កាលពីពេលថ្មីៗនេះ ក្រុមហ៊ុនHMD Global នៅកម្ពុជា បានបញ្ចេញនូវស្មាតហ្វូនរបស់ខ្លួនចំនួន 2 ម៉ូដែល Nokia 8 និង Nokia 2 ដែលជាម៉ូដែលចុងក្រោយគេបង្អស់ជាមួយតម្លៃសមរម្យ និងមានសមត្ថភាពថ្មកាន់បានយូររហូតដល់ទៅ 2 ថ្ងៃ ដែលបានធ្វើអោយអ្នកប្រើប្រាស់ជាច្រើនមានការចាប់អារម្មណ៍ និងបានបញ្ចេញរូបភាពដែលខ្លួនថតបានជាមួយនឹងស្មាតហ្វូនស៊រីថ្មីៗនេះជាច្រើនបែប។ នៅពេលនេះ យើងនាំគ្នាទៅជួបអតិថិជនពីរនាក់ ដែលបានទិញ និងប្រើប្រាស់ទូរស័ព្ទ Nokia 8បន្តិចទៅមើលតើពួកគាត់មានចំណាប់អារម្មណ៍យ៉ាងណាដែរ?
កញ្ញា វឌ្ឍនា អាយុ 24 ឆ្នាំជាបុគ្គលិកនៃសាកលវិទ្យាល័យមួយនៅទីក្រុងភ្នំពេញ បានទិញទូរស័ព្ទ Nokia 8 កាលពីបុណ្យអុំទូក អកអំបុក សំពះព្រះខែកន្លងទៅនេះ បាននិយាយដោយរីករាយថា៖ “ដំបូងខ្ញុំមិនគិតថាប្តូរពីរទូរស័ព្ទផ្សេងមកប្រើ Nokia 8 ទេ តែដោយឃើញបងស្រីខ្ញុំគាត់ប្រើ មានរាងស្តើង ស្អាតព្រមទាំងដំណើរការលឿនយ៉ាងរលូន ជាពិសេសអាចថតបានកាមេរ៉ាមុខក្រោយក្នុងពេលតែមួយ ខ្ញុំក៏បានទិញតាមគាត់។ កញ្ញាក៏បានបញ្ជាក់បន្ថែមថាតាំងពីកញ្ញាបានទិញទូរស័ព្ទ Nokia 8 មក នាងបានផុសរូបថតក្នុងហ្វេសប៊ុកដែលនាងបានថតដោយកាមេរ៉ាទាំងពីរក្នុងពេលតែមួយដែលជាមុខងារពិសេសរបស់ Nokia 8 (Bothie) ហើយមានមិត្តភក្ត័ជាច្រើន បានចាប់អារម្មណ៍ដោយរូបភាពស្អាត និងថតបានរូបភាពទាំងយើងជាអ្នកថត និងទេសភាព នៅខាងមុខដោយមិនបាច់ពិបាកកាត់ត ឬកែរូបភាពអ្វីឡើយ។ ខ្ញុំជាប់ចិត្តជាងគេ គឺថតកាមេរ៉ាបានទាំងពីរក្នុងពេលតែមួយហ្នឹងឯង យើងអាចថតវីដេអូដែលអាចស្រូបសម្លេងបានមុំ 360 ដឺក្រេ ដែលទូរស័ព្ទដទៃទៀតមិនអាចធ្វើដូចទេ។
ចំណែក សុជាតិ អាយុ 31 ឆ្នាំ ដែលជាបុគ្គលិកអង្គការក្រៅរដ្ឋាភិបាលមួយរូប បានបង្ហាញបទពិសោធខុសប្លែកពីវឌ្ឍនាបន្តិចដោយគាត់បានឃើញព័ត៌មានអំពីទូរស័ព្ទ Nokia 8 តាមរយ:គេហទំព័រ (website) គាត់ក៏បានឆែកបន្ថែមលើព័ត៌មានលម្អិតពីទូរស័ព្ទ គឺបានធ្វើឲ្យគាត់កាន់តែចាប់អារម្មណ៍ព្រោះឃើញលក្ខណ:ពិសេសៗជាច្រើនរបស់ទូរស័ព្ទម៉ូដែលថ្មីនេះដូចជា៖
