ថ្មីៗនេះ បន្ទាប់ការដាក់អោយធ្វើការកម្ម៉ង់មុននូវទូរស័ព្ទ iPhone 8 និង 8 plus ផ្លូវការនៅក្នុងប្រទេសកម្ពុជាពីសំណាក់ក្រុមហ៊ុន Falcon Tech នាពេលកន្លងមក ដែលមានអ្នកកម្ម៉ង់ច្រើនលើសលប់ហើយនោះ រហូតមកទល់នឹងពេលនេះ ក៏នៅតែមានការកម្ម៉ង់កាន់តែច្រើនថែមទៀតដដែល ស្របពេលដែលចំនួននៃព្យាករណ៍របស់ក្រុមហ៊ុន បានលើសកំណត់រួចទៅហើយ នេះបើយោងតាមការបញ្ជាក់របស់ក្រុមហ៊ុន Falcon Tech កាលពីម្សិលមិញនេះ។ លោក អ៊ូ ភានិត ដែលជាអ្នកតំណាងក្រុមហ៊ុន Falcon Tech បានមានប្រសាសន៍អោយដឹងថា កាលពីពីរសប្តាហ៍មុននេះ ក្រុមហ៊ុន បានចាប់ផ្តើមដាក់អោយកម្ម៉ងនូវ iPhone 8 និង 8 plus ក្នុងប្រទេសកម្ពុជា ក្នុងរយៈពេលតែមួយអាទិត្យប៉ុណ្ណោះ ក្រុមហ៊ុន ទទួលទទួលបានការកម្ម៉ងច្រើនមែនទែន និយាយរួមទៅ គឺលើសពីអ្វីដែលក្រុមហ៊ុនយើង បានព្យាករណ៍ទុកជាមុន។ ហើយរហូតមកដល់ម៉ោងនេះ ក៏នៅតែមានអ្នកកម៉្មង់កើនឡើងជារៀងរាល់ថ្ងៃ នេះសរបញ្ជាក់អោយឃើញថា អ្នកប្រើប្រាស់ទូរស័ព្ទ iPhone នៅកម្ពុជា គឺពិតជាមានចំនួនច្រើនមែនទែន ដែលបានរង់ចាំការមកដល់ផលិតផលផ្លូវការ ហើយនិងងាកមកប្រើប្រាស់ផលិតផលផ្លូវការវិញ ជាងផលិតផលដែលបាននាំចូលមិនផ្លូវការនាពេលកន្លងមក។
គូរបញ្ជាក់ផងដែរថា បន្ទាប់ពី Falcon Tech ត្រូវបានផ្ដល់សិទ្ធិស្របច្បាប់ក្នុងការចែកចាយផលិតផលរបស់ Apple ក្នុងប្រទេសកម្ពុជាមកនេះ Falcon Tech បានធ្វើអោយទីផ្សារផលិតផលរបស់ Apple ដែលស្របច្បាប់បន្ដឡើងកម្រិតជាលំដាប់។ សព្វថ្ងៃនេះ ក្រុមហ៊ុនបានកំពុងចរាចរណ៍ iPhone, iPad, Mac, iMac, Apple TV និង Accessories មួយចំនួនទៀតទូទាំងប្រទេសកម្ពុជា នេះក៏អាចបញ្ជាក់បានថាក្រុមហ៊ុនកំពុងតែត្រូវបានគាំទ្រ និងមានការសហការណ៍យ៉ាងល្អជាមួយដៃគូអាជីវកម្មក្នុងស្រុក។
គួរបញ្ជាក់ថា iPhone 8 & 8 Plus គឺជាស្មាតហ្វូនថ្មីរបស់ Apple ដែលមានបច្ចេកវិទ្យាចាប់អារម្មណ៍ និងមានការច្នៃម៉ូតដែលជាកញ្ចក់ ផ្ទាំងខាងក្រោយយ៉ាងមាំ ការពារភាពកកិត និងងាយស្រួលសំអាត ហើយអេក្រង់ខាងមុខ 4.7” និង 5.5” Retina HD Display true tone និង HDR Video ដោយមានស៊ុមព័ទ្ធជុំវិញសារធាតុអាលុយមីញ៉ូមយ៉ាងមាំ ដែលជាបំណែកការពារភាពប៉ះទង្គិច និង Water and Dust Resistant ។ iPhone 8 & 8 Plus ដំណើរការដោយប្រព័ន្ធប្រតិបត្តិការណ៏ចុងក្រោយ version 11 និងប្រើនូវបន្ទះឈីប A11 Bionic chipset ព្រមទាំងបំពាក់កាមេរ៉ា 12MP ខាងក្រោយ និងខាងមុខ 7MP ដោយឡែកនោះ iPhone 8 Plus មានកាមេរ៉ាភ្លោះ ផ្នែកខាងក្រោយជាពិសេស។ iPhone 8 & 8 Plus មានអង្គចងចាំពីរប្រភេទ 64GB និង 256GB និង មានជំរើសពណ៌ space gray gold និង silver ហើយកាន់តែពិសេសនោះគឺ អស់បញ្ហាថ្មទូរស័ព្ទឆាប់អស់ភ្លើង និងប្រើយូរ ឬសាកឡើងកម្ដៅនោះទេ។ ការមកដល់របស់ iPhone 8 & 8 Plus នៅពេលនេះ គឺមានភ្ជាប់ជាមួយកញ្ចប់ពិសេសជាមួយស៊ីម Smart និង internet data។ ចំនុចពិសេស ក្រុមហ៊ុនលើកទឹកចិត្តអោយជ្រើសរើសផលិតផល Apple ដែលមានការធានាត្រឹមត្រូវពីរោងចក្រ។
ក្រុមហ៊ុន Falcon Tech ក៏បានអំពាវនាដល់អតិថិជនទាំងអស់ ដែលចង់បានទូរស័ព្ទ iPhone សូមជាវពី Falcon Tech និងតាមបណ្ដាលហាងនានា ដែលមានស្លាកសញ្ញាសម្គាល់ធានារយៈពេលមួយឆ្នាំ និងជាផលិតផលដែលបានបង់ពន្ធរួចរាល់ជាស្រេច។ ចូរចៀសវាងរាល់ការជាវផលិតផលដែលគ្មានារធានាគុណភាពច្បាស់លាស់ និងគ្មានការបង់ពន្ធជូនរដ្ឋ ដែលជាសកម្មភាពគ្មានក្រមសីលធម៌ក្នុងការធ្វើអាជីវកម្មដោយស្មោះត្រង់នោះទេ។ Falcon Tech គឺជាក្រុមហ៊ុនតែមួយគត់ ដែលទទួលសិទ្ធិស្របច្បាប់ក្នុងការចែក ចាយផលិតផល Apple ក្នុងប្រទេសកម្ពុជា ហើយក្រុមហ៊ុនបានយកចិត្តទុកដាក់ និងបម្រើសេវាកម្មបន្ថែមជូនអតិថិជនជាបន្ដបន្ទាប់។ ហើយក៏បន្ដបង្កើនសក្ដានុពលក្នុងទីផ្សារមួយនេះដែរ។