បន្ទាប់ពីមានពាក្យចចាមអារ៉ាម និងសំណួរដ៏ចម្រូងចម្រ៉ាស់ជាច្រើនបានសួរគ្នាទៅវិញទៅមកស្តីពីទូរស័ព្ទ iPhone X នាពេលកន្លងមក ឥលូវនេះ Falcon Tech ដែលជាក្រុមហ៊ុនចែកចាយផ្លូវការនូវផលិតផល Apple ប្រចាំនៅក្នុងប្រទេសកម្ពុជា បានចេញមកបញ្ជាក់អោយដឹងនៅថ្ងៃនេះហើយថា ទូរស័ព្ទ iPhone X នឹងមានលក់ជាផ្លូវការនៅក្នុងទីផ្សារប្រទេសកម្ពុជា នៅថ្ងៃទី 24 ខែវិច្ឆិកា ឆ្នាំ 2017 ខាងមុខនេះហើយ ជាមួយនឹងតម្លៃដ៏ពិសេសមួយ ដែលអតិថិជន នឹងពេញចិត្តបំផុត ហើយក៏សូមអំពាវនាវដល់អតិថថិជនទាំងអស់ កុំបន្តខ្ជះខ្ជាយថវិការរបស់ខ្លួន ច្រើនជាមួយនឹងតម្លៃទូរស័ព្ទiPhone X បច្ចុប្បន្ននេះទៀតអី។ ព័តមាននេះ អាចចាត់ទុកថា ជាព័តមានដ៏រំភើបសំរាប់ប្រិយមិត្តរបស់ iPhone X ទាំងអស់ ដែលបាននឹងកំពុងតែទន្ទឹងរង់ចាំផលិតផលផ្លូវការ ដែលមានការធានាត្រឹមត្រួវពីក្រុមហ៊ុន Apple អស់រយៈពេលជាយូមកហហើយនោះ។ សូមជំរាបថា កាលពីម្សិលមិញនេះ Falcon Tech ក៏បានប្រកាសចេញលក់ជាផ្លូវការនូវទូរស័ព្ទ iPhone 8 និង 8 plus នៅក្នុងប្រទេសកម្ពុជារួចហើយផងដែរ។
យោងតាមការបញ្ជាក់របស់ក្រុមហ៊ុន Falcon Tech បានអោយដឹងថា ចាប់តាំងពីក្រុមហ៊ុន បានចូលមកកាន់ទីផ្សារប្រទេសកម្ពុជា នឹងបាននាំមកនូវផលិតផល Apple ជាច្រើនប្រភេទ រួមជាមួយនឹងទូរស័ព្ទ iPhone ផងដែរនោះ ឃើញថា ប្រជាជនកម្ពុជា ដែលជាប្រិយមិត្តរបស់ Apple មួយចំនួនធំ គឺមានការផ្លាស់ប្តូរនូវផ្នត់គំនិតរបស់យ៉ាងច្រើនជាមួយនឹងការជ្រើសរើសប្រើប្រាស់ផលិតផល Apple ផ្លូវការ និងមិនផ្លូវការ ដោយសារតែពួកគាត់មានការយល់ដឹងច្រើនពីអត្ថប្រយោជន៍នៃផលិតផលដែលនាំមកផ្លូវការ និងមានការបង់ពន្ធត្រឹមត្រួវ 100%។ ហើយនិងហានីភ័យដែលស្ថិតពីក្រោយការប្រើប្រាស់ផលិតផលមិនផ្លូវការនាពេលកន្លងមក។
ការដែលក្រុមហ៊ុន Falcon Tech ហ៊ានអៈអាងបែបនេះ គឺក្រោយពេលដែលក្រុមហ៊ុន Falcon Tech បានចេញលក់នូវ iPhone 6 32GB នាពេលកន្លងមក ក៏ដូចជា ការដាក់អោយ Pre Order ទូរស័ព្ទ iPhone 8 និង 8 plus កាលពីសប្តាហ៍មុនកន្លងទៅផងដែរ លទ្ធផលដែលទទួលបាននោះ គឺច្រើនលើសលប់រហូតដល់ទៅជាង 1000 គ្រឿងឯណោះ ត្រឹមតែមួយសប្តាហ៍ប៉ុណ្ណោះ ដោយនេះពិតជាតួរលេខខ្ពស់មួយ ដែលគ្រប់គ្នានឹកស្មានមិនដល់។ នេះសរបញ្ជាក់អោយឃើញថា ប្រិយមិត្តរបស់ iPhone ទាំងអស់ នឹងមិនចំណាយប្រាក់ដ៏ច្រើនសន្ធឹកសន្ធាប់របស់ខ្លួន មកប្តូរជា មួយនឹងផលិតផល ដែលគ្មានការធានា និងគ្មានប្រភពច្បាស់លាស់ទៀតឡើយ។ ចំពោះតម្លៃនៃការមកដល់នេះ ក្រុមហ៊ុន Falcon Tech នឹងបង្ហាញនៅពេលដ៏ខ្លីខាងមុខនេះ។
