ពេលនេះ ក្រុមហ៊ុន ZOPO បាននឹងកំពុងតែទទួលនូវជោគជ័យ ក៏ដូចជាកាក់កបយ៉ាងខ្លាំងនៅក្នុងទីផ្សារស្មាតហ្វូនថ្នាក់កណ្តាល និងថ្នាក់ទាបរបស់ខ្លួននៅក្នុងប្រទេសកម្ពុជា ហើយពេលនេះស្មាតហ្វូនស៊េរីថ្មីៗជាច្រឿន គឺទទួលបាននូវការការពេញនិយយ៉ាងខ្លាំងពីសំណាក់អ្នកប្រើប្រាស់ជាមួយនឹងរូបរាងស្មាតហ្វូនស៊េរីថ្មីទាំងនេះ ជាពិសេសទៅលើម៉ូដែលស៊ុមព័ទ្ធអេក្រង់ស្តើង ដែលក្រុមហ៊ុន បានប្រកាសចេញនាពេលថ្មីៗនេះ។
Flash X1(4G) គឺជាស្មាតហ្វូនដែលមានអេក្រង់ធំកម្រិតដល់ទៅ 18:9 Aspect Ratio របស់ ZOPO ដែលត្រូវបានច្នៃប្រឌិតជាមួយនឹងអេក្រង់ធំ ធៀបតួខ្លួនមានទំហំដល់ទៅ 83% ដែលផ្តល់នូវបទពិសោធន៍អស្ចារ្យគ្មានគូប្រៀបនោះទេ ជាពិសេស គឺមានតម្លៃសមរម្យ អាចទ្រទ្រង់ជាមួយនឹងប្រព័ន្ធ 4G ហើយឥលូវនេះ បានបំបែកកំណត់ត្រាលក់ដាច់ជិត 2ពាន់គ្រឿង ត្រឹមរយៈពេលមួយសប្តាហ៍ប៉ុណ្ណោះនេះបើយោងតាមការអះអាងពីសំណាក់ក្រុមហ៊ុន Zopo ប្រចាំនៅកម្ពុជា កាលពីម្សិលមិញនេះ។
Flash X1 (4G) ស្មាតហ្វូនស៊េរីថ្មី ដែលមានតម្លៃធូថ្លៃបំផុត ធៀបទៅហ្នឹងផលិតផលរបស់ក្រុមហ៊ុនដ៏ទៃដែលមានលក្ខណះសម្បតិ្តប្រហាក់ប្រហែលគ្នា ហើតស្មាតហ្វូនស៊េរីថ្មីនេះ ត្រូវបានក្រុមហ៊ុនភ្ជាប់ជាមួយនឹងអេក្រង់ទំហំ 5.5 អ៊ីង កញ្ចក់ IPS 18:9 ដែលទ្រទ្រង់នូវកម្រិតអេក្រង់ 1280x640 ភិចសែល។ ស្មាតហ្វូនស៊េរីថ្មីនេះមាន 3 ពណ៌សម្រាប់ជ្រើសរើសគឺពណ៌ Coral Blue, Alien Black និង Citrine Gold ដែលពិតជាស៊ីវិល័យស្រស់ស្អាតទាក់ទាញគួរអោយចង់ប្រើប្រាស់ជាទីបំផុត។ បើនិយាយអំពីប្រព័ន្ធកាមេរ៉ាវិញ ស្មាតហ្វូននេះភ្ជាប់ជាមួយនឹងកាមេរ៉ាខាងក្រោយទំហំ 8MP ភ្ជាប់ជាមួយនឹងមុខងារ Auto Focus, IMX 219 និង Aperture f/2.4 ។ ចំនែកកាមេរ៉ាខាងមុខរបស់ស្មាតហ្វូននេះមានទំហំ 5MP ភ្ជាប់ជាមួយនឹងមុខងារ Bokeh Mode, Face Beauty Mode, Mixed Focus, Sensor GC5025, Aperture f/2.2 និងភ្លើង Flash LED ថែមទៀត។
ស្មាតហ្វូនស៊េរីថ្មី Flash X1 (4G) ភ្ជាប់ជាមួយនឹងបន្ទះឈីបប្រភេទ MT6737T 64-bit ដែលមានអង្គគណនា Quad-Core ដែលមានល្បឿន 1.3GHz ។ ស្មាតហ្វូននេះ គឺភ្ជាប់ជាមួយនឹងរ៉េមទំហំ 2GB DDR3 និងម៉េមូរីក្នុងម៉ាស៊ីនទំហំ 16GB នឹងអាចថែមម៉េមូរីប្រភេទ microSD បានទៀតផងដែរ។ កាន់តែពិសេសជាងនេះទៀតនោះ ស្មាតហ្វូន នេះប្រើប្រាស់នូវប្រព័ន្ធប្រតិបត្តិការ Android 7.0 Nougat រួមជាមួយនឹងថាមពលថ្មទំហំ 2500mAh។
ក្រឡេកទៅមើលការរចនារូបរាងរបស់ស្មាតហ្វូនស៊េរីថ្មី Flash X1(4G) វាពិតជាស្រស់ស្អាតទាក់ទាញបំផុតប្លែកខុសពីស្មាតហ្វូនជំនាន់មុនៗ។ នៅផ្នែកខាងមុខរបស់ស្មាតហ្វូនស៊េរីថ្មីនេះមានអេក្រង់រាបស្មើទំហំ 5.5 អ៊ីង ដ៏ស្រស់ស្អាត។ ផ្នែកខាងលើអេក្រង់គេសង្កេតឃើញមានភ្លើង Flash LED ឧបាល័របំពងសំឡេង សែនស័រ និងកាមេរ៉ាខាងមុខនៅផ្នែកខាងស្តាំ ខណៈដែលផ្នែកខាងក្រោមអេក្រង់មិនមានប៊ូតុងអ្វីនោះទេ។ នៅគែមផ្នែកខាងស្តាំរបស់ស្មាតហ្វូនស៊េរីថ្មីនេះភ្ជាប់ជាមួយនឹងប៊ូតុងចំនួន 3 គឺប៊ូតុងឡើងចុះសំឡេង និងប៊ូតុងបិទបើកទូរស័ព្ទ។