កាលពីទី 22 ខែកញ្ញា ឆ្នាំ 2018 កន្លងទៅនេះ នៅ Garden City Resort ក្រុមហ៊ុន Hyundai បានរៀបចំនូវកម្មវិធីបើកបរសាកល្បងរថយន្តទំនើបៗរបស់ខ្លួន ហើយឆ្លៀតនៅឱកាសនោះ ក្រុមហ៊ុននេះ ក៏បានបង្ហាញចេញរថយន្ដ Hyundai H350 របស់ខ្លួនជាលើកដំបូងក្នុងទីផ្សារកម្ពុជា ដែលពិធីនេះ មានការអញ្ជើញចូលរួមពីសំណាក់ភ្ញៀវកិត្តិយស រួមមានសមាជិកនៃសមាគមន៍ភ្នាក់ងារទេសចរណ៍កម្ពុជា ព្រមទាំងអតិថិជន រួមនិងអ្នកសារព័ត៌មានចូលរួមជាច្រើនរូប។
លោក ប្រាយអ៊ែន ខូ (Brian Ko) ដែលជានាយកប្រតិបត្តិរបស់ក្រុមហ៊ុន Hyundai Camko Motor បានមានប្រសាសន៍ថា “ឆ្នាំនេះ គឺជាឆ្នាំដ៏មានអត្ថន័យបំផុតដោយសារតែវាជាឆ្នាំដែលក្រុមហ៊ុននាំចូលរថយន្ដប្រភេទលក្ខណៈគ្រួសារ ស្រឡាយ SUV (គ្រប់ម៉ូឌែល)ស៊េរីឆ្នាំ២០១៩ ហើយយើងកំពុងតែសម្ពោធដាក់លក់ជាបន្តបន្ទាប់ ក្នុងនោះរថយន្ដH-1ប្រភេទ១២កៅអី ស៊េរីឆ្នាំ២០១៩កំពុងពេញនិយម និងលក់ដាច់ខ្លាំងបន្ទាប់ពីបានធ្វើការចេញលក់ជាផ្លូវការ កាលពីខែឧសភានៅក្នុងទីផ្សារព្រះរាជាណាចក្រកម្ពុជា។
មួយវិញទៀតដោយសារតែមានតម្រូវការខ្លាំង និងមានការសំណូមពរជាច្រើនពីសំណាក់អតិថិជនលើប្រភេទរថយន្ដសម្រាប់ដឹកទំនិញ និងដឹកអ្នកដំណើរទេសចរណ៍ធន់ស្រាល ក្រុមហ៊ុនបានធ្វើការនាំចូលរថយន្ដប្រភេទទៀតគឺរថយន្ដ H350 មកកាន់ទីផ្សារកម្ពុជា។ H350 ត្រូវបានរចនាម៉ូតនិងផលិតនៅក្នុងប្រទេសអ៊ឺរ៉ុបសម្រាប់ដាក់លក់ទូទាំងទ្វីបអឺរ៉ុបហើយឥឡូវនេះត្រៀមខ្លួនរួចរាល់សម្រាប់លក់នៅក្នុងពេញទីផ្សារប្រទេសកម្ពុជាសម្រាប់អតិថិជនដែលមានតម្រូវការរថយន្ដប្រភេទដឹក 17 កៅអីធំជាងមុន”។
លោក ប្រាយ អ៊ែនខូ បានបន្ថែមទៀតថា “ក្រុមហ៊ុន Hyundai Camko តែងតែខិតខំដើម្បីស្វែងយល់ពីអតិថិជននិងតម្រូវការអាជីវកម្មរបស់ពួកគាត់។ យើងមានបំណងគ្រាន់តែជាអ្នកផ្គត់ផ្គង់រថយន្តសម្រាប់អាជីវកម្មរបស់លោកអ្នកទៅមុខជានិច្ច។ យើងលើកកម្ពស់អតិថិជននិងក្លាយជាដៃគូជីវិតរបស់អតិថិជន តាមរយៈការនាំចូលផលិតផលនិងសេវាកម្មប្រកបដោយគុណភាពល្អ។ យើងជាដៃគូពិតប្រាកដគ្រប់ទិដ្ឋភាពទាំងអស់នៃអាជីវកម្ម ដឹកទំនិញ និងដឹកអ្នកដំណើររបស់អតិថិជន ជាមួយនឹង H350” ។
តាមរយៈការបង្ហាញរបស់កញ្ញា លុន សុភា ប្រធានទូទៅផ្នែកលក់ បានឲ្យដឹងថា រថយន្ដ Hyundai H350 គឺជារថយន្ដប្រភេទដឹកធុនស្រាល (LCV) ដំបូងបង្អស់ របស់ក្រុមហ៊ុន ដែលអាចប្រើ បានជាមួយប្រភេទរថយន្តពីរប្រភេទគឺរថយន្តដឹកទំនិញ ដឹកទំនិញនិងរថយន្តដឹកអ្នកដំណើរ។ ម៉ាស៊ីនទាំងពីរនេះ មានម៉ាស៊ីនស៊ីឡាំងប្រើម៉ាស៊ីន 2.5 លីត្រដូចគ្នាដែលផ្តល់នូវសមត្ថភាពខ្ពស់និងកម្លាំខ្លាំង 170 ងសេះ សម្រាប់រថយន្ត H350 ដឹកអ្នកដំណើរ និង 150សេះ សម្រាប់ H350 ដឹកទំនិញ Cargo Van ។