គួរបញ្ជាក់ផងដែរថា ទូរស័ព្ទ iPhone X គឺជាស្មាតហ្វូន ដែលមានការរចនារូបរាងកាន់តែប្លែក និងអស្ចារ្យបំផុត ដោយសារតែវាមានការរចនារូបរាងស្រោបពីកញ្ចក់ មានទំហំ 5.8 អ៊ីង ប្រភេទកញ្ចក់ OLED ដែលមានឈ្មោះថា Super Retina Display និងស្រោបដោយលោហធាតុ ដែលរឹងមាំបំផុត បើធៀបជាមួយនឹងស្មាតហ្វូនផ្សេងទៀត ហើយថែមទាំងប្រើប្រាស់នូវវិញ្ញាបណ្ណបត្រ IP68 សម្រាប់ការពារការជ្រាបទឹក ហើយនឹងបច្ចេកវិទ្យា Face ID ដែលនៅតែអាចធ្វើការស្កេននៅកន្លែងងងឹងបានដោយគ្មានបញ្ហាទៀតផង។ ទូរស័ព្ទ iPhone X ភ្ជាប់ជាមួយនឹងប្រព័ន្ធប្រតិបត្តិការ iOS 11 ដែលនាំយកនូវមុខងារថ្មីៗជាច្រើនដូចជាការដោះសោរនៅលើទូរស័ព្ទ ឬការប្រើប្រាស់មុខងារ Multitasking UI ផងដែរ។
iPhone X ដំណើរការលើបន្ទះឈីប A11 Bionic មានកម្លាំងលឿនជាងមុនដល់ទៅ 25% ហើយវាមានប្រសិទ្ធិភាពខ្លាំងជាងមុនដល់ទៅ 70% អាចទ្រទ្រង់នូវប្រព័ន្ធ Bluetooth 5.0 និងបំពាក់នូវបច្ចេកវិទ្យា Qi Wireless Charging និងបច្ចេកវិទ្យា Quick Charge ដែលអាចបញ្ចូលថាមពលបាន 50% ចំណាយពេលត្រឹមតែ 30នាទីប៉ុណ្ណោះ។ ទូរស័ព្ទ iPhone X បំពាក់មកជាមួយនឹងកាមេរ៉ាមុខទំហំ 7 មេហ្កាភិចសែល f/2.2 Aperture TrueDepth ដែលទ្រទ្រង់វីដេអូកម្រិត Full HD នៅក្នុង 30fps និងវីដេអូ HD នៅក្នុងកម្រិត 240fps អ្វីដែលពីសេស គឺវាមានភ្ជាប់ជាមួយនឹង Portrait Mode ដែលអនុញ្ញាតអោយអ្នកប្រើប្រាស់ថតជាមួយ Bokeh Effects បានផងដែរ។
សំរាប់ប្រព័ន្ធកាមេរ៉ាភ្លោះ នៅផ្នែកខាងក្រោយរបស់ iPhone X មួយមានទំហំ 12 មេហ្កាភិចសែល f/1.8 wide-angle sensor និងមួយគ្រាប់ទៀតមានទំហំ 12 មេហ្កាភិចសែល f/2.4 telephoto lens ដែលភ្ជាប់ជាមួយមុខងារ Optical Zoom ។ ប្រព័ន្ធកាមេរ៉ានេះ ភ្ជាប់ជាមួយនឹងប្រព័ន្ធ Dual OIS និង Quad-LED Flash អាចថតវីដេអូកម្រិត 4K នៅក្នុងកម្រិត 60fps និង Slow-Motion វីដេអូកម្រិត 1080p ក្នុងកម្រិត 240fps បានយ៉ាងរលូន។ ហើយ Portrait Mode ក៏អាចប្រើប្រាស់ជាមួយនឹងមុខងារ Stage Light សម្រាប់ផ្លាស់ប្តូរ Background បានយ៉ាងអស្ចារ្យផងដែរ។