កាលពីថ្ងៃទី 7 ខែកញ្ញា ឆ្នាំ 2018 នៅសណ្ឋាគារសូហ្វីតែល ភ្នំពេញ ក្រុមហ៊ុន GA Aircon (ជីអេ អ៊ែខន) បានប្រកាសសម្ពោធជាផ្លូវការនូវម៉ាស៊ីនត្រជាក់ម៉ូដែល Daikin VRV X និង Daikin R32 Innovaire សម្រាប់ទីផ្សារប្រទេសកម្ពុជា ក្រោមវត្តមានថ្នាក់ដឹកនាំជាន់ខ្ពស់ក្រុមហ៊ុន Daikin ប្រចាំនៅម៉ាឡេស៊ី-កម្ពុជា ហើយនឹងកក្រុមហ៊ុន GA Aircon (ជីអេ អ៊ែខន) រួមជាមួយនឹងក្រុមហ៊ុនដៃគូរតំណាងចែកចាយបន្ត ហើយនិងអ្នកសារព័ត៌មានជាច្រើនរូប។
ក្រុមហ៊ុន Daikin បានបញ្ជាក់ថា ម៉ាស៊ីនត្រជាក់ម៉ូដែល Daikin VRV X និង Daikin R32 Innovaire នេះ គឺជាការច្នៃប្រឌិតថ្មីដែលមានការរួមបញ្ចូលគ្នាថ្មី និងល្អជាងមុននៃបណ្តាបច្ចេកវិទ្យាប្រសិទ្ធភាពថាមពល ដើម្បីសម្រេចឲ្យបាននូវសមត្ថភាពសន្សំសំចៃថាមពល ដែលល្អប្រសើរជាមុន ដោយសង្កត់ធ្ងន់ទៅលើទ្រឹស្តី «បរិមាណប្រើស្មើនឹងបរិមាណត្រូវការ»។ នៅពេលនេះ ម្ចាស់គេហដ្ឋាន និងអ្នកធ្វើការការិយាល័យ នៅក្នុងប្រទេសកម្ពុជា ដែលទទួលរងនូវអាកាសធាតុក្តៅហើយសើម នឹងអាចបានគាប់ចិត្តជាមួយនឹងសីតុណ្ហភាពត្រជាក់ស្រួលបន្ថែមទៀត ជាមួយនឹងអារម្មណ៍ ចំពោះបរិស្ថានរបស់ពួកគាត់តិចជាងមុន។ វត្តនមាននៃការនាំមកនូវម៉ាស៊ីនត្រជាក់ម៉ូដែល Daikin VRV X និង Daikin R32 Innovaire មកកាន់ប្រទេសកម្ពុជានៅពេលនេះ នឹងអាចដោះស្រាយបានយ៉ាងមានប្រសិទ្ធិភាព។
ក្រុមហ៊ុន Daikin បានបន្ថែមថា ម៉ាស៊ីនត្រជាក់ VRV X ជំនាន់ថ្មីនេះ គឺដំណើរការដោយការសម្របសម្រួលទៅនឹងលក្ខខណ្ឌជុំវិញនានា ដើម្បីបង្កើតបរិស្ថានដ៏ត្រជាក់ និងពោរពេញដោយផាសុកភាពមួយ ប៉ុន្តែប្រើថាមពលអស់ត្រឹមកម្រិតអប្បបរមា។ សមត្ថភាពនេះ គឺធានា បានថា ការបង់ខាតថាមពលដោយប្រតិបត្តិការខ្វះ ឬលើសរបស់ម៉ាស៊ីនត្រជាក់ មានកម្រិតទាបបំផុត ក៏ប៉ុន្តែបង្កើតភាពត្រជាក់បន្ថែមទៀតជាមួយនឹងមេគុណសមិទ្ធផល (Coefficient of Performance) ប្រសើរជាងមុន។ កត្តានេះ បានបង្កើនប្រសិទ្ធភាពនៃម៉ាស៊ីនត្រជាក់ អោយបានកម្រិតខ្ពស់ជាងមុនផងដែរ តាមរយៈការឲ្យអ្នកប្រើប្រាស់បញ្ជាយ៉ាងជាក់លាក់ និងល្អបំផុតទៅលើកម្រិតសារធាតុត្រជាក់ សីតុណ្ហភាព និងសន្ទុះខ្យល់។ ម៉ាស៊ីនត្រជាក់ VRV X គឺសក្តិសមបំផុតសម្រាប់បន្ទប់ទំហំធំ មានការិយាល័យធ្វើការជាដើម។
