នៅថ្ងៃនេះ ថេប្លេត Samsung Galaxy Tab A បានបង្ហាញវត្តមានជាផ្លូវការនៅក្នុងប្រទេសកម្ពុជាហើយ ដោយនាំមកនូវបទពិសោធន៌ថ្មី ជាមួយអេក្រង់ធំស្រឡះភ្នែក និងកម្លាំងខ្លាំងដើររលូន ផ្ដល់ការកម្សាន្តសម្បូរបែបឥតទើសចិត្ត។ ថេប្លេតដ៏ទំនើបនេះ ត្រូវបានក្រុមហ៊ុនបង្កើតឡើងសម្រាប់ការកម្សាន្តជុំគ្រួសារ និងផ្ដល់ការអប់រំសម្រាប់កូនៗផង ជាមួយមុខងារ Parent Control ដែលអាចឲ្យឪពុកម្ដាយគ្រប់គ្រងនិងកំណត់លើការប្រើប្រាស់របស់កូនៗ ជាមួយកម្មវធីសម្រាប់កុមារ និងតុកត្តាស្អាតៗប្លែកៗដែលជួយអភិវឌ្ឍដល់ភាពឆ្លាតវៃរបស់កូនៗ តាមកម្រិតអាយុផ្សេងៗគ្នា។
បន្ថែមលើលក្ខណៈកាន់តែពិសេសនេះ Galaxy Tab A មាននាំមកនូវបច្ចេកវិទ្យាឆ្លាតវៃជាងម៉ូដែលៗមុនជាមួយនឹងបច្ចេកវិទ្យាចុងក្រោយគឺ Bixby ដែលអាចបកប្រែភ្លាមៗគ្រាន់តែដាក់កាមេរ៉ាលើរូបភាព ស្វែងរកទីតាំងដែលអ្នកបានឃើញ ស្វែងរករបស់ដែលអ្នកចូលចិត្ត និងចង់ទិញ និងអាចស្គែន QR កូដបានថែមទៀតផង។ ការកម្សាន្តលើអេក្រង់ដ៏ធំទូលាយនេះ នឹងលែងមានការរំខាន លែងខ្វល់ខ្វាយពីការសាកថ្មញឹកញាប់ហើយ ដោយសារតែថេប្លេតថ្មីនេះមានថ្មទំហំធំរហូតដល់ 7,300mAh ដែលមានសមត្ថភាពគ្រប់គ្រាន់សម្រាប់មើលវីដេអូបានរហូតដល់14 ម៉ោងកន្លះ និងបច្ចកវិទ្យា AFC អាចសាកថ្មបានលឿន ត្រឹម 210 នាទី ឬ 3 ម៉ោងកន្លះ។
ជាមួយនឹងការមកដល់របស់ដៃគូដ៏ឆ្លាតវៃមួយនេះ ធានាថា នឹងនាំអ្នកទៅរកពិភពរីករាយដ៏រស់រវើក និងរណ្ដំចិត្តជាមួយ Speaker កម្រិត Stereo ជំនាន់ថ្មី មានចំនួន 4 គ្រាប់ ហើយនឹងមានកាមេរ៉ាមុខទំហំ 5MP អាចសែលហ្វីបានច្បាស់ បូករួមជាមួយនិងកាមេរ៉ាក្រោយទំហំ 8MP Auto Focus អមមកជាមួយនឹង Flash មួយគ្រាប់ ដែលអាចឲ្យអ្នកចាប់យកកម្រងរូបភាពដ៏កម្រនានាបានច្បាស់ នៅកំឡុងពេលដែលកម្សាន្តជួបជុំគ្រួសារដ៏សប្បាយរីករាយនោះ។ Samsung Galaxy Tab A ដែលទើបបង្ហាញវត្តមានថ្ងៃនេះ នៅក្នុងតម្លៃត្រឹម $395 តែប៉ុណ្ណោះ។ Samsung Galaxy Tab A គឺជាដៃគូដ៏ស័ក្តិសមបំផុតសម្រាប់ការកម្សាន្តលក្ខណៈគ្រួសារ ដែលនាំមកនូវប្រយោជន៍ដល់កូនៗរបស់លោកអ្នក។ វត្តមានថេប្លេតនៅពេលនេះ មានជម្រើស 2 ពណ៌ គឺពណ៌ខ្មៅ និងពណ៌ប្រផេះ៕