ថ្មីៗនេះ ក្រុមហ៊ុន Asus បានបញ្ចេញនូវអាវុធថ្មីរបស់ខ្លួនចូលទៅក្នុងទីផ្សារដែលមានឈ្មោះហៅថា ZenFone Max Pro (M2) ដែលស្មាតហ្វូនដ៏ស្រស់ស្អាតនេះ មានរូបរាងទាក់ទាញ ហើយថែមទាំងប្រើប្រាស់នូវបន្ទះឈីប Snapdragon 660 Mobile Platform ដើម្បីបំពេញនូវតម្រូវការរបស់អ្នកប្រើប្រាស់ថែមទៀត។ ថាមពលថ្មរបស់គឺធំមែនទែនដល់ទៅ 5000mAh ដែលល្អឥតខ្ចោះក្នុងការលេងហ្គេម ការកម្សាន្ត ការទស្សនាវីដេអូគ្មានដែនកំណត់ ហើយវាថែមទាំងការពារដោយកញ្ចក់ប្រភេទ Corning® Gorilla® Glass 6 នៅខាងមុខថែមទៀត។
អ្វីដែលកាន់តែពិសេសជាងនេះទៀតនោះ ស្មាតហ្វូននេះប្រើប្រាស់នូវបច្ចេកវិទ្យា AI ទៅលើប្រព័ន្ធកាមេរ៉ាភ្លោះខាងក្រោយជាមួយនឹងសេនស័រនៃកាមេរ៉ាគោល Sony® ដើម្បីធ្វើអោយគ្រប់រូបភាពដែលថតចេញពីស្មាតហ្វូននេះគឺស្រស់ស្អាត និងជាការចងចាំមួយដែលមិនអាចបំភ្លេចបាននោះទេ។ កាមេរ៉ាភ្លោះរបស់ស្មាតហ្វូននេះអាចផ្តិតរូបភាពបានច្បាស់មិនថាយប់ ឬថ្ងៃ ឬរូបភាពផ្តេក ឬរូបភាពបញ្ឈរគឺស្រស់ស្អាតលេចធ្លោតែម្តង។ ស្មាតហ្វូន ZenFone Max Pro M2 នេះធន់ក្នុងការប្រើប្រាស់ ហើយវាគឺជាដៃគូយ៉ាងល្អបំផុតដែលអ្នកអាចធ្វើដំណើររួមគ្នាបានគ្រប់ពេលវេលា។
-កម្លាំងម៉ាស៊ីនខ្លាំងក្លាសម្រេចគោលដៅរបស់អ្នក
ZenFone Max Pro M2 បំពាក់នូវបន្ទះឈីបស៊េរីថ្មី Snapdragon 660 Mobile Platform ជាមួយនឹងបច្ចេកវិទ្យា Qualcomm AI Engine ដែលពង្រឹងល្បឿននៃបន្ទះឈីបលឿនជាងមុន 11% ល្បឿនក្រាហ្វិកកាតលឿនជាងមុន ៣៣% ហើយវាថែមទាំងផ្តល់នូវការដំណើរការយ៉ាងរលូន ការឆ្លើយតបបានឆាប់រហ័ស និងការប្រើប្រាស់កាន់តែមានប្រសិទ្ធិភាពបំផុត។ ស្មាតហ្វូន ZenFone Max Pro នេះមានរ៉េមទំហំ 6GB និងផ្តល់នូវបទពិសោធន៍នៃការប្រើប្រាស់កាន់តែអស្ចារ្យសម្រាប់ការលេងហ្គេមដែលមានក្រាហ្វិកធំៗ ការប្រើប្រាស់មុខងារ Multitasking និងការសម្រេចនូវការងារជាច្រើនដែលអ្នកចង់បានថែមទៀត។
-ថាមពលថ្មខ្លាំងធន់នឹងការប្រើប្រាស់បានយូរបំផុត
ស្មាតហ្វូនស៊េរីថ្មីនេះមើលទៅតូចមែនពិត ប៉ុន្តែផ្នែកខាងក្នុងរបស់វាពិតជាមានអានុភាពខ្លាំងក្លាបំផុត។ ស្មាតហ្វូននេះប្រើប្រាស់ជាមួយនឹងថាមពលថ្មទំហំ 5000mAh ដែលធ្វើអោយការប្រើប្រាស់កិច្ចការងារប្រចាំថ្ងៃរបស់អ្នកកាន់តែយូរដូចជាការទស្សនាខ្សែភាពយន្ត ឬការចូលឆែកមើលអ៊ីនធឺណិត ឬការនិយាយទូរស័ព្ទជាដើម។ ជាមួយនឹងស្មាតហ្វូន ZenFone Max Pro អ្នកអាចគ្រប់គ្រងទៅលើពេលវេលារបស់អ្នកកាន់តែមានប្រសិទ្ធិភាពខ្ពស់បំផុត។
