យោងទៅលើរបាយការណ៍ថ្មីបាននិយាយថា ក្រុមហ៊ុនផលិតរថយន្តម៉ាកល្បីរបស់ចិន BAIC ត្រៀមបញ្ចេញលក់រថយន្តឆ្លាតវៃស៊េរីថ្មី ឬ New Smart Car ដែលបានសហការផលិតដោយក្រុមហ៊ុន Huawei។ ក្រុមហ៊ុនទាំងពីរបានធ្វើការសហការគ្នាបានមួយរយះមកហើយ តាមរយះកិច្ចសហការគ្នានេះ ក្រុមហ៊ុនទាំងពីរនឹងធ្វើការប្រកាសចេញលក់រថយន្តឆ្លាតវៃ Smart Car ស៊េរីថ្មីសម្រាប់ធ្វើការប្រគូតប្រជែងក្នុងទីផ្សាររថយន្ត។
BAIC និង Huawei បានចាប់ដៃសហការគ្នាជាយុទ្ធិសាស្ត្រក្នុងការអភិវឌ្ឍន៍រថយន្តស៊េរីទំនើបសមួយរយះមកហើយ ដោយក្រុមហ៊ុន BAIC នឹងធ្វើការអភិវឌ្ឍន៍ផលិតរថយន្តយន្ត ខណៈដែល Huawei ធ្វើការអភិវឌ្ឍន៍បច្ចេកវិទ្យាកម្សាន្តសម្រាប់បំពាក់នៅលើរថយន្តក៏ដូចជាបច្ចេកវិទ្យាភ្ជាប់បណ្តាញផងដែរ។ បើតាមរបាយការណ៍ថ្មីមួយបានទម្លាយថា ម៉ូដែលរថយន្តឆ្លាតវៃនាពេលខាងមុខដែលបានមកពីការបណ្តាក់ទុនរួមគ្នានេះ នឹងលេចរូបរាងឡើង និងត្រូវចេញលក់ក្នុងពេលណាមួយក្នុងឆ្នាំ 2024 ហើយនឹងត្រូវបានដាក់លក់នៅក្នុងអតិតហាងរបស់ Huawei ។
បើតាមប្រភពចេញព ITHome បានអះអាងថា រថយន្តឆ្លាតវៃម៉ូដែលថ្មីនេះ គឺមាននៅលើរថយន្តដែលមានស្រាប់របស់ក្រុមហ៊ុន BAIC ដោយគ្រានតែមានការប្តូរឈ្មោះម៉ាកយីហោផ្សេងប៉ុណ្ណោះ ហើយនឹងត្រូវបំពាក់នូវបច្ចេកវិទ្យាឆ្លាតវៃរបស់ Huawei ដែលជាក្រុមហ៊ុនបច្ចេកវិទ្យាខ្នាតយក្សរបស់ប្រទេសចិនដែលផ្តល់នូវដំណោះស្រាយបច្ចេកទេសរថយន្តទំនើបដូចជា ប្រព័ន្ធបច្ចេកវិទ្យាសម្រាប់ការបើកបរឆ្លាតវៃ តាមរយះប្រតិបត្តិការ HarmonyOS។ Huawei ក៏ទំនងជានឹងដាក់រួមបញ្ចូលផងដែរនូវការគ្រប់គ្រងរថយន្តឆ្លាតវៃសម្រាប់រថយន្តនាពេលខាងមុខ។
សូមបញ្ជាក់ថា ក្រុមហ៊ុន Huawei បានប្រកាសចេញលក់រថយន្តស៊េរីទំនើបម៉ូដែល Arcfox Alpha S EV ដែលផលិតដោយក្រុមហ៊ុន BAIC Group ដោយមានដាក់រួមបញ្ចូលនូវប្រព័ន្ធបច្ចេកវិទ្យា HarmonyOS platform ផងដែរ។ Arcfox Alpha S ត្រូវបានប្រកាសចេញកាលពីឆ្នាំ 2021 ដោយបានបំពាក់នូវបច្ចេកវិទ្យាបើកបរដោយស្វ័យប្រវត្តិ។ ដូច្នេះ គេក៏អាចរំពឹងថា ចំពោះម៉ូដែលរថយន្តឆ្លាតវៃដែលចេញលក់នៅពេលខាងមុខនឹងមានបំពាក់បច្ចេកវិទ្យាបើកបរស្វ័យប្រវត្តិ Self-driving Technology របស់ Huawei ផងដែរ៕