Samsung Galaxy J4+ ស្មាតហ្វូនថ្នាក់កណ្តាលពិតមែន ប៉ុន្តែថាមពលថ្មខ្លាំង កាមេរ៉ាថតច្បាស់ រីឯតម្លៃរឹតតែអេម!

Samsung Galaxy J4 + គឺជាស្មាតហ្វូនថ្នាក់កណ្តាលស៊េរីថ្មីរបស់ក្រុមហ៊ុន Samsung ដែលផ្តល់នូវមុខងារសំខាន់ៗជាច្រើន ហើយវាទើបតែប្រកាសបង្ហាញខ្លួននៅក្នុងខែកញ្ញា ឆ្នាំ 2018 នេះ។ កាមេរ៉ាខាងក្រោយរបស់ស្មាតហ្វូននេះអាចធ្វើការថតរូបភាពវិដេអូបានស្រស់ស្អាត ខណៈពេលដែលកាមេរ៉ាខាងមុខរបស់វា គឺអាចថតជាមួយនឹងគុណភាពរូបភាពស្រស់ស្អាតមិនធម្មតានោះទេ។ ថាមពលថ្ម និងម៉េមូរី គឺជាលក្ខណៈពិសេសរបស់ស្មាតហ្វូននេះ ផងដែរ។ សម្រាប់ការតភ្ជាប់របស់ស្មាតហ្វូននេះគឺជាលក្ខណៈមធ្យមដែលមិនទាន់អាចធ្វើការទ្រទ្រង់ទៅលើហ្គេមកម្រិត High-End នោះទេ ប៉ុន្តែវានៅតែផ្តល់នូវការដំណើរការយ៉ាងអស្ចារ្យដែរសម្រាប់អ្នកប្រើប្រាស់។ ស្មាតហ្វូននេះមានតម្លៃសមរម្យដែលអ្នកប្រើប្រាស់អាចទិញបាន។

តួខ្លួន និងមុខងារសំខាន់ : ស្មាតហ្វូននេះមានវិមាត្រ 161.3 x 76.7 x 7.9 mm ជាមួយនឹងទម្ងន់ 178 g ។ ស្មាតហ្វូននេះមាន 3 ពណ៌សម្រាប់ធ្វើការជ្រើសរើសគឺពណ៌ខ្មៅ ពណ៌មាស និងពណ៌ផ្កាឈូក និងការប្រើប្រាស់នូវស៊ីម Nano SIM ផងដែរ។ ស្មាតហ្វូននេះប្រើប្រាស់នូវសេនស័រជាច្រើនដូចជា accelerometer, proximity sensor, Light ជាដើម។ វាប្រើប្រាស់នូវស៊ីមពីរផ្សេងគ្នា។ 

ប្រព័ន្ធប្រតិបត្តិការណ៍: ស្មាតហ្វូន Samsung Galaxy J4 + ដំណើរការនូវប្រព័ន្ធប្រតិបត្តិការ  Android OS v8.1 (Oreo) ប៉ុន្តែសម្រាប់ Firmware របស់ស្មាតហ្វូន Galaxy J4 + នេះនឹងធ្វើការ Upgrade ទៅកាន់ Version ថ្មីរបស់ OS ឆាប់ៗនេះផងដែរ។ ស្មាតហ្វូននេះប្រើប្រាស់នូវបន្ទះឈីប Qualcomm Snapdragon 425 MSM8917 ជាមួយនឹងអង្គគណនា Quad-core 1.4 GHz Cortex-A53 និងក្រាហ្វិកកាត Adreno 308 ។ ស្មាតហ្វូននេះមានរ៉េមទំហំ 2GB ម៉េមូរីក្នុងម៉ាស៊ីនទំហំ 16GB និងការបន្ថែមនូវ microSD Card បានថែមទៀតផង។ ថាមពលរបស់ស្មាតហ្វូននេះជាប្រភេទ Li-Ion ទំហំ 3300 mAh (មិនអាចដោះចេញបាន) ។ ស្មាតហ្វូននេះអាចប្រើប្រាស់បានពេញមួយថ្ងៃដោយគ្មានបញ្ហានោះទេ។ 

អេក្រង់ និងកាមេរ៉ា: អេក្រង់របស់ស្មាតហ្វូននេះគឺមានទំហំ  6-inch HD+ Infinity display ជាមួយនឹងបច្ចេកវិទ្យា TFT capacitive touch screen  ដែលមានកម្រិតភាពច្បាស់ 1480x720pixels។ អេក្រង់របស់ស្មាតហ្វូននេះមានកម្រិតពន្លឺខ្ពស់ដែលវាអាចធ្វើការប្រើប្រាស់បាននៅក្រោមពន្លឺរបស់ព្រះអាទិត្យបាន។ អេក្រង់នេះ មិនបង្ករអោយភ្នែករបស់អ្នកមានការឈឺចាប់នោះទេនៅពេលដែលអ្នកប្រើប្រាស់នូវកម្រិតពន្លឺទាបបំផុតនោះ។ កាមេរ៉ារបស់ស្មាតហ្វូន Samsung Galaxy J4 + ភ្ជាប់ជាមួយនឹងមុខងារ Autofocus។ Autofocus គឺជាមុខងាររបស់កាមេរ៉ាដែលពិសេសសម្រាប់ស្មាតហ្វូននេះ។ កាមេរ៉ាខាងមុខរបស់វាមានទំហំ 5MP ខណៈពេលដែលកាមេរ៉ាខាងក្រោយរបស់វាមានទំហំ 13MP Autofocus (4160x3120px) ជាមួយនឹង f/1.9 aperture និងភ្លើង LED ផងដែរ។ កាមេរ៉ានេះអាចធ្វើការថតជាមួយនឹងពន្លឺភ្លឺច្បាស់នៅកន្លែងងងឹត ហើយវាកាត់បន្ថយនូវ Noise ផងដែរ។ 

ការតភ្ជាប់: ស្មាតហ្វូន Galaxy J4+ អាចប្រើប្រាស់ប្រព័ន្ធ 3G និង 4G។ ស្មាតហ្វូននេះក៏ប្រើប្រាស់ជាមួយនឹងប្រព័ន្ធ GPS ដែលផ្អែកទៅលើប្រព័ន្ធ navigation system ។ ស្មាតហ្វូន Galaxy J4 +  ភ្ជាប់ជាមួយនឹងមុខងារ  Near Field Communications (NFC)  សម្រាប់ធ្វើការបញ្ជូននូវមាតិកា Content ជាមួយនឹងស្មាតហ្វូនដែលទ្រទ្រង់នូវ NFC ផ្សេងទៀតបានផងដែរ។ ស្មាតហ្វូននេះក៏មាន FM Radio ផងដែរ។ សម្រាប់ការតភ្ជាប់របស់វាមាន Wi-Fi 802.11 b/g/n, Bluetooth v4.1, A2DP, microUSB 2.0 និងរន្ធស្តាប់កាស 3.5មម។ តម្លៃត្រឹមតែ $159 តែប៉ុណ្ណោះ