-កាមេរ៉ាបច្ចេកវិទ្យា AI ផ្តល់ភាពឆ្លាតវៃបំផុតក្នុងការថតរូប
ជាមួយនឹងបច្ចេកវិទ្យា AI នៃប្រព័ន្ធកាមេរ៉ាភ្លោះរបស់ ZenFone Max Pro M2 នេះពិតជាអស្ចារ្យបំផុតនៅក្នុងការប្រើប្រាស់។ កាមេរ៉ានេះប្រើប្រាស់នូវបច្ចេកវិទ្យាឆ្លាតវៃ AI Scene Detection កម្រិតខ្ពស់ដែលអ្នកអាចធ្វើការផ្តោតទៅលើវត្ថុអ្វីមួយ និងទទួលបានលទ្ធផលល្អបំផុតគ្រប់ពេលវេលាតែម្តង។ ស្មាតហ្វូនស៊េរីថ្មី ZenFone Max Pro ផ្តល់នូវបដិវត្តន៍ថ្មីសម្រាប់ការថតរូបភាពកាន់តែសម្បូរបែប កាន់តែងាយស្រួល កាន់តែឆ្លាតវៃ ហើយអាចចែករំលែករូបភាពដ៏អស្ចារ្យនេះទៅកាន់ពិភពលោកថែមទៀតផង។ ស្មាតហ្វូននេះមានមុខងារ 13 Modes សម្រាប់ការថតរូបភាពដ៏អស្ចារ្យបំផុតរបស់អ្នក។
អ្វីដែលរឹតតែអស្ចារ្យថែមទៀតនៅលើស្មាតហ្វូនស៊េរីថ្មី ZenFone Max Proនេះគឺការប្រើប្រាស់នូវ Hardware ដ៏ខ្លាំងក្លា។ ជាមួយនឹងកម្រិតភាពច្បាស់ដ៏ខ្ពស់បែបនេះនៃសេនស័រ Sony® 12MP IMX486 sensor (f/1.8 Aperture) នោះ ស្មាតហ្វូនស៊េរីថ្មី ZenFone Max Pro នេះធ្វើអោយរូបភាពដែលថតចេញមកគឺល្អឥតខ្ចោះតែម្តងមិនថាថតពេលយប់ ឬថ្ងៃនោះទេ។ ស្មាតហ្វូននេះភ្ជាប់ជាមួយនឹងមុខងារ Phase-detection autofocus (PDAF) និង Electronic Image Stabilization (EIS) សម្រាប់ជំនួយកុំអោយរូបភាពរង្គើរ ឬព្រាលនៅពេលដែលថតរូបភាព ឬវីដេអូនោះ។
-ការថតរូបភាព PORTRAIT MODE យ៉ាងល្អឥតខ្ចោះ
សម្រាប់អ្នកដែលចូលចិត្តថតរូបភាព Portraits និងClose-ups នោះ កាមេរ៉ាទី ២ នៅលើស្មាតហ្វូន ZenFone Max Pro M2 នេះប្រើប្រាស់នូវបច្ចេកវិទ្យា depth-sensing technology ក្នុងការបង្កើតនូវ artistic ‘bokeh’ effect ដែលមានផ្ទៃខាងក្រោយព្រាលយ៉ាងល្អឥតខ្ចោះតែម្តង។
-កាមេរ៉ាមុខភ្ជាប់ជាមួយនឹងបច្ចេកវិទ្យា BEAUTY MODE
ដើម្បីធ្វើអោយការថតរូបភាព Selfies កាន់តែល្អឥតខ្ចោះនោះ ស្មាតហ្វូនស៊េរីថ្មី ZenFone Max Pro M2 ភ្ជាប់ជាមួយនឹងបច្ចេកវិទ្យា Real-time Beautification ដែលមានភាពស្រស់ស្អាតចំនួន ៣ កម្រិតសម្រាប់ធ្វើការ Retouch ទៅលើរូបភាពរបស់អ្នកកាន់តែស្រស់ស្អាតបែបធម្មជាតិ។ ស្មាតហ្វូន ZenFone Max Pro នឹងធ្វើអោយអ្នកញញឹមគ្រប់ពេលវេលា។
