ក្រុមហ៊ុនផលិតភេសជ្ជៈខ្នាតយក្សលំដាប់ថ្នាក់ពិភពលោក Coca-Cola បានបញ្ចេញរថយន្តដឹងជញ្ចូនខ្នាតធំ ដែលដើរដោយថាមពលអគ្គិសនីម៉ូដែល Renault Electronic Delivery Truck របស់ខ្លួនជាផ្លូវការណ៍ នៅមុនការបង្ហាញខ្លួនរថយន្តដឹងជញ្ចូនរបស់ក្រុមហ៊ុន Pepsi ដែលផលិតដោយក្រុមហ៊ុន Tesla ម៉ូដែល Semi-Truck។ ក្រុមហ៊ុន Pepsi ត្រូវបានគេដឹងថា គ្រោងនឹងចាប់ផ្តើមប្រតិបត្តិការចែកចាយផលិតផលភេសជ្ជៈរបស់ខ្លួនតាមរយះការប្រើប្រាស់រថយន្ត Tesla Semi-Truck នៅថ្ងៃទី 01 ខែធ្នូ ឆ្នាំ 2022 នេះ។
ក្រុមហ៊ុន Renault Trucks គឺជាក្រុមហ៊ុនផលិតរថយន្តដឹកជញ្ជូនថ្មីដែលបង្កើតដោយក្រុមហ៊ុន Coke ហើយការដែលបានបញ្ចេញរថយន្តដឹងជញ្ចូនថ្មីដើរដោយថាមពលអគ្គិសនីពេលនេះ ហាក់បីដូចជាការចំអកឱ្យលោក Elon Musk មេធំរបស់ក្រុមហ៊ុនផលិតរថយន្តអគ្គិសនី Tesla អំពីការការយឺតយ៉ាងក្នុងការបញ្ចេញរថយន្តដឹកទំនិញធន់ធ្ងរម៉ូដែល Tesla Semi។ បន្ថែមពីក៏ហាក់ចំអកឲ្យក្រុមហ៊ុន Pepsi ផងដែរ នៅខណៈពេលដែលផលិតភេសជ្ជៈលំដាប់លេខពីរក្នុងពិភពលោកមួយនេះបាននឹងកំពុងដំណើរការសាងសង់បង្កើតស្ថានីយ៍សាកភ្លើង Megacharger របស់ខ្លួន។ ក្រុមហ៊ុន Coca-Cola បានចាប់ផ្តើមប្រតិបត្តិការជាមួយរថយន្តដឹងជញ្ចូនប្រើថាមពលអគ្គិសនីថ្មីរបស់ខ្លួនជាផ្លូវការណ៍នៅក្នុងប្រទេសបែលហ្ស៊ិក។
ទាំងរថយន្តដឹងទំនិញធន់ធ្ងរដើរដោយថាមពលអគ្គិសនីរបស់ក្រុមហ៊ុន Renault និង Tesla ត្រូវបានគេនិយាយថា គឺការបង្ហាញពីការវិវត្តន៍ក្នុងឧស្សាហកម្មរថយន្តធន់ធ្ងរដើរដោយថាមពលអគ្គិសនី។ មេធំ និងជានាយកប្រតិបត្តិតែមួយគត់របស់ Tesla លោក Elon Musk បានធ្វើការបង្ហាញពីគំរូរថយន្តដឹងទំនិញធន់ធ្ងររបស់ខ្លួនម៉ូដែល Tesla Semi តាំងតែពីអំឡុងឆ្នាំ 2017 មកម៉្លេះ ហើយមកទល់នឹងពេលបច្ចុប្បន្ននេះ Tesla Semi មិនទាន់បានបង្ហាញវត្តមាននៅលើដងវិថីផ្លូវការណ៍នៅឡើយទេ។ ប៉ុន្តែក្នុងឆ្នាំ 2022 នេះ Tesla ត្រូវបានគេព្យាករណ៍ថា នឹងបញ្ចេញរថយន្តដឹកទំនិញ EV-Truck ម៉ូដែល Tesla Semi របស់ខ្លួនដំបូងចំនួន 15 គ្រឿងដើម្បីផ្តល់ជូនក្រុមហ៊ុនផលិតភេសជ្ជៈ Pepsi នៅថ្ងៃទី 01 ខែធ្នូ ឆ្នាំ 2022 ខាងមុខនេះ។
រថយន្ត Renault EV-Truck ដែលបានបង្ហាញដោយក្រុមហ៊ុន Coca-Cola ក្នុងប្រទេសបែលហ្ស៊ិក គឺជាម៉ូដែល E-Tech D et D Wide ហើយរថយន្តដឹកទំនិញនេះនឹងត្រូវដាក់ប្រើសម្រាប់ការចែកចាយផលិតផលភេសជ្ជៈរបស់ក្រុមហ៊ុន Coke។ បើតាមការបញ្ជាក់ពីក្រុមហ៊ុន Renault Trucks បានឱ្យដឹងថា ម៉ូដែលនេះត្រូវបានរចនាឡើងតាមតម្រូវការសម្រាប់ទិន្នន័យដឹកជញ្ជូនរបស់ Coca-Cola។ រថយន្តដឹកទំនិញប្រើថាមពលអគ្គិសនីនេះផ្តល់នូវប្រសិទ្ធភាពថាមពល ផាសុកភាព និងសុវត្ថិភាពសម្រាប់អ្នកបើកបរ។
Renault Electronic Delivery Truck បានបំពាក់ដោយប្រព័ន្ធកាមេរ៉ាសុវត្ថិភាពកម្រិត 360 ដឺក្រេ ជាមួយមុខងារ eliminate bund sports, Clear door on the passenger side និងឧបករណ៍បំពងសំឡេងដើម្បីបន្លឺសំឡេងស្វ័យប្រវត្តិនៅពេលមានអ្នកថ្មើរជើង និងអ្នកជិះកង់ឆ្លងកាត់ជាដើម។ ការសាកថាមពលអាគុយមួយពេញម្តងផ្តល់ឲ្យរថយន្ត Renault Electronic Delivery Truck អាចបើកបរបានរយះចំងាយ 200 គីឡូម៉ែត្រ។ Renault និយាយថា ខ្លួនបានកំពុងពង្រីកហេដ្ឋារចនាសម្ព័ន្ធស្ថានីយ៍សាកថ្មសាធារណៈនៅក្នុងតំបន់អឺរ៉ុប តាមរយៈភាពជាដៃគូជាយុទ្ធសាស្ត្រជាច្រើនរបស់ខ្លួន។ ក្រុមហ៊ុននេះសង្ឃឹមថា នឹងក្លាយជាដៃគូប្រគូតប្រជែងទីផ្សាររថយន្តដឹងទំនិញធន់ធ្ងន់ដើរដោយថាមពលអគ្គិសនីជាមួយរថយន្ត Tesla Semi នៅក្នុងឆ្នាំ 2023៕