបជាដើម៕