កាលពីថ្ងៃទី 14 ខែធ្នូរនេះ ក្រុមហ៊ុន International Data Group (IDG ASEAN) បានរៀបចំនូវព្រឹត្តិការណ៍ប្រគល់នូវពានរង្វាន់ទូរគមនាគមន៍ Telecom & ពានរង្វាន់ FinTech Awards 2018 “Cambodian នៅក្នុងប្រទេសកម្ពុជានេះ ដែលនេះ គឺជាកម្មវិធីពានរង្វាន់កម្ពុជាឆ្នើមបំផុតសម្រាប់ឆ្នាំ 2018 នេះ។ ពិធីប្រគល់ពានរង្វាន់នេះ ប្រព្រឹត្តទៅនៅសណ្ឋាគារ The Great Duke រាជធានីភ្នំពេញ ដោយមានការអញ្ជើញចូលរួមពីថ្នាក់ដឹកនាំក្រសួងប្រៃសណីយ៍ និងទូរគមនាគមន៍និងធនាគារជាតិនៃកម្ពុជា សមាគមន៍នៃសហព័ន្ធ FinTech និងសហព័ន្ធទូរគមនាគមន៍ ICT និងអ្នកសារព័ត៌មាន ប្រព័ន្ធផ្សព្វផ្សាយជាច្រើនទៀតផងដែរ
យោងតាមការបញ្ជាក់ពីក្រុមហ៊ុន IDG បានមោយដឹងថា ការបង្កើតអោយមានពានរង្វាន់នេះ គឺមានគោលបំណងដើម្បីស្វែងរក និងផ្តល់កិត្តិយសដល់ប្រតិបត្តិករទូរស័ព្ទចល័ត ដែលមានសមត្ថភាពលេចធ្លោ និងការរួមចំណែកក្នុងការអភិវឌ្ឍវិស័យទូរ គមនាគមន៍ និងហិរញ្ញវត្ថុ (Telecom & FinTech) ជាពិសេស គឺក្នុងវិស័យសេដ្ឋកិច្ចកម្ពុជាទាំងមូលពេញមួយឆ្នាំ។ ពិធីប្រគល់ពានរង្វាន់នេះ គឺជារង្វាន់ដ៏មានតម្លៃសម្រាប់ប្រតិបត្តិករទូរស័ព្ទចល័តអ្នកផ្តល់សេវាកម្មអ៊ិនធើណេត និងក្រុមហ៊ុន FinTech ជាច្រើននៅក្នុងកម្ពុជាដើម្បីពិនិត្យមើលសមិទ្ធផលរបស់ពួកគេនៅក្នុងឆ្នាំ 2018 នេះ។
លោក Le Thanh Tam នាយកគ្រប់គ្រងក្រុមហ៊ុន IDG Asean បានមានប្រសាសន៏ថា ជាមួួនឹងការជ្រើសរើសបាននូវជ័យលាភីពេលនេះ គឺក្រុមហ៊ុន IDG បានធ្វើការស្ទង់មតិមួយស្តីពីភាពពេញចិត្តរបស់អតិថិជនទៅលើសេវា 4G សេវាកម្មអ៊ីនធឺណេត និងទូរគមនាគមន៍នៃសេវាកម្ម Fintech នៅក្នុងប្រទេសកម្ពុជា ចាប់ពីថ្ងៃទី 1 ខែកក្កដាឆ្នាំ 2018 ដល់ថ្ងៃទី 30 ខែវិច្ឆិកាឆ្នាំ 2018។ នៅក្នុងអំឡុងពេលនេះ ក្រុមហ៊ុន IDG ASEAN បញ្ជូនការស្ទង់មតិចំនួន 40.000 ហើយរក្សាការស្ទង់មតិដែលត្រឹមត្រូវចំនួន 8.000 នាក់។
មនុស្សចំនួន 60% នៃការស្ទង់មតិត្រូវបានធ្វើឡើងតាមអ៊ីនធើណេត និង 40% ដោយការសម្ភាសន៍ផ្ទាល់មាត់នៅក្នុងទីក្រុងធំៗ ចំនួន 5 ក្នុងប្រទេសកម្ពុជា (រាជធានីភ្នំពេញ ខេត្តបាត់ដំបង ព្រៃវែង សៀមរាប ក្រុងព្រះសីហនុ)។ កម្រងសំណួររួមមានប្រធានបទសំខាន់ៗចំនួន 7 រួមជាមួយនឹងសំណួរផ្សេងទៀតសរុបទាំងអស់ចំនួន 18។ បន្ទាប់ពីការពិនិត្យ ការវិភាគដាក់ពិន្ទុដល់ទៅ 3 ជុំរួចមក ក្រុមហ៊ុន IDG ASEAN មានសេចក្តីរីករាយសូមប្រកាស និងអបអរសាទរអ្នកឈ្នះរង្វាន់ Telecom & FinTech Awards គឺ3
