បច្ចុប្បន្នទីផ្សាររថយន្តដើរដោយថាមពលអគ្គិសនីបាននឹងកំពុងរីកចម្រើនខ្លាំងនៅលើទីផ្សារ ទន្ទឹងនឹងនេះឃើញថាមានក្រុមហ៊ុនផលិតរថយន្តជាច្រើនបាននឹងកំពុងប្តូរគោលដៅសង្វាក់ផលិតកម្មរបស់ខ្លួនពីការផលិតរថយន្តប្រើចំហេះឥន្ទនៈក្នុងមកផលិតរថយន្តអគ្គិសនីជំនូសវិញថែមទៀតផង។ ក្នុងនោះក៏មានក្រុមហ៊ុនផលិតរថយន្តម៉ាក Peugeot របស់បារាំងក៏បានសម្រេចចិត្តក្នុងការចូលប្រឡូកក្នុងវិស័យរថយន្តអគ្គិសនីផងដែរ។
ក្រុមហ៊ុនផលិតរថយន្តរបស់បារាំងដែលមានអាយុកាល 212 ឆ្នាំមួយនេះ បានប្រកាសថា ខ្លួននឹងមានការដាក់តាំងបង្ហាញគំរូរថយន្តអគ្គិសនី Inception Concept ដែលជាគំរូរថយន្ត EV ដំបូង “BEV by Design” ដែលមានការបំពាក់ជាមួយនូវ electronic Platform ជំនាន់ថ្មី។ ប៉ុន្តែអ្វីដែលគួរឲ្យស្តាយដោយសារតែ Peugeot មិនបានបង្ហាញព័ត៌មានណាមួយទាក់ទងនឹងគំរូរថយន្ត ICEV របស់ខ្លួននោះឡើយក្នុងពេលនេះ។ សម្រាប់គំរូរថយន្តអគ្គិសនីដំបូងរបស់ Peugeot ក៏ធ្លាប់បានក្រុមហ៊ុនធ្វើការដាក់បង្ហាញចេញម្តងរួចមកហើយកាលពីអំឡុងខែតុលាកន្លងទៅនៅក្នុងព្រឹត្តិការណ៍ Paris Motor Show។
Peugeot នឹងនាំយកគំរូរថយន្តអគ្គិសនី Inception EV របស់ខ្លួនទៅដាក់តាំងបង្ហាញនៅក្នុងព្រឹត្តិការណ៍ CES នៅក្នុងទីក្រុងប៊ែកឡាំងប្រទេសអាល្លឺម៉ង់។ CES គឺជាព្រឹត្តិការណ៍តាំងពិពរ័ណបច្ចេកវិទ្យាដ៏ធំបំផុតប្រចាំឆ្នាំ ដោយ Peugeot ចង់សហការជាមួយព្រឹត្តិការណ៍នេះក្នុងការដាក់បង្ហាញគំរូរថយន្ត EV របស់ខ្លួនទៅកាន់ពិភពលោក។ សូមបញ្ជាក់ថា ក្រុមហ៊ុន Peugeot បច្ចុប្បន្ន គឺមិនអាចលក់រថយន្តរបស់ខ្លួននៅទីផ្សាររបស់សហរដ្ឋអាមេរិកបាននោះទេ។ យ៉ាងណាមិញសម្រាប់លក្ខណៈសម្បត្តិ និងគុណសម្បត្តិ រួមនឹងបច្ចេកវិទ្យាដែលនឹងមានបំពាក់នៅលើ Peugeot ICEV យើងរងចាំការបង្ហាញរបស់ក្រុមហ៊ុននៅថ្ងៃទី 05 ខែមករា ឆ្នាំ 2023 ទាំងអស់គ្នា៕