•ប្រើប្រាស់បច្ចេកវិទ្យាថ្មី ប្រព័ន្ឋប្រតិបត្តិការ Android ចុងក្រោយ
•មានកាមេរ៉ាពីរនៅខាងខ្នង និងអាចថតកាមេរ៉ាពីរទាំងមុខ និងក្រោយក្នុងពេលតែមួយ កាមេរ៉ាទំហំ១៣មេហ្គាភិចសែល ដែលធ្វើឲ្យរូបភាពច្បាស់ល្អ មិនចាញ់កាមេរ៉ាអាជីព
•អ្នកប្រើប្រាស់អាចថតវីដេអូ ទាំងមុខ និងក្រោយក្នុងពេលតែមួយ និងអាចផ្សាយបន្តផ្ទាល់លើ Facebook និង YouTube (live) ។
•អាចថតវីដេអូ ជាមួយសំឡេង 360 ដឺក្រេ ដោយមានមីក្រូហ្វូនចំនួន៣បង្កប់ក្នុងទូរស័ព្ទ ដែលធ្វើអោយសំឡេងច្បាស់ល្អ ដូចធម្មជាតិ។
សុជាតិ បាននិយាយដោយរីករាយថា ជាធម្មតា ខ្ញុំតែងតែស្វែងរកទូរស័ព្ទដែលបំពាក់បច្ចេកវិទ្យាថ្មី ចុងក្រោយបំផុត ហើយបើគិតពីតម្លៃគឺសមរម្យជាងទូរស័ព្ទផ្សេងទៀតដែលមានតម្លៃខ្ពស់ តែគុណសម្បត្តិប្រហាក់ប្រហែលគ្នា ជាពិសេស Nokia 8 មិនឡើងកម្តៅពេលដែលយើងប្រើអ៊ីនធឺណែតច្រើនម៉ោងមិនដូចទូរស័ព្ទដ៏ទៃទៀតឡើយ។” Nokia 8 ពណ៌ខៀវគ្រើម និងចំណាយប្រាក់ចំនួន 525 ដុល្លាសហរដ្ឋអាមេរិក។ សុជាតិយល់ថាទូរស័ព្ទNokia 8 នេះស័ក្តិសមបំផុតសម្រាប់ អ្នកដែលទាន់សម័យ និងចូលចិត្តសាកល្បងបច្ចេកវិទ្យាថ្មីៗ។ ទូរស័ព្ទ Nokia 8 ជា flagship smartphone ទីមួយរបស់ក្រុមហ៊ុន HMD ដែលមានអាយុកាលប្រមាណ 11 ខែនេះ ដោយក្រុមហ៊ុនខិតខំសម្រិតសម្រាំងទាំងបច្ចេកវិទ្យា និងរូបរាងដើម្បីពាំនាំនូវផលិតផលដែលល្អឥតខ្ចោះសម្រាប់អតិថិជនរបស់ខ្លួន។ Nokia 8 មានបីពណ៌សម្រាប់ជ្រើសរើស គឺពណ៌ទឹកប៊ិចភ្លឺ ពណ៌ទឹកប៊ិចក្រមៅ និងពណ៌ប្រាក់ (steel)។ រាល់ការទិញNokia 8 ក្នុងតម្លៃត្រឹមតែ ៥២៥ដុល្លារតែប៉ុណ្ណោះ នឹងមានការថែមជូន ទូរស័ព្ទអិនចុចពិល (Nokia 105) ស្រោមថ្លា ស្គ្រីនការពារកញ្ចក់ លេខទូរស័ព្ទ Smart និងគម្រោង Smart ធំហ្ម៎ង! សម្រាប់ 24 សប្តាហ៍។