កាលពីថ្ងៃទី 10 ខែវិច្ឆិកា ឆ្នាំ 2017 HMD Global ដែលជាក្រុមហ៊ុនមានអាជ្ញាប័ណ្ណផ្តាច់មុខទូរស័ព្ទ Nokia នៅថ្ងៃនេះ បានប្រកាសសម្ពោធបង្ហាញរូបរាងទូរស័ព្ទដៃថ្មីម៉ូឌែល Nokia 2 នៅក្នុង ទីផ្សារប្រទេសកម្ពុជា ដើម្បីក្តោបយកចំណែកទីផ្សាររបស់វិញ បន្ទាប់ពីខកខានអស់រយៈពេលជាង 10 ឆ្នាំ។ គួរបញ្ជាក់ថា ទូរស័ព្ទ Nokia គឺជាប្រភេទទូរស័ព្ទដែលល្បីឈ្មោះ មានសមត្ថភាពក្នុងការកាន់ថ្មបានយូររហូតដល់ទៅ 2 ថ្ងៃ។ Nokia 2 ត្រូវបានផលិតឡើង ដើម្បីឲ្យអ្នកប្រើប្រាស់ប្រើបានយូរ មិនងាយអស់ថ្ម ខុសប្លែកពីទូរស័ព្ទដទៃទៀត ដែលត្រូវការសាកថ្ម ជាញឹកញាប់។ Nokia 2 មានអេក្រង់ទំហំ 5 អ៊ីង និងដំណើរការដោយប្រព័ន្ធប្រតិបត្តិការ Android ចុងក្រោយបំផុត ប្រកបដោយសុវត្ថិភាពខ្ពស់ ដើម្បីបំពេញតម្រូវការជាទីពេញចិត្តដល់អ្នកប្រើប្រាស់គ្រប់ពេលវេលា និងជារៀងរាល់ថ្ងៃ។
លោក Henri ដែលជាប្រធានផ្នែកផលិតផលក្រុមហ៊ុន HMD Global ប្រចាំនៅតំបន់អាស៊ីប៉ាស៊ីហ្វិក បានមានប្រសាសន៍ថា បច្ចុប្បន្ន មនុស្សជាច្រើនពឹងអាស្រយ័លើទូរស័ព្ទរបស់គាត់ ហើយពួកគាត់ត្រូវមានការក្រើនរំឭករឿងសាកថ្មទូរស័ព្ទរបស់គាត់ពេលចេញទៅណាមកណា ដើម្បីរក្សាទំនាក់ទំនងបានពេញមួយថ្ងៃ។ លោកបានបន្តថា ការប្រើប្រាស់ទូរស័ព្ទ មិនត្រូវបង្អាក់ឡើយ នេះគឺជាមូលហេតុដែលយើងបង្កើតស្មាតហ្វូន ដែលអាចឲ្យអ្នកប្រើទូរស័ព្ទបានរយៈពេលយូរ នៅពេលឧបករណ៍ផ្សេងទៀតត្រូវផ្អាកដំណើរការដើម្បីសាកថ្ម។
ជាមួយនឹងទូរស័ព្ទ Nokia 2 ក្រុមហ៊ុន គឺចង់សង្កត់បន្ថែមលើបទពិសោធន៍នៃការប្រើប្រាស់ប្រព័ន្ធប្រតិបត្តិការ Android ដ៏ពិសេស បន្ថែមពីលើថាមពលថ្មកាន់បានយូរ ដែលអតិថិជនទាំងអស់រំពឹងចង់បានពីទូរស័ព្ទ Nokia។ ដើម្បីធ្វើឲ្យការរំពឹងទុកនេះ ក្លាយទៅជាការពិតគ្រប់ផ្នែកទាំងអស់នៃទូរស័ព្ទ Nokia 2 រាប់ចាប់ពីអេក្រង់រហូតទៅដល់ថាមពលថ្ម និងបន្ទៈឈីប ហើយនិងការរចនាប្រព័ន្ធខាងក្នុង ទាំងអស់នេះ គឺត្រូវផលិតឡើងឲ្យស៊ីថាមពលតិចបំផុតពីបន្ទះថ្មដ៏ធំមួយ ផ្តល់ឲ្យអ្នកប្រើប្រាស់នូវស្មាតហ្វូនដែលកាន់ថ្មបានយូរ ដែលអ្នកប្រើប្រាស់អាចពឹងផ្អែកបានជានិច្ចពេលត្រូវការ។»
ជាមួយគ្នានេះដែរ លោក Kieng Sokpheng ដែលជាប្រធានក្រុមហ៊ុន HMD Global ប្រចាំប្រទេសកម្ពុជា ក៏បានបញ្ជាក់អោយដឹងផងដេែរថា Nokia 2 គឺរចនាឡើងផ្ដោតលើភាពធន់មាំជាងគេ និងចំណុចសំខាន់ៗឆ្លុះបញ្ចាំងពីកេរ្តិ៍ឈ្មោះរបស់ទូរស័ព្ទ Nokia គឺគុណភាព ភាពសាមញ្ញ និងភាពអាចជឿជាក់បាន។ ស៊ុមរលោងរបស់ស្មាតហ្វូន Nokia 2 ត្រូវផលិតឡើងយ៉ាងម៉ត់ចត់ ពីអាលុយមីញ៉ូម ស្របពេលដែលកញ្ចក់ Corning® Gorilla® ត្រូវបានបំពេញបន្ថែមដោយសារធាតុបូលីកាបូណេត នៅផ្នែកខាងក្រោយនាំមកនូវអារម្មណ៍ដ៏អស្ចារ្យ ព្រមទាំងគុណភាពល្អឥតខ្ចោះដែលអ្នកប្រើប្រាស់រំពឹងទុកពីស្មាតហ្វូន Nokia។ សមាសធាតុដ៏ល្អប្រណីត និងរចនាបទប្រកបដោយគំនិតច្នៃប្រឌិត និងងាយស្រួលក្នុងការប្រើប្រាស់ រួមគ្នាបង្កើតបាននូវម៉ូដែលស្មាតហ្វូនដ៏រស់រវើក រូបរាងទាន់សម័យ ដែលអាចឲ្យអ្នកប្រើប្រាស់រីករាយនឹងស្មាតហ្វូនដែលមានតម្លៃសមរម្យ ជាប់ធន់ នឹងកាន់ថ្មបានយូរ។
Nokia 2 មិនត្រឹមតែមានថាមពលថ្មខ្ពស់ដល់ទៅ 4100 mAh បំពាក់ដោយអេក្រង់ទំហំ 5 អ៊ីង ប្រភេទ LTPS LCD HD Display ផ្តល់នូវរូបភាពភ្លឺថ្លាត្រជាក់ភ្នែកស្របពេលដែលថាមពលស៊ីថ្មតិចបំផុតនោះទេ គឺថែមទាំងអាសចផ្តល់ឲ្យអ្នកនូវសេរីភាពនៃការកម្សាន្តដ៏សម្បូរបែប ចាប់ផ្តើមពីការ ទស្សនាវីដេអូ HD រូបថតគុណភាពច្បាស់ ស្តាប់បទចម្រៀងដែលអ្នកចូលចិត្ត ការកម្សាន្តលើបណ្តាញសង្គមនានា និងការឆែកអ៊ីនធើណេតជាដើម ដោយមិនព្រួយបារម្ភពីការអស់ថ្មឡើយ។
Nokia 2 មានសមត្ថភាព អាចឲ្យអ្នកថតរូបភាពបានយ៉ាងស្រស់ស្អាតអស្ចារ្យគ្រប់ពេលផងដែរ ជាមួយនឹងកាមេរ៉ាខាងក្រោយទំហំ 8 មេហ្គាភិចសែល ដែលមានមុខងារ automatics Scene Detection និង Auto Focus។ រីឯកាមេរ៉ាខាងមុខទំហំ 5 មេហ្គាភិចសែល អាចឲ្យអ្នកអាចចាប់រូបភាពបានគ្រប់ជ្រុងជ្រោយ។ អ្នកនឹងទទួលបានទំហំផ្ទុកសម្រាប់រូបភាពតាមដែលអ្នកចង់បានទៅក្នុងmemory card slot និងទំហំផ្ទុករូបភាព និងវីដេអូឥតដែនកំណត់ទៅក្នុង Google Photos។ Nokia 2ក៏មានភ្ជាប់មកជាមួយនឹងមុខងារដ៏វៃឆ្លាតដូចជា Google Assistant។ ដំណើរការជាមួយនឹងប្រព័ន្ធប្រតិបត្តិការ Android Nougat និង Android Oreo ready អាចឲ្យ Nokia 2 ទទួលបានបច្ចុប្បន្នភាពសុវត្ថិភាពប្រចាំខែ ដូច្នេះអ្នកអាចទុកចិត្តបានថា ទូរស័ព្ទរបស់អ្នកមានសុវត្ថិភាព និងមានបច្ចុប្បន្នភាពជានិច្ច។
Nokia 2 ពណ៌ខ្មៅមានលក់នៅទីផ្សារកម្ពុជាមានតម្លៃត្រឹមតែ 109 ដុល្លារតែប៉ុណ្ណោះ នឹងមានការថែមជូន លេខទូរស័ព្ទ Smart តម្លៃ 29 ដុល្លារ និងគម្រោង Smart ធំហ្ម៎ង! សម្រាប់ 8 សប្តាហ៍។ សូមជំរាបថា ក្រុមហ៊ុន HMD Global នៅកម្ពុជាបានចេញស្មាតហ្វូនចំនួន 2 ម៉ូដែល គឺ Nokia 8 ដែលជាស្មាតហ្វូននាំមុខគេ ក្នុងចំណោមស៊េរីទូរស័ព្ទ Nokia ហើយសរុបទាំងអស់ HMD Global នៅកម្ពុជាបានចេញ ស្មាតហ្វូនចំនួន 5 ម៉ូដែល Nokia 3 Nokia 5 Nokia6 Nokia 8 និង Nokia 2 ដែលជាម៉ូដែលចុងក្រោយគេបង្អស់ជាមួយតម្លៃយ៉ាងសមរម្យ ហើយមានសមត្ថភាពកាន់ថ្មខ្ពស់បានរហូតដល់ទៅ 2 ថ្ងៃ។
