កាលពីថ្ងៃទី 22 ខែកុម្ភៈ 2019 ម្សិលមិញនេះ ក្រុមហ៊ុន សាខាថៃសាមសុងអេឡិចត្រូនិក ប្រចាំប្រទេសកម្ពុជា បានអញ្ចើញអ្នកសារព័ត៌មាន និងអ្នកថតរូបអាជីពជាច្រើននាក់ មកជួបជុំគ្នាទស្សនាការផ្សាយផ្ទាល់នៅឯសណ្ឋាគារ ហ្គាឌិន ស៊ីធី ដើម្បីជាសាក្សីនៃការបង្ហាញជាសាកលនៃកំពូលស្មាតហ្វូនដ៏ជាទីមោទនៈរបស់ក្រុមហ៊ុន សាមសុងជាមួយនឹងខួប 10 ឆ្នាំនៃ Samsung Galaxy ដែលពិភពលោកកំពុងរង់ចាំនេះ។
លោក រតនា សោភ័ណ ប្រធានគ្រប់គ្រងផ្នែកផលិតផលទូរស័ព្ទដៃនៃ ក្រុមហ៊ុនសាខាថៃ សាមសុង អេឡិចត្រូនិក ប្រចាំព្រះរាជាណាចក្រកម្ពុជា បានមានប្រសាសន៍ថា Samsung Galaxy S10 មិនត្រឹមតែមានរូបរាង ស្អាត កាលីប ទាន់សម័យ និងទាក់ទាញបំផុតប៉ុណ្ណោះទេ កំពូលស្មាតហ្វូនជំនាន់ថ្មីនេះ ក៏មានបំពាក់ជាមួយនឹងបច្ចេកវិទ្យាជាច្រើនសម្រាប់ជាការឆ្លើយតបទៅនឹងការចង់បានរបស់អ្នកប្រើប្រាស់ផងដែរ ក្នុងនោះរួមមានដូចជា អេក្រង់ Infinity-O Display, បច្ចេកវិទ្យាស្កែនក្រយៅដៃក្រោមអេក្រង់ថ្មីបំផុតUltrasonic Fingerprint, បច្ចេកវិទ្យាសាកថ្ម និងចែករំលែកទៅកាន់ស្មាតហ្វូនដទៃ Wireless Power Share, រួមជាមួយនឹងមុខងារថតរូប Pro-Grade Camera យ៉ាងល្អបំផុតសម្រាប់បទពិសោធន៍ថ្មី ដែលមិនធ្លាប់មានក្នុងឆ្នាំ 2019 ថែមទៀតផង។
លោក ប្រធានគ្រប់គ្រងផ្នែកផលិតផលទូរស័ព្ទដៃនៃ ក្រុមហ៊ុនសាខាថៃ សាមសុង អេឡិចត្រូនិក ប្រចាំព្រះរាជាណាចក្រកម្ពុជា រូបនេះ បានមានប្រសាសន៍ថា “ យើងពិតជាមានសេចក្តីសោមនស្សរីករាយ និងរំភើបក្រៃលែងក្នុងការដាក់បង្ហាញនូវកំពូលស្មាតហ្វូនជំនាន់ថ្មីនេះ នៅក្នុងប្រទេសកម្ពុជាដែលជាប្រទេសកំពុងតែមានការជឿនលឿនផ្នែកបច្ចេកវិទ្យា និងស្មាតហ្វូននាពេលបច្ចុប្បន្ន ហើយយើងសង្ឃឹមជឿជាក់យ៉ាងមុតមាំថាម៉ូឌែល Samsung Galaxy S10 និង S10+ ប្រចាំឆ្នាំ 2019 នេះ នឹងទទួលបានការគាំទ្រយ៉ាងច្រើនបំផុតពីសំណាក់អតិថិជនទាំងអស់ដែលកំពុងស្វែងរក និងទន្ទឹងរង់ចាំយ៉ាងអន្ទះសារនៃវត្តមានកំពូលស្មាតហ្វូននេះ” ។
គួរបញ្ជាក់ថា កំពូលស្មាតហ្វូន Samsung Galaxy S10 និង S10+ ថ្មីនេះ ត្រូវបានក្រុមហ៊ុន Samsung ប្រកាសបង្ហាញជូនដល់ពិភពលោកទាំងមូល នៅក្រុងសាន់ហ្រ្វាន់ស៊ីស្កូ (San Francisco) រដ្ឋកាលីហ្វ័រញ៉ា សហរដ្ឋអាមេរិក កាលពីម៉ោង 11 ព្រឹក ថ្ងៃទី 20 ខែកុម្ភៈ ដែកត្រូវនឹងម៉ោង 2 យប់ ថ្ងៃទី 21 កុម្ភៈនៅកម្ពុជា ដូច្នេះ ការបង្ហាញវត្តមានរបស់ Samsung Galaxy S10 និង S10+ គឺធ្វើឡើងតែមួយថ្ងៃ បន្ទាប់ពីព្រឹត្តិការណ៍ប្រចាំឆ្នាំដ៏គួរជាទីមោទនៈរបស់ក្រុមហ៊ុន សាមសុង តែប៉ុណ្ណោះ គឺពិតជាលឿនមែនទែនសម្រាប់កម្ពុជា។
យោងតាមការបញ្ជាក់ពីលោក ប្រធានគ្រប់គ្រងផ្នែកផលិតផលទូរស័ព្ទដៃ បានអោយដឹងថា កំពូលស្មាតហ្វូន Samsung Galaxy S10 និង S10+ គឺនឹងដាក់ឲ្យកម្ម៉ង់ទិញទុកមុន(Pre-order) នៅប្រទេសកម្ពុជា ចាប់ពីថ្ងៃនេះរហូតដល់ 5 មីនា 2019 ជាមួយជម្រើស 3 ពណ៌ គឺ ខ្មៅ ស និង បៃតង។ សូមអញ្ជើញទៅហាងដែលមានស្លាកសញ្ញា Pre-order ឬហាងដែលនៅជិតលោកអ្នកបំផុត។ សូមអញ្ជើញមកទទួលយកបទពិសោធន៍ដ៏អស្ចារ្យនៃកំពូលស្មាតហ្វូន Samsung Galaxy S10 និង S10+ ដំបូងបំផុតឱ្យបានមុនគេនៅថ្ងៃនេះភ្លាមទៅ!