ក្រុមហ៊ុន ខេអិម សេនធ័រ បានពង្រីកសាខាថ្មីមួយនៅក្នុងខេត្តសៀមរាប គឺហាងទំនើប សាមសុង សំរាប់បំរើដល់សេចក្តីត្រូវការនៅក្នុងទីផ្សារនៃប្រទេសកម្ពុជា ដែលសាខាថ្មីនេះ គឺមានទីតាំងស្ថិតនៅអគារលេខ 503 ផ្លូវស៊ីវត្ថា ភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប។ គោលបំណងនៃការបើកសាខាថ្មីនៅលើទឹកដីអង្គរខេត្តសៀមរាបនៅពេលនេះ គឺដោយសារការមើលឃើញពីភាពរីកចំរើននៅក្នុងតំបន់ ការមានតំរូវការកាន់តែច្រើនរបស់អតិថិជនទាំងអស់ ទៅលើផលិតផល សាមសុង ទើបក្រុមហ៊ុន ក្រុមហ៊ុន ខេអិម បានពង្រីកទីតាំងសាខានេះឡើង ដែលមានទីតាំងធំទូលាយ បំរើសេវាកម្មជូនដល់អតិថិជនទាំងអស់អោយកាន់តែ មានភាពងាយស្រួល ផាសុកភាព និងជំរើសផលិតផលរឹតតែសំបូរបែបថែមទៀតផង។
ហាងទំនើប សាមសុង សាខាខេត្តសៀមរាបថ្មីនេះ គឺមានការដាក់តាំងបង្ហាញ និងលក់នូវរាល់ផលិតផលរបស់សាមសុង ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកសំលៀកបំពាក់ ទូរសព្ទដៃ និង គ្រឿងអេឡិចត្រូនិចប្រើប្រាស់ក្នុងផ្ទះមានជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ នឹងម៉ូដែលថ្មីៗ ចុងក្រោយគេបង្អស់របស់ សាមសុង ដោយផ្ដល់នូវផលិតផលដែលមានការធានាត្រឹមត្រូវជូនអតិថិជននូវទំនិញដែលមានគុណភាព និងសេវាកម្មល្អបំផុត៕