Hyundai Tucson 2019 ដែលជារថយន្ត SUV ស៊េរីថ្មីរបស់ក្រុមហ៊ុនកូរ៉េ បានបង្ហាញខ្លួនដំបូងបំផុតនៅក្នុងព្រឹត្តិការណ៍ដាក់តាំងបង្ហាញ New York auto show 2018 ជាមួយនឹងសមត្ថភាពកាន់តែអស្ចារ្យ និងការបន្ថែមនូវប្រព័ន្ធមុខងារជំនួយរបស់ Active Driver Assist ថែមទៀតផង។ សម្រាប់ការអាប់ឌែតថ្មីនៅលើរថយន្តដ៏ប្រណិត Compact Crossover នេះ គឺការកែប្រែទៅលើផ្នែកខាងមុខ និងអំពូលភ្លើងមុខរបស់វាតែម្តង។
ផ្នែកខាងក្រៅរបស់រថយន្ត Tucson 2019 ក៏មានការធ្វើបច្ចុប្បន្នភាពកាន់តែស្រស់ស្អាតផងដែរជាមួយនឹងការប្រើប្រាស់នូវអំពូលកាត់អ័ព្ទ និងការកែប្រែទៅលើអំពូលផ្នែកខាងក្រោយថែមទៀត។ រថយន្តនេះ ប្រើប្រាស់នូវកង់ 3 ទំហំគឺមានទំហំ 17 អ៊ីង និង 18 អ៊ីង ព្រមទាំងទំហំ 19 អ៊ីង Alloy Wheels ដែលអ្នកអាចជ្រើសរើសបាន។
រថយន្តស៊េរីថ្មីនេះ គឺមានការរចនារូបរាងថ្មីស្រឡាងតែម្តងសម្រាប់ផ្នែកខាងក្នុងរបស់រថយន្ត Hyundai Tucson 2019 ក៏មានការផ្លាស់ប្តូរច្រើនផងដែរ។ មានការផ្លាស់ប្តូរនូវអេក្រង់ Touchscreen ដែលធ្លាប់បានឃើញប្រើប្រាស់រួចមកហើយនៅលើរថយន្តជាច្រើនរបស់ក្រុមហ៊ុន Hyundai ដូចជា Elantra GT, Kona និង Santa Fe ។ វាក៏មានការប្រើប្រាស់នូវប្រព័ន្ធ electronic parking brake សម្រាប់ជាស្តង់ដារនៅគ្រប់ម៉ូដែលទាំងអស់ថែមទៀត។ រថយន្ត 2019 Tucson ក៏មានការផ្លាស់ប្តូរទៅលើកៅអីស្បែកអង្គុយនៅក្នុងរថយន្តផងដែរ។
សម្រាប់រថយន្ត SE និង Value នេះ នឹងប្រើប្រាស់នូវម៉ាស៊ីនទំហំ 2.0-liter I-4 ដែលមានកម្លាំងថាមពលដល់ទៅ 164 s សេះនិងកម្លាំងរមួលដល់ទៅ 151 lb-ft ផង ដែរ។ សម្រាប់ម៉ូដែល SEL, Sport និងម៉ូដែល Limited នោះ គឺមានប្រើប្រាស់នូវម៉ាស៊ីនប្រភេទ 2.4-liter I-4 ដែលមានកម្លាំងដល់ទៅ 181 សេះ និងកម្លាំងរមួល 175 lb-ft ជំនួសអោយកម្លាំង 175 សេះ, 195-lb-ft 1.6-liter turbo-four ។ ការប្រើប្រាស់នូវចង្កឹះលេខអូតូ 6 វគ្គនឹងធ្វើឱ្យរថយន្ត 2019 Tucson ល្អបំផុតក្នុងការប្រើប្រាស់។
រថយន្ត Tucsons 2019 ទាំងអស់នឹងភ្ជាប់មកជាមួយនូវ 7.0-inch touchscreen មុខងារ Apple CarPlay និង Android Auto រួមជាមួយនឹងប្រព័ន្ធមុខងារជាច្រើនទៀតដូចជា Collision Warning, Automatic Emergency Braking, Pedestrian Detection និង Lane Keeping Assist ផងដែរ។ រថយន្តនេះ ក៏មានការបន្ថែមនូវមុខងារការបើកភ្លើងហ្វាស្វ័យប្រវត្តិ Automatic High Beams, Adaptive Cruise Control ការមើលកាមេរ៉ានៅជុំវិញរថយន្ត Multi-Camera Around View Monitor system, ការជូនដំណឹងទៅកាន់អ្នកបើកបរអោយមានការប្រុងប្រយ័ត្ន Driver Attention Warning, ការបញ្ចូលថ្មតាមប្រព័ន្ធឥតខ្សែ Wireless Phone Charging និងការបញ្ចូលថាមពលតាម USB Port នៅកៅអីខាងក្រោយផងដែរ។
រថយន្ត Hyundai Tucson 2019 មានដាក់លក់នៅកម្ពុជាហើយ។ ដើម្បីជ្រាបព័ត៌មានកាន់តែច្បាស់ជាងនេះ លោកអ្នកអាចធ្វើការទស្សនាបាននៅ Hyundai Showroom៕
