កាលពីថ្ងៃទី12 ខែធ្នូ ឆ្នាំ 2018 ក្រុមហ៊ុនចែកចាយទូរស័ព្ទ Meizu ដែលជាបុត្រសម័្ពន្ធ របស់ក្រុមហ៊ុន Camfone មានកិត្តិយស ដ៏ខ្ពង់ខ្ពស់ បានទទួលការអនុញ្ញាត សំរាប់ជំនួបជាមួយ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ជុំវិញវិស័យអេឡិចត្រូនិចនៅកម្ពុជា។
ឯកឧត្តមរដ្ឋមន្ត្រីបានសំដែង សេចក្តីសោមនស្សរីករាយ ចំពោះសុទិដ្ឋិនិយម របស់ក្រុមហ៊ុន ខេមហ្វូន ក្នុងកិច្ចខិតខំប្រឹងប្រែងផលិត និង ចែកចាយទូរស័ព្ទ ឆ្លើយតបនឹងតំរូវការ និងបត់បែនតាមវប្បធម៌ និងស្ថានភាពជាក់ស្តែង ក្នុងប្រព័ន្ធទំនាក់ទំនង ជាមួយនឹងលក្ខណ:ពិសេសរបស់ទូរស័ព្ទ ដូចជា វិទ្យុ, ទូរទស្សន៍, ជញ្ជីងថ្លឹងអេឡិចត្រូនិក, ឧបករណ៍វាស់កម្តៅខ្លួន កម្តៅទឹក និង សម្ពាធឈាម ជាដើម ជូនដល់ប្រជាជនខ្មែរ ទូទាំងប្រទេស។ ឯកឧត្តមរដ្ឋមន្ត្រី បានលើកឡើងអនុសាសន៍ដ៏ខ្ពង់ខ្ពស់ “បើកភ្នែកអោយធំ ទៅមុខអោយលឿន” របស់សម្តេចអគ្គមហាសេនាបតីតេជោ ហ៊ុន សែន សំរាប់របត់ និង ការវិវត្តដ៏ឥតឈប់ឈរ របស់បច្ចេកវិទ្យាសកលលោក។
ថ្មីៗនេះ ក្រុមហ៊ុនបានទទួលសិទ្ធិចែកចាយ ទូរស័ព្ទ លំដាប់គុណភាព និងគុណតំលៃ Meizu ល្បីសុសសាយពាសពេញសកលលោក ដូចជា បារាំង រុស្សី អ៊ុយក្រែន អេស៊ីប ឥណ្ឌា ចិន ថៃ មីយ៉ាន់ម៉ា វៀតណាម ឥណ្ឌូនេស៊ី ។ល។ គូសបញ្ជាក់ផងដែរថា Meizu 16th RAM 6GB | 8GB ROM 64GB | 128GB ជាម៉ូដែល លំដាប់កំពូលរបស់ Meizu បានមកដល់កម្ពុជា ហើយទទួលបានការសរសើរគាំទ្រលើគុណភាព ជាមួយ និងល្បើនលឿន កាមេរ៉ា មុខក្រោយ ច្បាស់ត្រជាក់ភ្នែក និងរាងស្តើង ស៊ីមពីរ 4G LTE ព្រមទាំងថតវីដេអូ កំរិត 4K មិនទាក់។ រីឯតំលៃ គួរជាទីពេញចិត្ត និងទទួលយកបាន។
ទន្ទឹមនឹងនេះ Meizu C9 ទូរស័ព្ទលំដាប់ថវិកា តំលៃ 88 ដុល្លារ ស៊ីម2 4G LTE ក៏បានមកដល់ ហើយលក់ដាច់បំផុត ឆ្លើយតប និង តំរូវការ របស់ អតិថិជនទូទាំងបណ្តាខេត្តនានា។ លោកអ្នកអាចសន្សំសំចៃប្រាក់កាក់ ដោយមិនចាំបាច់ចំណាយថវិកាច្រើនសន្ធឹកសន្ធាប់ លើការទិញទូរស័ព្ទ វៃឆ្លាត សំរាប់ប្រតិបត្តិការ កម្មវិធីធនាគារចល័ត (Mobile banking) និងតាក់ស៊ី ដូចជា WeGo Taxi App ជាដើម។ ក្រុមហ៊ុនខេមហ្វូន ក៏សូមអំពាវនាវដល់អតិថិជន មេត្តាគាំទ្រ និងជួយផ្សព្វផ្សាយផលិតផលរបស់ កូនខ្មែរ ប្រយោជន៏ដើម្បី “ចំណេញដល់សង្គមជាតិ និង ខ្លួនឯង” ។