no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Meizu ប្រកាសបើកសម្ពោធជាផ្លូវការមជ្ឈមណ្ឌលដាក់តាំងបង្ហាញទូរស័ព្ទដៃ និងបំរើសេវាកម្មអតិថិជននៅក្នុងប្រទេសកម្ពុជា

នៅថ្ងៃទី 16 ខែសីហា ឆ្នាំ 2018 នេះ Meizu ដែលជាក្រុមហ៊ុនស្មាតហ្វូនដ៏ធំមួយនៅលើពិភពលោក បានបើកប្រកាសបើកសម្ពោធជាផ្លូវការមជ្ឈមណ្ឌលសេវាកម្ម និងតាំងបង្ហាញទូរស័ព្ទដៃរបស់ខ្លួននៅក្នុងប្រទេសកម្ពុជា ដែលមានទីតាំងស្ថិតនៅតាមបណ្តោយវិថីមុន្នីរ៉េតផ្ទះលេខ E1-52, ខណ្ឌចំការមនរាជធានីភ្នំពេញ។ ព្រឹត្តិការណ៍នេះ គឺមានការអញ្ជើញចូលរួមពីសំណាក់ថ្នាក់ដឹកនាំជាន់ខ្ពស់របស់ក្រុមហ៊ុន Meizu និងភ្ញៀវកិត្តិយស រួមជាមួយនិងអ្នកសារព័ត៌មានជាច្រើនរូប។

លោក ឃុន ហេង ដែលជាប្រធានផ្នែកទីផ្សារបស់ក្រុមហ៊ុន Meizu ប្រចាំប្រទេសកម្ពុជា បានមានប្រសាសន៍ប្រាប់ទៅកាន់អ្នកសារព័ត៌មានថា  គោលបំណងសំខាន់នៃការបើកសម្ភោធមជ្ឈមណ្ឌលសេវាកម្មបំរើអតិថិជន និងកន្លែងដាក់តាំងបង្ហាញ ផលិតផលទូរស័ព្ទដៃ នៅថ្ញៃនេះគឺជាការបោះជំហ៊ានថ្មីមួយទៀតរបស់ Meizu នៅក្នុងការផ្តល់ជូនទំនុកចិត្តបន្ថែមទៀតទៅដល់ដៃគូរពាណិជ្ជកម្ម ក៏ដូចជាអតិថិជន ទាំងអស់ ដែលជាអ្នកគាំទ្រទូរស័ព្ទដៃ Meizu។

លោកបានបន្តថា មជ្ឈមណ្ឌលសេវាកម្មនេះ នឹងបើកទ្វា បំរើសេវាជូនអតិថិជនយ៉ាងកក់ក្តៅបំផុត ជាមួយនិងបុគ្គលិកដ៏ស្រស់ស្អាតជាច្រើនរូប ដែលមានភាពរួសរាយរាក់ទាក់ និងមានពេលវេលាធ្វើការ 7 ថ្ងៃក្នុងមួយសប្តាហ៏ចាប់ពីម៉ោង 8:00 ព្រឹករហូតដល់ម៉ោង 5:30ល្ងាច។ បន្ថែមពីនេះ មជ្ឈមណ្ឌលសេវាកម្ម និងតាំងបង្ហាញទូរស័ព្ទដៃនេះ ក៏ផ្តល់មាឱកាសដល់អតិថិជនទូរទៅនៅក្នុងការតេស្ត៍សាកល្បង និងទទួលបានបទពិសោធន៏ថ្មីពីទូរស័ព្ទស៊េរីថ្មីៗបំផុតរបស់ Meizu ផងដែរ។

ជាមួយគ្នានេះផងដែរ  លោក ឃុន ហេង ក៏បានធ្វើបទបង្ហាញផលិតផល ស៊េរីថ្មី  Meizu   M15 Plus ,ដែលជាទូរស័ព្ទដៃ មានសមត្ថភាពខ្ពស់ជាមួយ អេក្រង់ Super Amoled ទំហំ 5.95”  លាតពេញគែម  ត្រជាក់ភ្នែក  កាមេរ៉ាភ្លោះ 12 + 20 មេហ្គាភិចសេល និងកាមេរ៉ាខាងមុខ 20 មេហ្គាភិចសេល  Ram 6GB និងអង្គផ្ទុកទិន្ន័យ 64GB  , ថាមពលថ្ម3500 mAh, face ID,  Stereo Speaker ។ 

ជាមួយនឹងការគាំទ្រយ៉ាងខ្លាំងពីសំណាក់អ្នកប្រើប្រាស់ ក្រុមហ៊ុន Meizu ក៏បានប្រកាសត្រៀមនាំយកទូរស័ព្ទស៊េរីថ្មីៗ ពេញនិយម មានសម្ថភាពខ្ពស់ ជាមួយតម្លៃសមរម្យបំផុតបន្ថែមទៀត  សម្រាប់បំពេញតម្រូវការអតិថិជនក្នុងពេលឆាប់ៗនេះផងដែរ។ ក្រុមហ៊ុន សូមថ្លែងអរគុណដល់អតិថិជនរបស់ Meizu ទាំងអស់ផងដែរ ដែលបានតែងតែគាំទ្រដល់ផលិតផលរបស់ខ្លួនកន្លងមក។

no-alternative title
ព័ត៌មានពាណិជ្ជកម្ម