OPPO F9 ចេញពណ៌ស្វាយមួយទៀតហើយ ធានាថាប្រិយមិត្តដឹងតែទប់អារម្មណ៍មិនបានឡើយ

កាលពីពីរសប្ដាហ៍មុននេះ OPPO F9 បានធ្វើឲ្យមានភាពកក្រើកទីផ្សារក្នុងប្រទេសកម្ពុជា រួចម្ដងហើយ ដោយស្ទើរតែគ្រប់ហាងទាំងអស់ក្នុងប្រទេសទទួលបានការចាប់អារម្មណ៍ ភ្ញៀវសម្រុកចូលទិញពេញៗហាង រហូតដល់ហាងខ្លះដាច់ពីស្ដុកថែមទៀតផង។ ឥលូវនេះ  ប្រិយមិត្តទាំងអស់គ្នា នឹងទទួលបានភាពភ្ញាក់ផ្អើលម្ដងទៀត ដោយ F9 ពណ៌ស្វាយនឹងបង្ហាញខ្លួនក្នុងពេលដ៏ខ្លីខាងមុខនេះ។ ផ្នៃកខាងខ្នងសម្រាប់ម៉ូដែល F9 ( Starry Purple ) នេះ  គឺគ្រប់ដណ្ដប់ដោយពណ៌ស្វាយ បង្កប់ទៅដោយគ្រាប់ពណ៌មាសតូចៗជាច្រើន ដែលមើលនឹងភ្នែកមិនសូវនឹងចាប់អារម្មណ៍ឡើយ តែដល់ពេលជះនឹងពន្លឺផ្សេងៗ ពណ៌លើទូរសព្ទចាប់ផ្ដើមប្រដេញគ្នា ហើយប្រិយមិត្ត នឹងមានអារម្មណ៍ថា ដូចជាកាន់គ្រាប់កែវចរណៃពណ៌ស្វាយដែលមានរូបរាង ពណ៌ និងបច្ចេកវិទ្យារំលេចចូលគ្នាមួយយ៉ាងល្អឥតខ្ចោះ។

ជាមួយនឹងភាពសាមញ្ញដែលបង្កប់នូវភាពឥតខ្ចោះមួយនេះ បានធ្វើឲ្យម៉ូដែល OPPO F9 ទទួលបានប្រជាប្រិយភាពខ្លាំងមែនទែនលើទីផ្សារទូរស័ព្ទ នៅត្រឹមត្រីមាសទី 3 នៃឆ្នាំ 2018 នេះ។ ស្មាតហ្វូន OPPO F9 ចេញលក់នៅស្រុកខ្មែរក្នុងតម្លៃ 339 ដុល្លារអាមេរិក មាន 2 ពណ៌សម្រាប់ជ្រើសរើស គឺក្រហម (Sunrise Red) និងខៀវ (Twilight Blue)  តែដោយសារតែមានគាំទ្រខ្លាំងខាងផ្នែកច្នៃប្រឌិតនៃការរចនាពណ៌ ពេលនេះ OPPO នឹងបង្ហាញភាពអស្ចារ្យមួយទៀតគឺ OPPO  F9  ពណ៌ស្វាយ ( Starry Purple )។

ក្រៅពីដើរតួជាអ្នកជំនាញខាងថតរូប ការលេចវត្តមានរបស់ F9 ក្រុមហ៊ុន OPPO បានផ្ដោតលើ 3 ចំណុចធំទៀត។  ចំណុចទី ១ គឺអេក្រង់រាងតំណក់ទឹក ( Water Drop Screen ) ទំហំ 6.3 អ៊ីង កម្រិត Full HD+ កប់ស៊េរីសម្រាប់ការមើលវីដេអូ និងលេងហ្គេម។ ចំណុចទី 2 គឺថាមពលថ្ម  3500mAh ខ្លាំង មានបច្ចេកវិទ្យាសាកថ្មលឿន VOOC ដែល OPPO ប្រកាសថា សាកថ្ម ៥នាទី និយាយបាន ២ម៉ោង ហើយចុងក្រោយគេ គឺផ្ដោតលើកម្លាំងម៉ាស៊ីនបំពាក់ដោយបន្ទះឈីប MTK P60 (Octa-Core) រួមនឹង GPU ប្រភេទ Mali G72 ហើយនឹងមាន RAM ទំហំ 6GB និង ROM ទំហំ 64GB។ អាចលេងហ្គេមល្បីៗ និងមើលវីដេអូដោយមិនចាំបាច់បារម្ភនឹងបញ្ហារអាក់រអួលឡើយ ។

ការមកដល់ស្រុកខ្មែរលើកទីមួយ OPPO F9 បានដាក់លក់ជម្រើសពណ៌ក្រហម និងពណ៌ខៀវដោយភ្ជាប់ជាមួយនឹងកម្មវិធីពិសេសៗជាច្រើន រួមទាំងតារាល្បីៗជាច្រើននាក់ នាំយកOPPO F9 ទៅចែកជូនដោយផ្ទាល់ផងដែរ សម្រាប់អ្នកដែលបានកម្ម៉ង់ទុកជាមុនទូទាំងប្រទេសកម្ពុជា។  អីចឹង! វត្តមាន OPPO F9 ពណ៌ស្វាយក៏ប្រហែលជាមិនចាញ់ពណ៌ក្រហម និងខៀវឡើយ។ កុំភ្លេចរង់ចាំតាមដានទាំងអស់គ្នាណា៎!