1. ក្រុមហ៊ុន CamGSM (Cellcard) ជាប់ឈ្មោះជាប្រតិបត្តិករទូរគមនាគមន៍ដែលជឿជាក់បំផុតនៅក្នុងឆ្នាំ 2018 នេះ។ យោងតាមការស្រាវជ្រាវឱ្យដឹងថា អតិថិជនច្រើនជាង 68 ភាគរយ បានវាយតម្លៃទៅលើក្រុមហ៊ុន Cellcard ដែលមានភាពជឿជាក់ខ្ពស់ជាងមុនរួមមាន៖ គុណភាពខ្ពស់នៃការទទួលបាន គុណភាពខ្ពស់នៃការបញ្ជូន និងសេវាកម្មអតិថិជនដ៏ល្អបំផុត។ ក្រុមហ៊ុនសែលកាត បានវិនិយោគឥតឈប់ឈរក្នុងការអភិវឌ្ឍទៅលើវិធីថ្មីៗដើម្បីគាំទ្រ និងលើកកម្ពស់ផលិតផល និងសេវាកម្មរបស់ខ្លួនតាមរយៈការធ្វើបច្ចុប្បន្នភាពបណ្តាញ network ជាទៀងទាត់ ការអភិវឌ្ឍផែនការ និងផលិតផលប្រកបដោយភាពច្នៃប្រឌិត និងការថែទាំអតិថិជនឲកាន់តែប្រសើរថែមទៀត។
2. ក្រុមហ៊ុន Smart Axiata ជាប់ឈ្មោះជាក្រុមហ៊ុនផ្គត់ផ្គង់សេវា 4G LTE ល្អបំផុតសម្រាប់ប្រើប្រាស់នៅក្នុងគេហដ្ឋានឆ្នាំ 2018 នេះ។ មនុស្សចំនួន 62% នៃអ្នកសំភាសន៍ជិត 8000 នាក់ បានវាយតំលៃទៅលើសេវា 4G របស់ Smart ថា ជាសេវាទូរស័ព្ទចល័តដែលល្អ និងមានតម្លៃសមរម្យបំផុត។ ក្រុមហ៊ុន Smart Axiata ត្រូវបានចាត់ជាប់ចំណាត់ថ្នាក់ខ្ពស់ជាមួយនឹងតម្លៃល្អសម្រាប់សេវាកម្មដែលត្រូវបានផ្តល់ជូន។ សេវាកម្មទិន្នន័យ 4G របស់ក្រុមហ៊ុនស្មាតក៏ត្រូវវាយតម្លៃខ្ពស់ផងដែរចំពោះភាពខ្លាំងនៃរលកសញ្ញា, ល្បឿននៃការ Download/ Upload ។
3. ក្រុមហ៊ុន Metfone ក៏ជាប់ឈ្មោះជា "ការវិនិយោគច្រើនបំផុតនៅក្នុងសេវា Telco Service ឆ្នាំ 2018" ក្រុមហ៊ុននេះ មានអ្នកប្រើប្រាស់តាមផ្ទះជាង ៦០ភាគរយ នៅក្នុងប្រទេសកម្ពុជាដែលប្រើប្រាស់សេវា Metfone។ អតិថិជនមិត្តហ្វូនមានការពេញចិត្តយ៉ាងខ្លាំងជាមួយនឹងរចនាសម្ព័ន្ធនៃសេវាកម្មរបស់ក្រុមហ៊ុននេះ។ អតិថិជនក៏ចាត់ចំណាត់ថ្នាក់សេវារបស់ក្រុមហ៊ុន Metfone មានស្ថេរភាពសម្រាប់សេវាកម្មគាំទ្រអតិថិជនដ៏ល្អបំផុតផងដែរ។.
4. ធនាគារវីង (ខេមបូឌា) អិលធីឌីគឺជាអ្នកផ្តល់សេវាកម្មប្រតិបត្តិការសាច់ប្រាក់ដែលល្អបំផុតឆ្នាំ 2018។ ក្នុងអំឡុងពេលប៉ុន្មានឆ្នាំចុងក្រោយនេះ ក្រុមហ៊ុនវីងផ្តល់ជូននូវសេវាកម្ម និងដំណោះស្រាយជាច្រើនសម្រាប់ការទូទាត់ប្រាក់មិនមែនជាសាច់ប្រាក់ (Non-Cash Payment) នៅក្នុងប្រទេសកម្ពុជា។ វីង ត្រូវបានទទួលស្គាល់ដោយអតិថិជនសម្រាប់ភាពងាយស្រួល មានសុវត្ថិភាព និងប្រជាប្រិយភាពខ្លាំង។
5. ក្រុមហ៊ុន PiPay ត្រូវជាប់ចំណាត់ថ្នាក់នៅក្នុងពានរង្វាន់ "Dynamic FinTech 2018" ក្នុងអំឡុងពេលប៉ុន្មានឆ្នាំចុងក្រោយនេះ ក្រុមហ៊ុន PiPay ផ្តល់ជូននូវសេវាកម្មជាច្រើនដោយមានការរីកចម្រើនយ៉ាងឆាប់រហ័សសម្រាប់បំពេញនូវតម្រូវការរបស់អតិថិជន និងការពង្រីកអាជីវកម្មរបស់ខ្លួនទៅកាន់ទីផ្សារផងដែរ។ ក្រុមហ៊ុន PiPay ត្រូវបានទទួលស្គាល់ដោយអតិថិជន។
6. កម្មវិធី MohaBot ទទួលបានពានរង្វាន់ "ការជឿទុកចិត្ត និងភាពច្នៃប្រឌិតបំផុតសម្រាប់ឆ្នាំ 2018"នេះ ក្នុងរយៈពេល 2 ឆ្នាំចុងក្រោយនេះ កម្មវិធី FTB Mobile Apps ផ្តល់សេវាកម្មទូទាត់ជាច្រើនសម្រាប់ធនាគាររបស់ខ្លួន និងអតិថិជនថ្មីៗនៅកម្ពុជា។ កម្មវិធី MohaBot នេះត្រូវបានទទួលស្គាល់ដោយអតិថិជនរបស់ខ្លួនសម្រាប់ភាពងាយស្រួលប្រើប្រាស់ មានសុវត្តិភាព រហ័ស និងសេវាកម្ម Call Center ថែមទៀត។