នៅថ្ងៃទី 11 ខែកុម្ភៈ ឆ្នាំ 2019 ខាងមុខនេះ មជ្ឈមណ្ឌលជាតិផ្តល់ឈាម នៃក្រសួងសុខាភិបាល សហការជាមួយក្រុមហ៊ុន ជីហ្គៀ រៀបចំកម្មវិធីបរិច្ចាកឈាមក្រោមប្រធានបទ «ផ្តល់ក្តីស្រឡាញ់ ផ្តល់ឈាម ឬ Share Your Love Share Your Blood» ដែលពិធីនេះ បានធ្វើឡើងនៅហាងទំនើប LG Premium BrandShop ដែលស្ថិតនៅអគារលេខ 135 មហាវិថីព្រះមុនីវង្ស រាជធានីភ្នំពេញ ចាប់ពីម៉ោង 8 ព្រឹក រហូតដល់ម៉ោង 12 ថ្ងៃត្រង់ នាថ្ងៃទី 11 ខែកុម្ភៈ។
ជាមួយនឹងកម្មវិធីបរិច្ចាកឈាម ជួយដល់មជ្ឈមណ្ឌលជាតិផ្តល់ឈាម នៃក្រសួងសុខាភិបាលបែបនេះ គឺក្រុមហ៊ុន ជីហ្គៀ តែងតែរៀបចំការបរិច្ចាកឈាម 2 ដងនៅក្នុងមួយឆ្នាំ ជាទូទៅគឺប្រព្រឹត្តឡើងនៅហាង LG Premium BrandShop ផ្ទាល់តែម្តង។ យោងតាមការបញ្ជាក់របស់ថ្នាក់ដឹកានាំរបស់ មហ៊ុន ggear បានអោយដឹងថា គោលបំណងនៃយុទ្ធនាការបរិច្ចាគឈាមនេះ គឺដើម្បីឲ្យយុវជន-យុវនារី ប្រជាជនទូទៅ ចែករំលែកក្តីស្រឡាញ់របស់ពួកគេ ដោយចូលរួមបរិច្ចាគឈាម ដើម្បីជួយសង្រ្គោះដល់ជនរងគ្រោះដែលត្រូវការឈាមជាចាំបាច់។
សូមជំរាបថា ក្រុមហ៊ុន ggear ក៏បានអំពាវនាវឲ្យគ្រប់អង្គភាព ស្ថាប័ន វិស័យឯកជន អង្គការជាតិ និងអន្តរជាតិ ចូលរួមចំណែកក្នុងភាពជាដៃគូ ជាមួយមជ្ឈមណ្ឌលជាតិផ្តល់ឈាម ដើម្បីជំរុញលើកកម្ពស់ការបរិច្ចាគឈាមដោយស្ម័គ្រចិត្តឲ្យកាន់តែសុះសាយដល់សាធារណៈជនផងដែរ។