នេះគឺជាស្មាតហ្វូនស៊េរីថ្មី ZenFone Max (M2) ដែលត្រូវបានគេរចនារូបរាងយ៉ាងពិសេសសម្រាប់ការផ្តល់ជូននូវបទពិសោធន៍ដ៏អស្ចារ្យមិនធ្លាប់មានក្នុងការប្រើប្រាស់។ ស្មាតហ្វូននេះ មានអេក្រង់ធំពេញគែមទំហំដល់ទៅ 6.3-inch ហើយដំណើរការនូវប្រព័ន្ធប្រតិបត្តិការ Snapdragon™ 632 Mobile Platform ដែលមានល្បឿនលឿនខ្លាំងក្លាលឿនជាងមុនដល់ទៅ ៤០% និងថាមពលថ្ម 4000mAh ប្រើប្រាស់បានយូរថែមទៀត។
ស្មាតហ្វូននេះ ភ្ជាប់ជាមួយនឹងប្រព័ន្ធកាមេរ៉ាភ្លោះដែលអាចផ្តិតរូបភាពបានច្បាស់នៅក្នុងកម្រិតមួយមិនធម្មតានោះទេ ហើយកាមេរ៉ាភ្លោះនេះក៏ភ្ជាប់ជាមួយនឹងបច្ចេកវិទ្យា AI រួមជាមួយនឹងប្រព័ន្ធសំឡេងពិរោះឥតខ្ចោះ។ ស្មាតហ្វូន ZenFone Max គឺធន់ក្នុងការប្រើប្រាស់ ហើយអ្នកអាចយកវាទៅគ្រប់ទីកន្លែងដែលអ្នកទៅដល់ថែមទៀតផង។
-កម្លាំងម៉ាស៊ីនខ្លាំងដំណើរការលឿន : ខួរក្បាលរបស់ស្មាតហ្វូនស៊េរីថ្មី ZenFone Max គឺបន្ទះឈីប Qualcomm® Snapdragon™ 632 Mobile Platform ដែលល្បឿនរបស់វាពិតជាខ្លាំងក្លាមែនទែនក្នុងការប្រើប្រាស់។ ស្មាតហ្វូននេះមានល្បឿនលឿនជាងមុនដល់ទៅ ៤០% បើធៀបជាមួយនឹងបន្ទះឈីប SDM6261 ហើយវាពិតជាមានប្រសិទ្ធិភាពខ្ពស់បំផុតក្នុងការប្រើប្រាស់។
-ថាមពលថ្មខ្លាំង 4000mAh : នៅក្នុងស្មាតហ្វូនស៊េរីថ្មី ZenFone Max នេះបំពាក់នូវថាមពលថ្មខ្លាំងក្លាទំហំ 4000mAh lithium-polymer ដែលផ្តល់នូវសមត្ថភាពនៃការប្រើប្រាស់បានយូរ និងកាន់តែសម្បូរបែបថែមទៀត។ ស្មាតហ្វូននេះអាច Standby បានរយៈពេលដល់ទៅ 33 ថ្ងៃថែមទៀតផង។
-អេក្រង់ពេញគែមផ្តល់នូវការទស្សនាអស្ចារ្យបំផុត: ស្មាតហ្វូនដ៏ស្រស់ស្អាតនេះមានអេក្រង់ពេញគែមទំហំ 6.3-inch ដែលផ្តល់នូវការទស្សនាដ៏អស្ចារ្យបំផុត។ ស្មាតហ្វូននេះមានកម្រិត Ratio 88% ខ្ពស់បើធៀបជាមួយនឹងតួខ្លួនរបស់វា ហើយអេក្រង់នេះគឺជាប្រភេទ HD+ Display 1520 x 720 ថែមទៀត។ ជាមួយនឹងអេក្រង់ធំនេះ អ្នកអាចធ្វើការចាក់វីដេអូ ឬការទាញយកវីដេអូនៅលើអ៊ីនធឺណិតសម្រាប់ការទស្សនាកាន់តែសម្បូរបែប និងរីករាយបំផុត។
-តួខ្លួនលោហធាតុស្រស់ស្អាតរាងស្តើងជាងមុន: ស្មាតហ្វូនស៊េរីថ្មី ZenFone Max នេះមាន ៣ ពណ៌លេចធ្លោដ៏ស្រស់ស្អាតហើយតួខ្លួនរបស់វាគឺផលិតឡើងពីលោហធាតុរលើបរលោងទាក់ទាញបំផុត។ ស្មាតហ្វូននេះពិតជាផ្តល់នូវអារម្មណ៍កក់ក្តៅក្នុងការប្រើប្រាស់បំផុត។ សម្រាប់កម្រាស់របស់ស្មាតហ្វូននេះគឺស្តើងមែនទែនត្រឹមតែ 7.7mm តែប៉ុណ្ណោះ!
