កាលពីថ្ងៃទី 12 តុលា 2018 ក្រុមហ៊ុន Samsung បានធ្វើការដាក់បង្ហាញរូបរាងជាផ្លូវការនូវកំពូលស្មាតហ្វូនដ៏ទាក់ទាញត្រកូល A ស៊េរីរបស់ខ្លួនគឺ Samsung Galaxy A7 និង Galaxy A9 នៅទីក្រុងកូឡាឡាំពួប្រទេសម៉ាឡេស៊ី កាលពីថ្ងៃទី 11 ខែតុលា ឆ្នាំ 2018 កន្លងទៅនេះ ដែលមានការចូលរួមពីសំណាក់អ្នកសារព័ត៌មានកម្ពុជាផងដែរ។ នៅក្នុងព្រឹត្តិការណ៏ដ៏អស្ចារ្យនេះ ក៏បានផ្តល់សិទ្ធិឲ្យដៃគូផ្សព្វផ្សាយបានឃើញ និងធ្វើតេស្ត៍ ដោយផ្ទាល់ដំបូងគេជាមួយនឹងផលិតផលពិត។
លោក Seungho Choi នាយកគ្រប់គ្រងក្រុមហ៊ុនថៃសាមសុងអេឡិចត្រូនិចប្រចាំប្រទេសកម្ពុជាបានមានប្រសាសន៏ថា «ស្មាតហ្វូនថ្នាក់កណ្តាលត្រកូល Galaxy A របស់ក្រុមហ៊ុន សាមសុង ទទួលបានជោគជ័យយ៉ាងខ្លាំង ហើយសម្រាប់ឆ្នាំ 2018 នេះ Galaxy A នឹងនៅតែបន្តបង្ហាញខ្លួនទៀតជាមួយរូបរាងថ្មីប្លែក និងកាន់តែពិសេសដែលអាចឆក់យកចិត្តអ្នក ប្រើប្រាស់ ដោយសារតែកំណែប្រែថ្មីដ៏អស្ចារ្យនោះគឺសមត្ថភាពកាមេរ៉ាតែម្តងដែលឆ្នាំនេះ ក្រុមហ៊ុនសាមសុងដំឡើងលែនកាមេរ៉ាដល់ទៅ៣គ្រាប់សម្រាប់ Galaxy A7 និង Galaxy A9 មានកាមេរ៉ាដល់ទៅ 4 គ្រាប់ឯនោះ»។
លោកបានបន្ថែមថា សម្រាប់ Galaxy A7 នឹងប្រកាសឲ្យទទួល ការកុម្ម៉ង់ទុកមុន (Pre-Order) ចាប់ពីថ្ងៃទី 13 ដល់ 25 តុលា ឆ្នាំ 2018 ដែលមានជម្រើស 3 ពណ៌ សម្រាប់ជ្រើសរើស គឺពណ៌ខ្មៅ, ពណ៌ខៀវ និងពណ៌មាសក្នុងតម្លៃត្រឹមតែ $345 តែប៉ុណ្ណោះជាមួយនឹងការផ្តល់ជូននូវកាដូបន្ថែមដូចជា Samsung Power bank 1 ដ៏ស្រស់ស្អាតដែលអាចផ្ទុកថាមពលបានរហូតដល់ 10,000mAh និងបាសបំពងសម្លេង (Speaker) JBL GO2 មួយដ៏កាលីប1ហើយអ្នកអាចទទួលបានទូរស័ព្ទនៅថ្ងៃទី 28 ដល់ទីថ្ងៃទី 30 ខែ តុលា។ សម្រាប់ Galaxy A9 វិញ និងបង្ហាញវត្តមាននៅលើទីផ្សារកម្ពុជាក្នុងខែវិច្ជិកាខាងមុខនេះ។
ខាងក្រោមនេះ គឺជាលក្ខណៈសម្បត្តិខ្លះៗនៃស្មាតហ្វូនដ៏ទាក់ទាញ Galaxy A7 និង Galaxy A9ដែលអ្នកគួរតែដឹង៖
Samsung Galaxy A7
- បំពាក់នូវ RAM ទំហំ 4GB មេម៉ូរីទំហំ 64GB និងអាចបន្ថែមម៉េម៉ូរីកាត micro SD រហូតដល់ 256GB
- បំពាក់កាមេរ៉ាក្រោយ៣គ្រាប់៖ទំហំ 24MP f/1.7+5MP f/2.2+8MP f/2.4 និងកាមេរ៉ាខាងមុខទំហំ 24MP FF f/2.0
- ទូរស័ព្ទដៃ ស៊ីម2
- អាចប្រើប្រាស់ គណនីបាន 2 (Dual Accounts) លើកម្មវិធី Facebook, Line, Viber, Telegram WeChat និង WhatsApp ជាដើម។
- ល្បឿនដំណើរការដោយ Octa- Core 2.2 GHz ដែលធ្វើឲ្យទូរស័ព្ទដំណើរការបានលឿន ទោះបើកកម្មវិធីច្រើនក៏ដោយ។
- កម្លាំងថ្ម 3,300mAh
- ស្កេនផ្ទៃមុខ (Face Recognition) និងស្កេនក្រយ៉ៅម្រាមដៃ (Fingerprint)នៅពីចំហៀង
- បទពិសោធន៍សំលេង Dolby Atmos នៅពេលប្រើប្រាស់ជាមួយកាសត្រជៀក
Samsung Galaxy A9
- បំពាក់នូវ RAMទំហំ 6GB មេម៉ូរីទំហំ 128GB និងអាចបន្ថែមម៉េម៉ូរីកាត micro SD រហូតដល់ 512GB
- បំពាក់កាមេរ៉ាក្រោយ4គ្រាប់៖ ទំហំ 24MP f/1.7+5MP f/2.2+10MP Tele/F2.4+8MP Ultra-wide f/2.4 និងកាមេរ៉ាខាងមុខទំហំ 24MP FF f/2.0
- ទូរស័ព្ទដៃ ស៊ីម 2
- អាចប្រើប្រាស់ គណនីបាន 2 (Dual Accounts) លើកម្មវិធី Facebook, Line, Viber, Telegram WeChat និង WhatsApp ជាដើម។
- ល្បឿនដំណើរការដោយ Octa- Core 2.2 GHz Quad+ 1.8 GHz Quad ដែលធ្វើឲ្យទូរស័ព្ទដំណើរការបានលឿន ទោះបើកកម្មវិធីច្រើនក៏ដោយ។
- កម្លាំងថ្ម 3,720mAh
- ស្កេនផ្ទៃមុខ (Face Recognition) និងស្កេនក្រយ៉ៅម្រាមដៃ (Fingerprint)
- បទពិសោធន៍សំលេង Dolby Atmos នៅពេលប្រើប្រាស់ជាមួយកាសត្រជៀក
សូមប្រញាប់ឡើង មកក្លាយជាម្ចាស់នៃស្មាតហ្វូនដ៏ទាក់ទាញនេះភ្លាមទៅ......កុំឲ្យឱកាសនេះកន្លងផុតទៅ! សម្រាប់ព័ត៌មានបន្ថែមសូមអញ្ចើញមកកាន់សាខានិងដេប៉ូចែកចាយរបស់ក្រុមហ៊ុនសាមសុងណាមួយដែលនៅជិតលោកអ្នកបំផុតឬអាចទំនាក់ទំនងមកកាន់លេខ 1800 20 3232 ។
