no-alternative title
no-alternative title
no-alternative title
no-alternative title
no-alternative title
no-alternative title

មូលនិធិចំនួន $25,000 ដុល្លារ ត្រូវបានក្រុមហ៊ុន Ford និងក្រុមហ៊ុន RMA Cambodia ប្រគល់អោយអង្គការយុវជនខ្មែរនិងការអិភិវឌ្ឍសង្គម

នៅថ្ងៃនេះ ក្រុមហ៊ុន Ford និង ក្រុមហ៊ុន RMA Cambodia ដែលជាតំណាងនាំចូល និងចែកចាយផ្តាច់មុខនូវរថយន្ត Ford ប្រចាំប្រទេសកម្ពុជាបានផ្តល់មូនិធិដែលមានទឹកប្រាក់ចំនួន 25,000 ដុល្លា ដល់អង្គការយុវជនខ្មែរនិងការអិភិវឌ្ឍសង្គម ក្រោមជំនួយឧបត្ថម្ភនៃមូលនិធិអភិរក្ស និងការពារបរិស្ថានជាសកលរបស់ក្រុមហ៊ុន Ford (Ford Conservation and Environmental Grants Initiative)។ អង្គការយុវជនខ្មែរនិងការអភិវឌ្ឍសង្គម (KYSD) គឺជាអង្គការមិនរកប្រាក់ចំណេញមួយ ដែលមានគោលបំណងកាត់បន្ថយភាពក្រីក្រនៅកម្ពុជាដោយលើកទឹកចិត្តឱ្យយុវជនធ្វើការក្នុងការសម្របសម្រួលជាមួយអ្នកដទៃដើម្បីនាំយកការអភិវឌ្ឍន៍ទៅកាន់តំបន់ដាច់ស្រយាលនៃប្រទេសកម្ពុជា។

 

យោងតាមការបញ្ជាក់របស់ក្រុមហ៊ុន Ford បានអោយដឹងថា មូលនិធិនេះ នឹងអនុញ្ញាតឱ្យ KYSD សាងសង់អណ្តូងទឹកចំនួនដប់ប្រាំមួយនៅខេត្ដកំពង់ស្ពឺ និងខេត្តត្បូងឃ្មុំ ដើម្បីផ្តល់ប្រភពទឹកស្អាតដល់ប្រជាជន ដែលរស់នៅក្នុងតំបន់ នឹងចូលរួមជួយកាត់បន្ថយការលំបាកប្រចាំថ្ងៃដែលពួកគេប្រឈមមុខក្នុងការទទួលបានទឹកស្អាត។ ហើយអណ្តូងទាំងនេះ នឹងផ្គត់ផ្គង់ទឹកស្អាតដល់មនុស្សជាង 1200 នាក់ ដែលមកពីគ្រួសារជាង 200។ គួរបញ្ជាក់ថា ក្រុមហ៊ុន Ford និងក្រុមហ៊ុន RMA Cambodia បានរួមគ្នាបន្តជំរុញគំនិតផ្តួចផ្តើមដែល លោកស្រី Elena Ford ដែលបានបង្កើតឡើងនៅពេលធ្វើទស្សនកិច្ចនៅកម្ពុជាក្នុងឆ្នាំ 2012 ដើម្បីដោះស្រាយកង្វះខាតធនធានទឹកសម្រាប់សហគមន៍ជនបទ។

 

តាមប្រសាសន៍របស់លោក សេង វឹង នាយកគ្រប់គ្រងផ្នែករថយន្ត Ford នៃក្រុមហ៊ុន RMA Cambodia បានអោយដឹងថា “យើងមានមោទនភាពចំពោះកិច្ចខិតខំប្រឹងប្រែងនិងការរួមចំណែកជាបន្តបន្ទាប់ដែលជួយផ្តល់អត្ថប្រយោជន៍រយៈពេលវែងដល់ប្រជាជនកម្ពុជា។ ជារៀងរាល់ឆ្នាំយើងបានសហការជាមួយអង្គការមិនស្វែងរកប្រាក់ចំណេញ ក្នុងការស្វែងរកសហគមន៍ជនបទដែលកំពុងខ្វះខាតទឹកស្អាតប្រើប្រាស់ ហើយយើងខិតខំប្រឹងប្រែងដើម្បីជួយសម្រាល ការលំបាកដល់ប្រជាជនក្នុងតំបន់នោះ។

 

ក្រៅពីនេះ ក្រុមហ៊ុន Ford ក៏បានចូលរួមសកម្មភាពសង្គមជាច្រើននៅក្នុងប្រទេសកម្ពុជាក្រោមមូលនិធិគាំពារសហគមន៍ជាសកលប្រចាំឆ្នាំផងដែរ។ បុគ្គលិកក្រុមហ៊ុន Ford និងក្រុមហ៊ុន RMA Cambodia ក៏បានចូលរួមចំនែកជាមួយអង្គការយុវជនខ្មែរនិងការអិភិវឌ្ឍសង្គម ដើម្បីសាងសង់បណ្ណាល័យមួយខ្នង ក្នុងឃុំចក ស្រុកអូររាំងឳ ខេត្តត្បូងឃ្មុំ។ ហើយបណ្ណាល័យនេះនឹងក្លាយជាកន្លែងសិក្សា និងស្រាវជាវដ៏ប្រសើរមួយសម្រាប់សិស្សជាង 600នាក់ដែលស្ថិតក្នុងតំបន់នេះ។

 

សូមជំរាបផងដែរថា គម្រោងមូលនិធិអភិរក្សនិងការពារបរិស្ថានបានបង្កើតតាំងពីឆ្នាំ 1983 មកម្លេះ។ មូលនិធិនេះបង្កើតឡើងក្នុងគោលបំណងដើម្បីជម្រុញបុគ្គលនិងអង្គការនានាដើម្បីធ្វើការសិក្សាស្រាវជ្រាវទៅលើគម្រោងផ្សេងៗ ទៅលើការការពារបរិស្ថាន ដើម្បីណែនាំឲ្យប្រជាពលរដ្ឋចេះស្រលាញ់និងការពារបរិស្ថាននៅក្នុងសហគមន៍ដែលពួកគេរស់នៅ។ ចាប់តាំងពីការបង្កើតនូវគម្រោងនេះមក ក្រុមហ៊ុនហ្វដបានឧបត្ថមទឹកប្រាក់មិនក្រោម 5 លានដុល្លារនោះទេ ដើម្បីអនុវត្តន៍នូវគម្រោងរាប់រយគម្រោងនៅជាង 60 នៅប្រទេសជុំវិញពិភពលោក។ សំរាប់នៅតំបន់អាស៊ីប៉ាស៊ីហ្វិកយើងនេះ ក្រុមហ៊ុន Ford បានដើរតួយ៉ាងសំខាន់ក្នុងការជំរុញគំនិតផ្តួចផ្តើមផ្នែកការពារបរិស្ថានអស់រយៈពេលជាងមួយទសវត្សមកហើយ ដែលរួមមានការការពារសត្វព្រៃនិងការពារ ព្រៃឈើ និងផ្តល់មូលនិធិដល់គម្រោងអភិរក្សបេតិកភណ្ឌវប្បធម៌ជាតិ រួមនិងការបង្កើនធនធាននៅតាមជនបទផងដែរ។

ព័ត៌មានពាណិជ្ជកម្ម
អត្ថបទគួរចាប់អារម្មណ៍