កាលពីថ្ងៃទី 22 ខែកញ្ញា កន្លងទៅនេះ ក្រុមហ៊ុន Changan បានប្រកាសជាផ្លូវការណ៌នូវការលក់មុនទៅលើរថយន្ត SUV សេរីថ្មី Changan Nevo E07 ហើយ ដោយរថយន្តនេះ គឺដំណើរការនៅលើប្រព័ន្ធ Changan SDA Architecture ហើយក៏ជារថយន្តដែលអាចប្រែខ្លួនពី SUV ទៅកាន់ Pickup Truck Modes បានថែមទៀតផង។ ជាមួយនិងការដាក់អោយមានការ Pre-Sales នៅពលនេះ រថយន្តនេះ គឺមានប្រភេទ EV និង EREV។
រថយន្ត Nevo E07 ជាម៉ូដែលមួយដែលគេចាត់ថ្នាក់នៅក្នុងស្រឡាយរថយន្តអគ្គិសនីកម្រិតធម្យម និងកម្រិតរថយន្តធំ ដែលមានការផ្តោតខ្លាំងទៅលើប្រព័ន្ធឌីជីថល និងប្រព័ន្ធឆ្លាតវៃ។ បើតាមការបញ្ជាក់ខាងលើនេះ បានអោយដឹងថា រថយន្តថ្មីនេះ គឺនឹងចាប់ផ្តើមសង្វាក់ផលិតកម្មនៅខែតុលាខាងមុខននេះ ហើយគ្រោងនឹងមានការដាក់លក់ជាផ្លូវការណ៌ក្នុងត្រីមាសទី 4 ឆ្នាំ 2024 នេះថែមទៀតផង។ រថយន្តនេះត្រូវបានក្រុមហ៊ុនធ្វើការឌីស្សាញជាមួយនិងវិមាត្រ 5045x1996x3120mm និងមានកម្ពស់ 1640/1665/1695mm។ សម្រាប់ការបើកបរ រថយន្តគឺមានការប្រើប្រាស់នូវស្ថាបត្យកម្ម 0.237Cd។
និយាយពីការផ្លាស់ប្តូររូបរាងនៅលើរថយន្តនេះវិញ រថយន្ត SUV សេរីថ្មី Changan Nevo E07 នេះ អាចក្លាយជារថយន្ត ភPickup trucks បានតាមរយៈនៃការបើកដំបូលខាងក្រោយ។ ហើយផ្នែងខាងក្រោយនេះ អាចដឹកបានទម្ងន 300kg ថែមទៀតផង។ នៅលើរថយន្តនេះត្រូវបានក្រុមហ៊ុនតម្លើងមកជាមួយនូវមុខងារជំនាន់់ថ្មីៗជាច្រើន ក្នុងរួមមានដូចជា Advanced Driving Assistance ជំនាន់ទីពីរ ដែលអភិវឌ្ឍដោយក្រុមហ៊ុន Changan ហើយនឹងប្រព័ន្ធផ្កាយរណប Satellite Communication ទៀតផង។
ក្រុមហ៊ុន Changan បញ្ជាក់ថា រថយន្ត SUV សេរីថ្មី Changan Nevo E07 គឺជាម៉ូដែលដំបូងគេនៅលើពិភពលោក ដែលបំពាក់នួវប្រព័ន្ធនេះ។ បន្ថែមពីនេះ នៅលើរថយន្តនេះ ក៏មានការប្រើប្រាស់នូវប្រព័ន្ធ lidars ចំនួន 2 និង Five Millimeter-Wave Radars ហើយនិង Ultrasonic Radars ចំនួន 12 គ្រាប់, High-Definition Cameras ចំនួន 11 គ្រាប់ ព្រមទាំងមានការទ្រទ្រង់ជាមួយនិងបន្ទះឈីប NVIDIA Orin-x intelligent driving chip ទៀតផង។
សម្រាប់ម៉ូដែល EREV គឺមានពីរជម្រើសគឺម៉ូទ័រ 1 និងម៉ូទ័រ 2 ហើយរថយន្តទាំងពីរនេះ គឺមានដំណើរការជាមួយនិង 1.5T Range Extender ដែលមានកម្លាំង 105 kW ស្មើរនឹង 141 សេះ។ បើតាមការបញ្ជាក់ពីក្រុមហ៊ុននេះបានអោយដឹងថា ម៉ូទ័រ 1 KW មានការប្រើប្រាស់នូវម៉ូទ័រខាងក្រោយកម្លាំង 231 kW (310 សេះ) ខណៈដែលម៉ូទ័រភ្លោះ គឺមានការបន្ថែមនូវម៉ូទ័រខាងមុខមួយទៀតមានកម្លាំង 131 kW (176 សេះ)។ រថយន្តនេះ គឺមានការប្រើប្រាស់នូវអាគុយផ្ទុកអគ្គិសនី 39.05 kWh, ដែលអាចអោយអ្នកបើកបាបចម្ងាយ 200km និង 185km។
ចំពោះរថយន្ត EV វិញ ប្រើប្រាស់នូវម៉ូទ័រ 1 គឺមានការប្រើប្រាស់ម៉ូទ័រក្រោយមានកម្លាំង 252 kW (338 សេះ) ខណៈដែលម៉ូទ័រភ្លោះ គឺមានការបន្ថែមនូវម៉ូទ័រខាងមុខមួយទៀតកម្លាំង 188 kW (252 សេះ)។ រថយន្តនេះប្រើប្រាស់ថាមពលអាគុយ lithium battery packs អាចធ្វើដំណើរបានចាប់ពី 551 km, 651 km, 701 km និង 1,000 km។ នៅលើរថយន្តនេះ គឺមានការទ្រទ្រ់ជាមួយនិងបច្ចេកវិទ្យាសាកល្បឿនលឿនកម្លាំង 800V សាកត្រឹម 15 នាទី រត់បានចម្ងាយ 365km។
