ក្រុមហ៊ុនផលិតរថយន្ត Chery បានធ្វើការប្រកាសចេញរថយន្ត Sedan ស៊េរីថ្មីម៉ូដែល Fulwin A8L C-DM ដែលជាជំនាន់ថ្មីបន្ទាប់ពីម៉ូដែល Fulwin A8 C-DM។ រថយន្ត Plug-in-hybrid sedan ជំនាន់ថ្មីនេះនៅរក្សាទម្រង់នៃការរចនាផ្នែកមុខ-ក្រោយ និងប្រវែងតួរខ្លួន ក៏ដូចជាការប្រើប្រាស់នូវប្រព័ន្ធម៉ាស៊ីន Plug-in-hybrid ទំហំ 1.5T ដូចនឹងជំនាន់មុនដដែល។ សម្រាប់ការចេញលក់ផ្លូវការណ៍ត្រូវបានរំពឹងទុកថា នឹងធ្វើឡើងនៅចុងឆ្នាំ 2024។
បច្ចុប្បន្នម៉ាករថយន្ត Fulwin Series របស់ Chery ដែលមានវត្តមានលក់នៅលើទីផ្សារ គឺមានដូចជាម៉ូដែល Fulwin A8 និង Fulwin A8 Voyage Edition ដែលមានតម្លៃចាប់ពីខ្ទង់ប្រហែល $15,400 ដល់ $20,600។ សម្រាប់រថយន្តម៉ូដែលថ្មី Fulwin A8L C-DM ត្រូវបានប្រកាសទទួលស្គាល់ផ្លូវការណ័ដោយស្ថាប័ន MIIT របស់ប្រទេសចិនកាលពីខែមុខនេះ។ រថយន្ត Plug-in-hybrid sedan ស៊េរីថ្មីនេះបំពាក់នូវយ៉ាន់កង់ទំហំ 17-inch និង 18-inch ជាមួយការរចនាកាំញឹកហៅថា multi-spoke rim។
Fulwin A8L C-DM មានប្រវែងបណ្តោយ 4,790mm/ ទទឹង 1,843mm/ កម្ពស់ 1,487mm និងគម្លាតចន្លោះកង់មុខទៅកង់ក្រោយ 2,790mm ដែលមានគម្លាតវែងជាងប្រហែល 10mm ធៀបនឹងម៉ូដែល Fulwin A8។ រថយន្ត Plug-in-hybrid sedan ស៊េរីថ្មីនេះមានទំងន់ 1,730kg និង 1,770kg ទៅតាមជម្រើស Option របស់វា។ Fulwin A8L C-DM នៅតែបន្តប្រើនូវប្រព័ន្ធ Kunpeng Super Performance Electric Hybrid C-DM system របស់ Chery ភ្ជាប់ដំណើរការនៅលើម៉ាស៊ីន 1.5T និងប្រព័ន្ធម៉ូទ័រអេឡិចត្រិចមួយ។
ប្រព័ន្ធម៉ាស៊ីន 1.5T Plug-in-hybrid engine របស់ Fulwin A8L C-DM អាចផលិតកំលាំងបាន 115kW ឬស្មើរនឹង 154 សេះ និងកំលាំងបង្វិល 220Nm។ រថយន្តស៊េរីថ្មីនេះ ប្រើប្រាស់កញ្ចប់ថ្មប្រភេទ lithium iron phosphate battery pack ទំហំ 18.67kWh ដែលផ្គត់ផ្គង់ដោយក្រុមហ៊ុន Gotion High-tech ដែលអាចបើកបរដោយថាមពលថ្មសុទ្ធបានចម្ងាយដល់ 106km តាមការបញ្ជាក់ពីស្ថាប័ន CLTC។
ហើយបើតាមការបញ្ជាក់ពីស្ថាប័ន MIIT រថយន្តជំនាន់ថ្មីរបស់ Chery មួយនេះអាចជាន់ល្បឿន Top Speed បានដល់ 185km/h។ យ៉ាងណាមិញសម្រាប់តម្លៃផ្លូវការណ៍ និងលក្ខណៈសម្បត្តិខាងក្នុងរបស់ Fulwin A8L C-DM មិនទាន់ត្រូវបានក្រុមហ៊ុនបង្ហើបឲ្យដឹងនៅឡើយទេ៕