ទន្ទឹមនឹងនេះ ម៉ាស៊ីនត្រជាក់ Daikin R-32 Innovaire គឺជាប្រភេទម៉ាស៊ីនត្រជាក់ក្នុងគេហដ្ឋាន ដែលប្រើប្រាស់សារធាតុ R-32 ជាសារធាតុត្រជាក់ ដែលគ្រប់គ្រងកម្តៅប្រកបដោយប្រសិទ្ធិភាព និងផលប៉ះពាល់ទាបដល់បរិស្ថាន។ ព្រោះតែសារធាតុនេះផ្ទេរសីតុណ្ហភាពយ៉ាងមានប្រសិទ្ធិភាព R-32 អាចកាត់បន្ថយការស៊ីភ្លើងបានរហូតដល់ទៅប្រមាណ 10% ហើយមានកម្រិតសក្តានុភាពបំផ្លាញស្រទាប់អូសូន ស្មើនឹងសូន្យ។ បន្ថែមទៅលើនេះទៀត បច្ចេកវិទ្យា Inverter របស់ Daikin ផ្តល់ផាសុកភាពប្រសើរជាងមុនសម្រាប់អ្នកប្រើប្រាស់ តាមរយៈការដំណើរការដោយសីតុណ្ហភាពថេរ។
យោងតាមការសិក្សារបស់អង្គការ ណាសា របស់អាមេរិក សីតុណ្ហភាពផ្ទៃភពផែនដីជាមធ្យមបានកើនឡើងឡើងប្រមាណ 1.62 អស្សាហ្វារិនហាយ (0.9 អង្សាសេ) ចាប់ពីចុងសតវត្សទី 19 មក ជាការប្រែប្រួលមួយដែលត្រូវបានជំរុញដោយកំណើនសារធាតុកាបូន ឌីអុកស៊ីត និងឧស្ម័នបង្កដោយមនុស្សដទៃទៀតទៅក្នុងបរិយាកាស។ កំំណើនទាំងនេះភាគច្រើនបានកើតឡើងក្នុងរយ់ពេល ៣៥ ឆ្នាំកន្លងទៅ ហើយឆ្នាំកំណើនសីតុណ្ហភាពខ្ពស់ជាងគេបំផុត គឺត្រូវបានគេកត់ត្រាចាប់ត្រឹមពីឆ្នាំ 2010 តែប៉ុណ្ណោះ។
សូមជំរាបថា ក្រុមហ៊ុន Daikin Group គឺជាក្រុមហ៊ុនផលិតម៉ាស៊ីនត្រជាក់ឈានមុខគេមួយដែលមានមូលដ្ឋាននៅប្រទេសជប៉ុន ដែលមានកេរ្តិ៍ឈ្មោះយ៉ាងល្អយូរណាស់មកហើយ នៅក្នុងការផលិតបរិក្ខាសន្សំសំចៃថាមពលដូចជាម៉ាស៊ីនត្រជាក់ និងទូរទឹកកក បានខិតខំយ៉ាងខ្លាំងក្នុងការដោះស្រាយបញ្ហាទាំងនេះ តាមរយៈការកាត់បន្ថយផលប៉ះពាល់ដល់បរិស្ថានពីផលិតផលរបស់ខ្លួន ដោយការប្រើប្រាស់បច្ចេកវិទ្យា Inverter ដែលប្រើប្រាស់ថាមពលប្រកបដោយប្រសិទ្ធិភាព ហើយកាលពីឆ្នាំមុននេះ ក្រុមហ៊ុននេះ បានប្រកាសផ្តល់សិទ្ធិដល់ក្រុមហ៊ុន ជីអេ អ៊ែខន (GA Aircon) ក្លាយជាក្រុមហ៊ុនចែកចាយផ្តាច់តែមួយគត់នៅកម្ពុជា៕