ការរចនាផ្នែកខាងមុខរបស់ H350 គឺទំនើបទាន់សម័យនិងមានប្រសិទ្ធភាពខ្ពស់ ដោយសារតែប៉ាណាធំ ជាមួយភ្លើងបំភ្លឺពេលថ្ងៃ។ ផ្ទៃខាងក្នុងនៃ H350 គឺជាផ្នែកមួយដ៏ល្អបំផុត ដែលមានបន្ទប់ធំទូលាយសម្រាប់អ្នកបើកបរនិងអ្នកដំណើរខាងមុខក៏ដូចជាកន្លែងអ្នករួមដំណើរដែលមានបន្ទប់ទទួលភ្ញៀវអាចអនុញ្ញាតឱ្យមនុស្សចំនួន 17 នាក់អាចអង្គុយបានយ៉ាងងាយស្រួល និងប្រកបដោយផាសុកភាព។ មានកន្លែងស្តុកជារបស់របរជាច្រើននៅក្នុងរថយន្តដែលអ្នកបើកបរអាចប្រើប្រាស់បានសម្រាប់ភាពងាយស្រួលរបស់ពួកគេក្នុងកំឡុងពេលមានកាលវិភាគមមាញឹកដូចជា ធ្នើដាក់សម្ភារៈនៅនឹងដំបូល ថតដាក់កែវឬភេសជ្ជៈកំប៉ុង កៅអីអាចកណ្តាលបត់សម្រាប់ដាក់សម្ភារៈនានាបាន ព្រីភ្លើង ចំនួន៣ ។ ប្រព័ន្ធអូឌីយ៉ូជាមួយវិទ្យុ ម៉ាស៊ីនចាក់ស៊ីឌី និងឧបករណ៍ប៊្លូធូសទៀតផង។
H350 មានបំពាក់ប្រព័ន្ធសុវត្ថិភាពរួចទៅហើយក្នុងការបើកបរដោយ តួរថយន្ដទាំងមូលរឹងមាំ ដែលធ្វើពីដែកថែបរឹងមាំ និង និងអាចប្រឆាំងនឹងការច្រេះស៊ីរហូតដល់ 98%។ H350 មានពោងខ្យល់ចំនួន 02 សម្រាប់អ្នកបើកបរនិងអ្នកដំណើរខាងមុខផងដែរ។ សុវត្ថិភាពរបស់អតិថិជនរបស់យើងគឺតែងតែជាអាទិភាពរបស់ Hyundai ដូច្នេះយើងមិនដែលឈប់ផ្តល់នូវលក្ខណៈសុវត្ថិភាពពិសេសបន្ថែមទៀតសម្រាប់រថយន្តរបស់យើង។
រថយន្ដធុន H350 ត្រូវបានបំពាក់ដោយប្រព័ន្ធរក្សារថយន្ដឲ្យនៅលើគន្លងផ្លូវ Vehicle Dynamic Control System (VDC) ដែលជួយរក្សាស្ថេរភាពរថយន្តនៅពេលដែលកាច់ចង្កូតជ្រុលជាដើម។ ប្រព័ន្ធត្រូតពិនិត្យ និងប្រាប់ដំណឹងនៅពេលរថយន្ដឃ្លាតពីផ្លូវបើកបរ Lane Departure Warning System (LDWS) ក៏មានផងដែរដើម្បីរក្សាយានយន្តរបស់អ្នកឱ្យនៅដដែរ សម្រាប់សុវត្ថិភាពនិងការពារនៅពេលរថយន្ដមានល្បឿនលឿន។
H350 ក៏មានផ្តល់ប្រព័ន្ធជំនួយក្នុងការចតឡានខាងក្រោយដើម្បីផ្ដល់ភាពងាយស្រួលនិងចៀសវាងការប៉ះទង្គិចផ្សេងៗ។ យើងជឿជាក់ថារថយន្ដដឹកទំនិញធុន H350 របស់យើងនឹងក្លាយជាដៃគូដ៏ល្អឥតខ្ចោះសម្រាប់អាជីវកម្មរបស់អ្នក។ យើងសង្ឃឹមថានឹងទទួលបានការកក់របស់អ្នកឱ្យបានឆាប់តាមដែលអាចធ្វើទៅបានហើយកុំភ្លេចទាក់ទងក្រុការងាររបស់យើង ឬតាមទូរស័ព្ទលេខ 097 755 81 19 សម្រាប់ព័ត៌មានលម្អិត។