-អេក្រង់ធំងាយស្រួលទស្សនាច្បាស់គ្រប់ជ្រុង
បច្ចេកវិទ្យានៃកម្រិតភាពច្បាស់ខ្ពស់បំផុតកម្រិត FHD+ 2280 x 108នៅលើអេក្រង់ពេញគែម 6.3” របស់ស្មាតហ្វូនស៊េរីថ្មី ZenFone Max Pro គឺពិតជាអស្ចារ្យមែនទែន ដូចនេះអ្នកអាចរីករាយជាមួយនឹងការលេងហ្គេម ឬការទស្សនាវីដេអូគ្មានដែនកំណត់នោះទេ។ សម្រាប់អេក្រង់គុណភាពល្អឥតខ្ចោះនេះផ្តល់នូវពណ៌ 94% NTSC Color Gamut ច្បាស់ កម្រិតពន្លឺ 450nitsល្អបំផុត និងកម្រិត 1500:1 Contrast Ratio ខ្ពស់ថែមទៀត។
-ការរចនារូបរាងល្អឥតខ្ចោះ
ស្មាតហ្វូនស៊េរីថ្មីដ៏ស្រស់ស្អាតនេះការពារដោយកញ្ចក់ Corning® Gorilla® Glass 6 ដែលមានភាពរឹងមាំ ហើយវាគឺជាកញ្ចក់ជំនាន់ចុងក្រោយបំផុតដែលការពារការឆ្កូត និងធន់ក្នុងការប្រើប្រាស់បំផុត។ កញ្ចក់ Corning® Gorilla® Glass 6 ធន់ទៅនឹងការធ្លាក់ជ្រុះនៅក្នុងកម្ពស់ 1 ម៉ែត្រដោយគ្មានបញ្ហានោះទេ។ ស្មាតហ្វូន ZenFone Max Pro មានរូបរាងស្រស់ស្អាតទាក់ទាញ ពេញចិត្តតែម្តង។ ស្មាតហ្វូន ZenFone Max Pro នេះមានការរូបរាងយ៉ាងល្អឥតខ្ចោះ និងផ្តល់នូវអារម្មណ៍ជឿជាក់តែម្តងនៅពេលដែលកាន់ានៅក្នុងដៃ។ ផ្នែកខាងក្រោយរបស់ស្មាតហ្វូន ZenFone Max Pro នេះគឺពិតជាទាក់ទាញខ្លាំងមែនទែនដោយសារតែវាប្រើប្រាស់នូវកញ្ចក់ប្រភេទ Wave 3D-curved cover ដែលអ្នកនឹងមានអារម្មណ៍កក់ក្តៅបំផុតនៅពេលដែលកាន់ប្រើប្រាស់ស្មាតហ្វូននេះ។
-ប្រព័ន្ធសំឡេងពិរោះគ្មានគូប្រៀប និងរន្ធ Slot-Tray ចំនួន 3
នៅក្នុងការផ្តល់នូវបទពិសោធន៍ដ៏អស្ចារ្យនៃប្រព័ន្ធសំឡេងនោះ ស្មាតហ្វូន ZenFone Max Pro ប្រើប្រាស់នូវ magnet speaker ចំនួន 5 ជាមួយនឹងបច្ចេកវិទ្យា NXP low-distortion smart amplifier ដែលផ្តល់នូវសំឡេងភ្លឺច្បាស់មិនធម្មតានោះទេ។ ស្មាតហ្វូន ZenFone Max Pro នេះធ្វើអោយការកម្សាន្តរបស់អ្នកឈានទៅដល់កម្រិតមួយទៀតដែលអ្នកនឹកស្មានមិនដល់នោះទេ។ ស្មាតហ្វូន ZenFone Max Pro នេះប្រើប្រាស់នូវរន្ធ Slot Tray ចំនួន 3 ដែលអាចដាក់ស៊ីមបានពីរ 4G/4G និងមួយទៀតសម្រាប់បន្ថែម microSD card ដល់ទៅ 2TB ។ ស្មាតហ្វូន ZenFone Max Pro នេះប្រើប្រាស់នូវប្រព័ន្ធស្កេនមុខ facial-recognition system ដែលអាចធ្វើការដោះសោរស្មាតហ្វូននេះនៅក្នុងរយៈពេលត្រឹមតែ 0.3 វិនាទីប៉ុណ្ណោះ៕