កាលពីថ្ងៃទី 5 ខែសីហានេះ ក្រុមហ៊ុន Samsung បានប្រារព្ធពិធីចាប់រង្វាន់សប្តាហ៍ចុងក្រោយនៃកម្មវិធី “ព្យុះលាភ ព្យុះសំណាងនាំមហារង្វាន់” របស់ Samsung Galaxy S9 និង S9+ ហើយ ដែលបានរកឃើញអ្នកឈ្នះរង្វាន់ធំ ម៉ូតូ Honda ZoomerX រង្វាន់ Samsung Galaxy S9+ 64GB និងរង្វាន់ជាច្រើនសរុប 12 រង្វាន់។ សូមជំរាបថា នៅក្នុងរយៈពេល 6 សប្ដាហ៍នៃកម្មវិធីនេះ គឺមានអ្នកឈ្នះរង្វាន់ទាំងអស់សរុប 72 នាក់ឯណោះ ដែលមានរង្វាន់ជាច្រើន។ នៅក្នុងព្រឹត្តិការណ៍នេះ ក្រុមហ៊ុន Samsung ក៏បានថ្លែងអំណរគុណដល់អតិថិជន Samsung ទាំងអស់ ដែលបានចូលរួមចាប់ឆ្នោតផ្សងសំណាងទូទាំងប្រទេសផងដែរ។
ក្រុមហ៊ុន Samsung បានបញ្ជាក់អោយដឹងថា កម្មវិធី ព្យុះលាភ ព្យុះសំណាងរបស់ Samsung Galaxy S9 និង S9+ គឺទទួលបានការគាំទ្រកាន់តែច្រើនឡើងៗពីមួយសប្ដាហ៍ទៅមួយសប្ដាហ៍ និងធ្វើឲ្យកម្រិតនៃការលក់របស់ Samsung Galaxy S9 និង S9+ បានហក់ឡើងខ្ពស់ ដែលបានធ្វើឲ្យកក្រើកក្នុងពិភពស្មាតហ្វូននៅកម្ពុជា។
លោក សុខ រតនា ដែលជាប្រជាពករដ្ឋមកពីក្រុងភ្នំពេញ ដែលបានឈ្នះរង្វាន់ធំ បានថ្លែងទាំងរំភើបថា “ដំបូងចង់ស្ទាក់ស្ទើរ ព្រោះជាសប្តាហ៏ចុងក្រោយ ប៊ិះអត់ដាក់…តែគិតឡើងវិញ ក៏សាកដាក់ចូលរួម…ក៏បានឈ្នះតែម្ដង…សប្បាយមែនទែន ព្រោះបានរង្វាន់ធំ ហើយពីមុនមកមិនដែលបានឈ្នះចឹងទេ…វាជារង្វាន់ពិតៗមែន”។
លោក Warren Chew ដែលជាប្រធានផ្នែកលក់ទូរស័ព្ទដៃរបស់ក្រុមហ៊ុន Samsungបានមានប្រសាសន៏ថា កម្មវិធីរបស់យើង ពិតជាទទួលបានការគាំទ្រយ៉ាងច្រើនពីអតិថិជនទូទាំងប្រទេស។ តាមនាមឲ្យ Samsung លោក សូមចូលរួមអបអសាទរដល់អ្នកឈ្នះរង្វាន់ទាំងអស់ និងសូមថ្លែងអំណរគុណយ៉ាងជ្រាលជ្រៅដល់ អតិថិជន និងអាជីវករទាំងអស់ដែលតែងតែគាំទ្រដល់ផលិតផល Samsung តាំងពីដើមរហូតមក។
លោកក៏បានបន្តទៀតថា “កម្មវិធី ព្យុះលាភ ព្យុះសំណាងនេះ គឺពិតជាបានទទួលភាពជោគជ័យយ៉ាងខ្លាំង ព្រមទាំងបានផ្តល់នូវភាពសប្បាយរីករាយ និងសំណាងជាច្រើនដល់អតិថិជន ក៏ដូចជាអាជីវករផងដែរហើយ ដើម្បីឆ្លើយតបនឹងការគាំទ្រ ក្រុមហ៊ុននឹងនាំមកនូវការផ្ដល់ជូនថ្មីៗ ពិសេសៗជាច្រើនទៀតជូនដល់អតិថិជនរបស់យើង។
គួរបញ្ជាក់ផងដែរថា កម្មវិធី “ព្យុះលាភ ព្យុះសំណាងនាំមហារង្វាន់” របស់ Samsung Galaxy S9 និង S9+ គឺជាកម្មវិធីលើកទឹកចិត្តដល់អតិថិជនដែលគាំទ្រ Samsung Galaxy S9 និង S9+ ដែលមានការចាប់ឆ្នោតផ្សងសំណាងរៀងរាល់ថ្ងៃអាទិត្យក្នុងកម្មវិធី A1 Concert ផ្សាយផ្ទាល់ពីទូរទស្សន៏ MYTV នៅក្នុងរយៈពេល 6 សប្ដាហ៍។ ហើយបន្ថែមលើនេះទៀត អតិថិជនអាចទទួលបានកាដូភ្លាមៗ រាល់ការទិញ Samsung Galaxy S9 និង S9+ ដូចជា ការបញ្ចុះតម្លៃ $50, ធុងបាស JBL, ឆ្នាំងសាក Wireless, ស្រោមទូរស័ព្ទ LED, និងរង្វាន់ផ្សេងៗជាច្រើនទៀតផង៕
ខាងក្រោមជាឈ្មោះម្ចាស់សំណាងក្នុងសប្តាហ៏ចុងក្រោយពីកម្មវិធី “ព្យុះលាភ ព្យុះសំណាងនាំមហារង្វាន់” របស់ Samsung Galaxy S9 និង S9+ ៖
1-រង្វាន់ម៉ូតូ Honda Zoomer X ចំនួន 1 គ្រឿង បានទៅលើឈ្មោះ សុខ រតនា
2- រង្វាន់ ទូរស័ព្ទ Samsung Galaxy S9+ ចំនួន 1 គ្រឿង បានទៅលើឈ្មោះ ពៅ ចាន់ដានុត
3-រង្វាន់ Samsung Galaxy J6 ចំនួន 2 គ្រឿង បានទៅលើឈ្មោះ ពៅ វាសនា និងឈ្មោះ ឆាន សុផា
4-រង្វាន់ទូរទស្សន៏ Samsung TV 32” ចំនួន 3 គ្រឿង បានទៅលើឈ្មោះ SOK SRENG ឈ្មោះ ជុំ ប៉ូអេន និងឈ្មោះ YANG HAO
5- រង្វាន់ធុងបាស Harman Speaker ចំនួន 5 គ្រឿងបានទៅលើឈ្មោះ ឈុន អេវ៉ា ឈ្មោះ សាយ គួង ឈ្មោះ ប៉ែន សារឿត ឈ្មោះ ជា ដូរ៉ា និង ឈ្មោះ ចាន់ សុខាដាវីន
