រហូតមកដល់ថ្ងៃនេះ ទូរស័ព្ទ iPhone 6 ទំហំ 32GB ដែលបាននាំមកដោយក្រុមហ៊ុន Falcon Tech គឺនៅតែមានការពេញនិយម និងនៅតែមានការកម្ម៉ង់ដដែល ពីសំណាក់អ្នកប្រើប្រាស់ជាច្រើន នៅកម្ពុជា នេះបើយោងតាមការបញ្ជាក់របស់បណ្តាហាងលក់ទូរស័ព្ទនានានៅក្នុងរាជធានីភ្នំពេញ ។ ជាមួយគ្នានេះ ក្រុមហ៊ុន ក៏បានបញ្ជាក់អោយដឹងផងដែរថា ស្របពេលដែល iPhoneX នឹងមកដល់កម្ពុជា នៅពេលប៉ុន្មានថ្ងៃខាងមុខទៀតនេះ ប្រិយមិត្តរបស់ iPhone 6 32GB ក៏នៅតែពេញចិត្តជាមួយនឹងទូរស័ព្ទនេះ ដោយសារតែពួកគាត់ពេញចិត្ត និងនៅតែស្រឡាញ់ ហើយនិងចង់ប្រើប្រាស់ទូរស័ព្ទមួយនេះដដែល ពីព្រោះថា ទូរស័ព្ទនេះ គឺមានតម្លៃសមរម្យ និងជាទូរស័ព្ទដែលមានការធានាពីក្រុម ហើយនឹងមានការផ្តល់ជូននូវកញ្ចប់ពីសា្មតថែមទៀតផង។
តាមប្រសាសន៍របស់លោក Jim ដែលជានាយកគ្រប់គ្រង Falcon Tech Co., Ltd បានបញ្ជាក់ប្រាប់ក្រុមការងារ ទស្សនាវដ្តី ពិភពអេឡិចត្រូនិក យ៉ាងដូច្នេះថា iPhone 6 ដែលមានទំហំផ្ទុកថ្មី 32GB គឺជាទូរស័ព្ទដែលតម្លៃសមល្មម ទៅនឹងតម្រូវការប្រើប្រាស់នាពេលបច្ចុប្បន្ននេះ ជាមួយនឹងការជាវទូរស័ព្ទនេះ អតិថិជននៅកម្ពុជា គឺទទួលបាននូវអត្ថប្រយោជន៍យ៉ាងច្រើន ទាំងតម្លៃ ក៏ដូចជាសេវាផ្សេងៗ រួមមានដូចជា ការថែមជូននូវកញ្ចប់សេវាអ៊ីនធើណែតពីក្រុមហ៊ុន Smart និងការធានារយៈពេលមួយឆ្នាំពេញពីក្រុមហ៊ុន Apple ជាដើម។ ដូច្នេះរាល់ការជាវទូរស័ព្ទ iPhone 6 32GB យកទៅប្រើប្រាស់ គឺអតិថិជន មិនចាំបាច់បារម្មណ៍ ដូចកាលពីមុនឡើយ មានន័យថា លោកអ្នកមានការធានាពីក្រុមហ៊ុនរួចរាល់ហើយ។ លោកជឿជាក់ថា ជាមួយនឹងតម្លៃថ្មី 368 ដុល្លារ អតិថិជនទាំងអស់ គឺពិតជារីករាយជាមួយនឹងការប្រើប្រាស់ទូរស័ព្ទថ្មីនេះ ដោយសារតែវាជាទូរស័ព្ទដែលបាននាំមកផ្ទាល់ពីក្រុមហ៊ុន Apple។
គួរបញ្ជាក់ថា iPhone 6 ត្រូវបានរចនាជាមួយនិងរូបរាងឡូយ និងមានអេក្រង់ទំហំ 4.7 អ៊ីង (Retina Display) អាចទ្រទ្រង់បានជាមួយ នឹងទំហំរូបភាព 750 x 1,334 pixels និងមានកាមេរ៉ាទំហំ 8 មេហ្កាភិចសែល អមមកជាមួយនូវបចេ្ចកវិទ្យា OIS ដែលពិតជាពិសេសបំផុត។ ចំពោះថ្មរបស់វា គឺអាចកាន់បានយូជាងម៉ូដែលមុន។ ស្មាតហ្វូនស៊េរីថ្មី 2017 នេះ ត្រូវបានក្រុមហ៊ុន ដំឡើងមកជាមួយនូវបន្ទះឈីប A8 អមមកជាមួយនឹងអង្គប្រតិបត្តិការ M8 motion ហើយនិងបានអភិវឌ្ឍបន្ថែមនូវឧបករណ៍សំរាប់ភ្ជាប់ទៅកាន់បច្ចេកវិទ្យា LTE ដែលមានល្បឿនលឿនរហូតដល់ 150Mbps លើសពីនេះ វាក៏អាចទ្រទ្រង់ជាមួយមួយនឹងបច្ចេកវិទ្យាថ្មី AC Wi-Fi ផងដែរ។ សូមជំរាបថា iPhone 6 ស៊េរីថ្មី 2017 នឹងដំណើរការដោយប្រព័ន្ធប្រតិបត្តិការណ៍ iOS 10 ហើយនឹងអាច upgrade ទៅប្រព័ន្ធប្រតិបត្តិការណ៍ iOS 11 ជំនាន់ថ្មីនាពេលខាងមុខ។