-កាមេរ៉ាឆ្លាតវៃបច្ចេកវិទ្យា AI ល្អបំផុតក្នុងការថតរូបភាព: ជាមួយនឹងបច្ចេកវិទ្យាឆ្លាតវៃ AI Scene Detection ចំនួន 13 កម្រិតខ្ពស់នេះ អ្នកអាចធ្វើការផ្តោតទៅលើវត្ថុអ្វីមួយ ហើយលទ្ធផលនៃការថតរូបភាពនេះគឺស្រស់ស្អាតបំផុតគ្មានគូប្រៀបនោះទេ។ ស្មាតហ្វូននេះអាចធ្វើការចាប់ប្លង់ដោយស្វ័យប្រវត្តិ ហើយវាក៏មានភ្ជាប់ជាមួយនឹងមុខងារជាច្រើនក្នុងការកែប្រែទៅលើរូបភាព ឬប្លង់ដោយស្វ័យប្រវត្តិចេញពី Settings នៃរូបភាពនេះ។ វាពិតជាមានភាពងាយស្រួល និងឆ្លាតវៃបំផុតក្នុងការប្រើប្រាស់ជាមួយនឹងបច្ចេកវិទ្យាកាមេរ៉ាឆ្លាតវៃ AI នេះ។
ប្រព័ន្ធកាមេរ៉ាភ្លោះនៅលើស្មាតហ្វូន ZenFone Max ផ្តល់នូវរូបភាពអស្ចារ្យបំផុតដែលអ្នកនឹកស្មានមិនដល់។ កាមេរ៉ាខាងក្រោយទំហំ 13MP F1.8 wide-aperture lens ផ្តិតយករូបភាពច្បាស់ជាងមុន និងស្រស់ស្អាតល្អឥតខ្ចោះដោយសារតែវាមានភ្ជាប់បន្ថែមជាមួយនឹងមុខងារ Phase-detection autofocus (PDAF) និង Electronic Image Stabilization (EIS) សម្រាប់ជួយអោយរូបភាពនៅតែស្រស់ស្អាតនៅពេលដែលរង្គើរ ឬការពារកុំអោយព្រាល។ សម្រាប់កាមេរ៉ាទី ២ គឺជាប្រភេទ ‘bokeh’ camera ដែលធ្វើអោយរូបភាព Portrait របស់អ្នកមើលទៅគឺធម្មជាតិពិតៗតែម្តង។
-កាមេរ៉ាខាងមុខបំពាក់នូវបច្ចេកវិទ្យា BEAUTY MODE : ស្មាតហ្វូនស៊េរីថ្មី ZenFone Max នេះផ្តល់នូវការថតរូបភាពដ៏ល្អឥតខ្ចោះជាមួយនឹងបច្ចេកវិទ្យា Real-time Beautification ដែលអាចធ្វើការ Retouch ទៅលើរូបភាពរបស់អ្នកអោយស្រស់ស្អាតបែបធម្មជាតិពិតៗមិនចាំបាច់កែប្រែច្រើននោះទេ។ កាមេរ៉ាខាងមុខរបស់ស្មាតហ្វូននេះមានទំហំ 8MP F2.0 aperture និងភ្លើង Softlight LED flash ថែមទៀត។
-ប្រព័ន្ធសំឡេងពិរោះដ៏អស្ចារ្យ: នៅក្នុងការពង្រឹងទៅលើប្រព័ន្ធសំឡេងកាន់តែអស្ចារ្យនោះ ស្មាតហ្វូន ZenFone Max នេះប្រើប្រាស់នូវ magnet speaker ចំនួន 5 ជាមួយនឹងបច្ចេកវិទ្យាឆ្លាតវៃ NXP low-distortion smart amplifier ដែលធ្វើអោយសំឡេងចេញពីស្មាតហ្វូននេះខ្លាំងក្លា និងច្បាស់បំផុត។ សំឡេងរបស់វាគឺលឺខ្លាំងជាងមុនដល់ទៅ 67% ហើយវាថែមទាំងអាចកាត់បន្ថយទៅលើសំឡេងរំខានបានដល់ទៅ 87% ថែមទៀត៕
